തിരുവനന്തപുരം: മദ്യം ഉപയോഗിക്കാനുള്ള പ്രായ പരിധി 21ൽ നിന്ന് 23 വയസ്സാക്കാൻ മന്ത്രിസഭാ തീരുമാനം. ഇതിനായി അബ്കാരി നിയമം ഭേദഗതി ചെയ്യാൻ ഗവർണറോട് ശുപാർശ ചെയ്യും. ജൂൺ 8 നു ചേർന്ന എൽഡിഎഫ് യോഗമാണ് പുതിയ മദ്യ നയത്തിന് അംഗീകാരം നൽകിയത്. പ്രായം കുറഞ്ഞവർക്ക് മദ്യം നൽകിയാൽ വിൽക്കുന്നവരെ ശിക്ഷിക്കുവാനും ശുപാർശ ചെയ്തിരുന്നു.
പ്രായപരിധി ഉയർത്തണമെങ്കിൽ അബ്കാരി നിയമത്തിലെ പോലെ ഫോറിൻ ലിക്വർ റൂളിലും ഭേദഗതി വരുത്തണം. നിയമസഭ കൂടാത്തതിനാലാണ് ഓഡിനൻസ് പുറപ്പെടുവിച്ചത്. നിയമസഭ ചേർന്നാലുടനെ പുതിയ ബിൽ കൊണ്ടുവരും.
