 |
 |
 |
 |
 |
 |
 |
 |
 |
 |
 |
 |
 |
 |
തിരുവനന്തപുരം : വിദേശത്ത് ജോലി സാദ്ധ്യതയുള്ള കോഴ്സുകള്‍ പഠിക്കുന്നതിന്ന് കേരള സർക്കാർ സ്ഥാപനമായ ഒഡെപെക് മുഖേന ഐ. ഇ. എൽ. ടി. എസ്. പരിശീലനം നൽകുന്നു. ഓൺ ലൈന്‍ വഴിയും ഓഫ് ലൈന്‍ വഴിയും ക്ലാസ്സുകള്‍ ലഭ്യമാണ്. പഠിക്കുവാന്‍ ആഗ്രഹിക്കുന്നവർ അഡ്മിഷനു വേണ്ടി വിശദമായ ബയോഡാറ്റ സഹിതം training @ odepc. in ലേക്ക് അപേക്ഷ അയക്കണം.
വിശദ വിവരങ്ങൾക്ക് ഒഡെപെക് വെബ് സൈറ്റ് സന്ദര്‍ശിക്കുക. ഫോണില്‍ ബന്ധപ്പെടുവാന്‍ 8086112315, 7306289397, 9567365032, 8606550701. എന്നീ നമ്പറുകളില്‍ വിളിക്കാം.
- pma
വായിക്കുക: job-opportunity, kerala-government-, വിദ്യാഭ്യാസം, സാമൂഹ്യക്ഷേമം
തൃശ്ശൂര്‍ : പോസ്റ്റോഫീസ് നിക്ഷേപകരുടെ സാമ്പത്തിക സുരക്ഷിതത്വം ഉറപ്പു വരുത്തുവാനുള്ള മാർഗ്ഗ നിർദ്ദേശം അധികൃതർ പുറത്തിറക്കി. അംഗീകൃത ഏജന്‍റുമാർ മുഖേനയോ നേരിട്ടോ പോസ്റ്റ് ഓഫീസിൽ നിക്ഷേപം ആരംഭിക്കാം. നിക്ഷേപകർ ഏജന്‍റിന്‍റെ കൈവശം തുക ഏൽപ്പിക്കുമ്പോൾ ഇൻവെസ്റ്റേഴ്സ് കാർഡിൽ ഏജന്‍റിന്‍റെ കയ്യൊപ്പ് വാങ്ങണം.
എന്നാൽ നിക്ഷേപകർ നൽകിയ തുക പോസ്റ്റ് ഓഫീസിൽ അടച്ചതിനുള്ള ആധികാരിക രേഖ പോസ്റ്റ് മാസ്റ്റർ ഒപ്പിട്ട് സീൽ വച്ച് നൽകുന്ന പാസ്സ് ബുക്ക് മാത്രമാണ്.
അതിനാൽ എല്ലാ മാസവും തുക നൽകുന്നതിന് മുൻപ് പാസ്സ് ബുക്കിൽ യഥാ സമയം രേഖപ്പെടുത്തലുകൾ നടത്തിയിട്ടുണ്ട് എന്ന് നിക്ഷേപകർ ഉറപ്പു വരുത്തണം എന്ന് ഡെപ്യൂട്ടി ഡയറക്ടർ അറിയിച്ചു.
- pma
വായിക്കുക: bank, സാമൂഹ്യക്ഷേമം, സാമ്പത്തികം
ചാവക്കാട് : ജനകീയാസൂത്രണ പദ്ധതി പ്രകാരം ചാവക്കാട് നഗര സഭയിൽ കുടി വെള്ള വിതരണ യന്ത്രങ്ങള്‍ (വാട്ടര്‍ എ. ടി. എം.) സ്ഥാപിച്ചു. നഗരസഭ ഓഫീസ് കെട്ടിടത്തിന് മുൻ വശവും ചാവക്കാട് താലൂക്ക് ആശുപത്രി പരിസരത്തുമായി രണ്ട് മെഷ്യനുകളാണ് സ്ഥാപിച്ചത്.
ഒരു രൂപക്ക് ഒരു ലിറ്റര്‍ വെള്ളക്കുപ്പിയും 5 രൂപക്ക് 5 ലിറ്റര്‍ വെള്ളക്കുപ്പിയും ലഭിക്കുന്ന വിധത്തിൽ 2 കൗണ്ടറുകളാണ് കുടി വെള്ള വിതരണ യന്ത്രങ്ങളില്‍ ഉള്ളത്.
എൻ. കെ. അക്ബർ എം. എൽ. എ. ചടങ്ങ് ഉദ്ഘാടനം ചെയ്തു. ചാവക്കാട് നഗര സഭ വൈസ് ചെയർ മാൻ കെ. കെ. മുബാറക് അദ്ധ്യക്ഷത വഹിച്ചു.
ഷാഹിന സലീം, പി. എസ്. അബ്ദുൽ റഷീദ്, ബുഷറ ലത്തീഫ്, പ്രസന്ന രണദിവെ, എം. ആർ. രാധാ കൃഷ്ണൻ, ഫൈസൽ കാനാമ്പുള്ളി, മുനിസിപ്പൽ എൻജിനീയർ പി. പി. റിഷ്മ, നഗര സഭ സെക്രട്ടറി കെ. ബി. വിശ്വനാഥൻ, മറ്റ് കൗൺസിലർമാർ, ജീവനക്കാർ തുടങ്ങിയവർ സംബന്ധിച്ചു.
- pma
വായിക്കുക: chavakkad-guruvayoor, പരിസ്ഥിതി, സാമൂഹ്യക്ഷേമം
തിരുവനന്തപുരം : പതിനഞ്ചു വയസ്സു മുതല്‍ പതിനെട്ടു വയസ്സു വരെയുള്ള കുട്ടികള്‍ ക്കായുള്ള കൊവിഡ് കുത്തി വെപ്പിന് ഇന്ന് തുടക്കം കുറിച്ചു. കോവിന്‍ പോര്‍ട്ട ലില്‍ രജിസ്റ്റര്‍ ചെയ്തതിനു ശേഷം വാക്സിന് സെന്‍ററില്‍ എത്തുക. ഓൺ ലൈന്‍ രജിസ്‌ട്രേഷന്‍ കൂടാതെ സ്‌പോട്ട് രജിസ്‌ട്രേഷന്‍ സൗകര്യം ഉണ്ടായിരിക്കും. കുത്തി വെപ്പ് കേന്ദ്രങ്ങളിൽ കുട്ടിയുടെ കൂടെ രക്ഷാ കർത്താവ് ഉണ്ടായിരിക്കണം.
ആധാര്‍ കാര്‍ഡ് അല്ലെങ്കില്‍ സ്റ്റുഡന്‍റ് ഐ. ഡി. കാര്‍ഡ് എന്നിവയില്‍ ഏതെങ്കിലും ഒന്ന്, കൂടാതെ രജിസ്‌ട്രേഷന്‍ ചെയ്ത സമയത്തെ ഫോണ്‍ കയ്യില്‍ കരുതണം. അതിലെ എസ്. എം. എസ്. തുടര്‍ നടപടികള്‍ എളുപ്പമാക്കും. രാവിലെ 9 മണി മുതല്‍ വൈകുന്നേരം 5 മണി വരെയാണ് വാക്‌സിനേഷന്‍ സെന്‍ററുകള്‍ പ്രവര്‍ത്തിക്കുക.
ആരോഗ്യ കേന്ദ്രങ്ങളില്‍ കുട്ടികള്‍ക്കായി പിങ്ക് നിറ ത്തില്‍ ഉള്ള ബോര്‍ഡുകളോടെ പ്രത്യേക വാക്‌സിനേഷന്‍ സെന്‍ററുകള്‍ ഒരുക്കിയിട്ടുണ്ട്. ഈ മാസം പത്താം തിയ്യതി വരെ ബുധനാഴ്ച ഒഴികെ എല്ലാ ദിവസങ്ങളിലും കുത്തി വെപ്പു ലഭ്യമാണ്. കൊവിഡ് പോസിറ്റീവ് ആയിട്ടുള്ള കുട്ടി കള്‍ക്ക് 3 മാസം കഴിഞ്ഞ് വാക്സിന് എടുത്താല്‍ മതിയാകും.
- pma
വായിക്കുക: covid-19, covid-vaccine, kerala-government-, കുട്ടികള്‍, സാമൂഹികം, സാമൂഹ്യക്ഷേമം
തിരുവനന്തപുരം : 2022 ജനുവരി അഞ്ചു മുതൽ കർഷകരിൽ നിന്ന് കിലോ ഗ്രാമിന് 32 രൂപ നിരക്കിൽ പച്ചത്തേങ്ങ സംഭരിച്ചു തുടങ്ങും എന്ന് കൃഷി വകുപ്പു മന്ത്രി പി. പ്രസാദ് അറിയിച്ചു.
നാഫെഡ് മുഖേനയുള്ള സംഭരണം ദ്രുതഗതിയില്‍ ആക്കാൻ കേന്ദ്ര സർക്കാരിനോട് ആവശ്യപ്പെടും എന്നും മന്ത്രി അറിയിച്ചു. കേര ഫെഡ്, നാളികേര വികസന കോർപ്പറേഷൻ, കേര ഗ്രാമം പദ്ധതിപ്രകാരം രൂപീകരിച്ച പഞ്ചായത്തു തലസമിതികൾ, സഹകരണ സംഘ ങ്ങൾ തുടങ്ങിയവരെ സജ്ജമാക്കി സംഭരണം വേഗത്തില്‍ ആക്കുവാന്‍ കൃഷി വകുപ്പു ഡയറക്ടറെ ചുമതലപ്പെടുത്തി.
- pma
വായിക്കുക: കൃഷി, സാമൂഹികം, സാമൂഹ്യക്ഷേമം, സാമ്പത്തികം
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
