
തൃശ്ശൂര് : ഉത്സവ കോർഡിനേഷൻ കമ്മിറ്റി തൃശ്ശൂര് ജില്ലയില് വ്യാഴാഴ്ച ഹര്ത്താ ലിന് ആഹ്വാനം ചെയ്തു.
വെടിക്കെട്ടിനും ആന എഴുന്നെള്ളി പ്പിനും അനുമതി നൽകാ ത്തതിൽ പ്രതിഷേധിച്ചു കൊണ്ടാണ് രാവിലെ ആറു മണി മുതല് വൈകുന്നേരം ആറു മണി വരെ ഹര്ത്താല് നടത്തുന്നത്.

തൃശ്ശൂര് : ഉത്സവ കോർഡിനേഷൻ കമ്മിറ്റി തൃശ്ശൂര് ജില്ലയില് വ്യാഴാഴ്ച ഹര്ത്താ ലിന് ആഹ്വാനം ചെയ്തു.
വെടിക്കെട്ടിനും ആന എഴുന്നെള്ളി പ്പിനും അനുമതി നൽകാ ത്തതിൽ പ്രതിഷേധിച്ചു കൊണ്ടാണ് രാവിലെ ആറു മണി മുതല് വൈകുന്നേരം ആറു മണി വരെ ഹര്ത്താല് നടത്തുന്നത്.
- pma
വായിക്കുക: ആനക്കാര്യം, ഉത്സവം, എതിര്പ്പുകള്, തൃശ്ശൂര് പൂരം, വിവാദം

കണ്ണൂർ : സംസ്ഥാന സ്കൂൾ കലോൽസവ ത്തിൽ കോഴി ക്കോടിന് കലാ കിരീടം. തുടർച്ച യായ പതിനൊന്നാം തവണ യാണ് കോഴിക്കോട് ജില്ല കിരീടം ചൂടുന്നത്.
937 പോയിന്റു നേടി സ്വര്ണ്ണ ക്കപ്പ് കരസ്ഥ മാക്കിയ തോടെ ഏറ്റവും കൂടു തൽ തവണ തുടർച്ച യായി കലാ കിരീടം നേടുന്ന ജില്ലയായി കോഴിക്കോട് ചരിത്ര ത്തില് ഇടം നേടി.
936 പോയിന്റു മായി രണ്ടാം സ്ഥാനത്ത് പാല ക്കാട് ജില്ലയും 933 പോയിന്റു മായി ആതി ഥേയര് ആയ കണ്ണൂര് ജില്ല മൂന്നാം സ്ഥാനത്തും നില യുറ പ്പിച്ചു.
തൃശൂര് (921), മലപ്പുറം (907), കോട്ടയം (880), എറണാ കുളം (879), ആലപ്പുഴ (867), കൊല്ലം (866), വയനാട് (854), തിരു വനന്ത പുരം (844), കാസര്കോട് (817), പത്തനം തിട്ട (772), ഇടുക്കി (750) എന്നിങ്ങനെ യാണ് മറ്റു ജില്ല കളുടെ പോയിന്റ് നില.
- pma
വായിക്കുക: kerala-government-, ഉത്സവം, ബഹുമതി, വിദ്യാഭ്യാസം

തൃശ്ശൂർ: സാംസ്കാരിക തലസ്ഥാന നഗരമായ തൃശ്ശൂരിൽ കഴിഞ്ഞ ഏതാനും ദിവസങ്ങളായി നടന്നു വരുന്ന വിപുലമായ ഓണാഘോഷ പരിപാടികൾക്ക് പരിസമാപ്തിയായി. ഇതിന്റെ ഭാഗമായി ഇന്നലെ നഗരത്തിൽ നടന്ന പുലിക്കളി നാടിനും നാട്ടുകാർക്കും മാത്രമല്ല, ഓണാഘോഷത്തിൽ പങ്കെടുക്കാൻ എത്തിയ വിനോദ സഞ്ചാരികൾക്കും ആവേശം പകർന്നു.
നൂറ് കണക്കിന് പുലികളാണ് ഇന്നലെ നഗരത്തിൽ ഇറങ്ങിയത്. വിനോദ സഞ്ചാരം പ്രോൽസാഹിപ്പിക്കുന്നതിന്റെ ഭാഗമായി നഗരസഭയും പോലീസ് അസോസിയേഷനും സഹകരിച്ചാണ് ഇത്തവണ വിപുലമായ സജ്ജീകരണങ്ങളോടെ പുലിക്കളി ഒരുക്കിയത്. പുലിക്കളി പ്രമാണിച്ച് നഗരത്തിലെ ചില റോഡുകളിൽ ഗതാഗത നിയന്ത്രണം ഏർപ്പെടുത്തും എന്ന് നേരത്തേ അറിയിപ്പ് ഉണ്ടായിരുന്നതിനാൽ രാവിലെ മുതൽ ജനം പാതയോരങ്ങളിൽ കാത്തു നിന്നു. നഗരത്തിന്റെ വിവിധ ഭാഗങ്ങളിൽ നിന്നും എത്തിയ നൂറ് കണക്കിന് പുലി വേഷങ്ങൾ സ്വരാജ് ഗ്രൌണ്ടിലേക്ക് എത്തിയതോടെ നഗരം അവേശത്തിമിർപ്പിൽ ആറാടി. ആയിരക്കണക്കിന് ആളുകളാണ് പരിപാടി കാണാൻ തടിച്ച് കൂടിയത്.
- സ്വ.ലേ.
വായിക്കുക: ഉത്സവം, വിനോദം, സാംസ്കാരികം

തൃശ്ശൂര്: ഇലഞ്ഞി പൂത്ത മണം പരന്ന് കിടക്കുന്ന വടക്കം നാഥന്റെ അന്തരീക്ഷം. തെക്കേ ഗോപുര നടയില് അക്ഷമരായി ആകാംഷയോടെ കാത്തു നില്ക്കുന്ന ആയിരക്കണക്കിനു പേര്. ഒടുവില് കാത്തിരിപ്പിനു വിരാമമിട്ടു കൊണ്ട് തെക്കേ ഗോപുര വാതില് തുറന്ന് തലയെടുപ്പോടെ നെയ്തലക്കാവിലമ്മയെ ശിരസ്സിലേറ്റി പ്രൌഡിയോടെ തലയെടുപ്പിന്റെ തമ്പുരാന് തെച്ചിക്കോട്ടുകാവ് രാമചന്ദ്രന് പുറത്തേക്ക്. ഇതോടെ കാത്തു നിന്ന ആയിരക്കണക്കിനു ആരാധകരുടെ ആവേശം അണ പൊട്ടി. മഴയെ അവഗണിച്ച് തടിച്ചു കൂടിയവര് വായ്ക്കുരവയിട്ടും കൈകളുയര്ത്തിയും കുടകള് ഉയര്ത്തിയും ആഹ്ളാദ നൃത്തം ചവിട്ടി. ആരാധകരെ തുമ്പിയുയര്ത്തി വണങ്ങി രാമചന്ദ്രന് നന്ദി പ്രകടിപ്പിച്ചു. തുടര്ന്ന് ആരാധകരുടെ നടുവിലേക്ക്. ചടങ്ങ് അവസാനിച്ചപ്പോള് രാമചന്ദ്രനെ തന്റെ തട്ടകമായ പേരാമംഗലത്തേക്ക് എത്തിച്ചിട്ടാണ് ആരാധകര് മടങ്ങിയത്. കേരളത്തില് മറ്റൊരാനയ്ക്കും ഇല്ല ഇത്രയധികം ആരാധകര്.
ഈ സീസണില് പ്രസിദ്ധമായ നിരവധി പൂരങ്ങളില് പങ്കെടുത്തു വരികയായിരുന്നു രാമചന്ദ്രന്. എന്നാല് കഴിഞ്ഞ ആഴ്ച പ്രത്യേകിച്ച് കാരണമൊന്നും ഇല്ലാതെ ആനയെ പൊതു പരിപാടികളില് പങ്കെടുക്കുന്നതില് നിന്നും വിലക്കിക്കൊണ്ട് ഒരു ഉത്തരവ് വരുന്നു. രാമചന്ദ്രന് തൃശ്ശൂര് പൂരത്തില് പങ്കെടുക്കുന്നതില് ചിലര്ക്കുള്ള വിയോജിപ്പിന്റെ ഫലമായിരുന്നു അത്.
ആനയെ ഉത്സവങ്ങളില് പങ്കെടുപ്പിക്കുവാന് കോടതി ഉത്തരവും വെറ്റിനറി ഡോക്ടര്മാരുടെ ഫിറ്റ്നസ് സര്ട്ടിഫിക്കറ്റും ഡി. എഫ്. ഒ. യുടെ അനുമതിയും ഉണ്ടെന്നിരിക്കെ പ്രത്യേകിച്ച് കാരണങ്ങള് ഒന്നുമില്ലാതെ ആനയ്ക്ക് വിലക്കേര്പ്പെടുത്തുന്നത് എന്തിനാണെന്ന ചോദ്യം ഉയര്ന്നു. നെയ്തലക്കാവ് ക്ഷേത്ര പ്രതിനിധികളും തെച്ചിക്കോട്ടുകാവ് ദേവസ്വം പ്രതിനിധികളും അധികൃതരുമായി ചര്ച്ച നടത്തി. കമ്മറ്റിക്കാര് കളക്ടറെ കണ്ട് ചര്ച്ച നടത്തിയെങ്കിലും അനുകൂലമായ മറുപടി ലഭിച്ചില്ല. ഇതോടെ ആരാധകരുടെ പ്രതിഷേധം ശക്തമായി. സെലിബറേഷന് കമ്മിറ്റിയിലും ആനയെ പങ്കെടുപ്പിക്കണം എന്ന നിലപാടില് ഭൂരിപക്ഷവും ഉറച്ചു നിന്നു. ഒടുവില് കളക്ടര് ചില നിബന്ധനകളോടെ ആനയെ എഴുന്നള്ളിപ്പില് പങ്കെടുപ്പിക്കാമെന്ന് സമ്മതിക്കുകയായിരുന്നു. എങ്കിലും ചടങ്ങു നടക്കും വരെ ആരാധകരുടെ ആശങ്കകള് അകന്നിരുന്നില്ല. അത്രയ്ക്കും ശക്തമായിരുന്നു രാമചന്ദ്രനെതിരെ ഉള്ള അണിയറ നീക്കങ്ങള്.
പത്തു വര്ഷങ്ങള്ക്കിപ്പുറമാണ് തെച്ചിക്കോട്ടുകാവ് രാമചന്ദ്രന് തൃശ്ശൂര് പൂരത്തില് പങ്കെടുക്കുന്നത്. കേരളത്തില് അങ്ങോളമിങ്ങോളമുള്ള ഉത്സവങ്ങളില് രാമചന്ദ്രന് നിറസാന്നിദ്ധ്യമാണ്. ബുക്കിങ്ങ് ഏറിയപ്പോള് ലേലം വിളിച്ച് ഉയര്ന്ന തുകയ്ക്കാണ് ഇവനെ ഉത്സവങ്ങള്ക്കായി വിടുന്നത്. ഒരു ഉത്സവത്തില് പങ്കെടുക്കുവാനായി നാലു ലക്ഷത്തിലധികം രൂപയ്ക്ക് വരെ ഇവന് ലേലത്തില് പോയിട്ടുണ്ട്.
- എസ്. കുമാര്
വായിക്കുക: ആനക്കാര്യം, ഉത്സവം, തൃശ്ശൂര് പൂരം
പാലക്കാട്: അമ്പത്തിനാലാമാത് സംസ്ഥാന സ്കൂള് കലോത്സവത്തിനു പാലക്കാട് തുടക്കം കുറിച്ചു. പ്രധാന വേദിയായ മഴവില്ലില് വെബ്സ്ക്രീനിങ്ങ് വഴിയാണ് മുഖ്യമന്ത്രി ഉമ്മന് ചാണ്ടി കലോത്സവം ഉദ്ഘാടനം ചെയ്തത്. ഇതോടെ ഏഷ്യയിലെ തന്നെ ഏറ്റവും വലിയ കൌമാരകലോത്സവത്തിനു തുടക്കം ആയി. വിദ്യാഭ്യാസ മന്ത്രി പി.കെ.അബ്ദുറബ്ബ് അധ്യക്ഷം വഹിച്ച ചടങ്ങില് ചലച്ചിത്ര താരം ബാല ചന്ദ്രമേനോന് മുഖ്യ അതിഥിയായിരുന്നു.
പതിനെട്ട് വേദികളിലായി 232 ഇനങ്ങളില് പന്ത്രണ്ടായിരത്തോളം കുട്ടികള് മത്സരിക്കും. കലോത്സവത്തോടനുബന്ധിച്ചുള്ള സാംസ്കാരിക ഘോഷയാത്ര പാലക്കാടന് കലാ രൂപങ്ങള്ക്ക് പ്രാധാന്യം നല്കിയിട്ടുള്ളതായിരുന്നു. വിദ്യാര്ഥികളും, അധ്യാപകരും, സാംസ്കാരിക പ്രവര്ത്തകരും ഉള്പ്പെടെ നാലായിരത്തോളം പേര് പങ്കെടുത്തു. ഉച്ചക്ക് രണ്ടുമണിക്ക് ശേഷം വിക്ടോറിയ കോളേജ് പരിസരത്തു നിന്നും ആരംഭിച്ച ഘോഷയാത്ര ഇന്ദിരാഗാന്ധി മുന്സിപ്പല് സ്റ്റേഡിയത്തിലെ പ്രധാന വേദിയ്ക്കരികില് സമാപിച്ചു.
- എസ്. കുമാര്
വായിക്കുക: ഉത്സവം