തിരുവനന്തപുരം : ഈ വർഷത്തെ എസ്. എസ്. എല്. സി. പരീക്ഷാ ഫലം മെയ് 15 ന് പ്രഖ്യാപിക്കും എന്ന് വിദ്യാഭ്യാസ വകുപ്പ് മന്ത്രി വി. ശിവന് കുട്ടി അറിയിച്ചു.
ഹയര് സെക്കന്ഡറി രണ്ടാം വര്ഷ പരീക്ഷാ ഫലം മെയ് 22 നും പ്രസിദ്ധീകരിക്കും. ഫല പ്രഖ്യാപനം വന്നാൽ ഉടൻ തന്നെ പുനര് മൂല്യ നിർണ്ണയം നടത്താനുള്ള അപേക്ഷകള് സ്വീകരിക്കും. മെയ് അവസാനത്തിൽ ഫലവും പ്രസിദ്ധീകരിക്കും.
ഹയര് സെക്കണ്ടറി രണ്ടാം വര്ഷ ഇംപ്രൂവ്മെന്റ് ഫലം മെയ് എട്ടിനും ഒന്നാം വര്ഷ പരീക്ഷാ ഫലം ജൂണ് പത്തിനും പ്രഖ്യാപിക്കും. എസ്. എസ്. എല്. സി. ഫല പ്രഖ്യാപനം കഴിഞ്ഞാലുടന് തന്നെ സര്ട്ടിഫിക്കറ്റു കളുടെ വിതരണവും ആരംഭിക്കും.
പരീക്ഷാ മൂല്യ നിർണ്ണയത്തിൽ പങ്കെടുക്കാത്ത രണ്ടായിരത്തിൽ അധികം അദ്ധ്യാപകർക്ക് എതിരെ ശക്തമായ നടപടി എടുക്കാൻ നിർദ്ദേശം നൽകി.
മൂല്യനിര്ണ്ണയ പ്രവര്ത്തനത്തില് പിഴവുകള് വരുത്തുന്ന സ്കൂള് അധികാരികള്ക്ക് എതിരെ കർശ്ശന നടപടികൾ സ്വീകരിക്കും എന്നും മന്ത്രി വ്യക്തമാക്കി.
