വാഷിംഗ്‌ടണ്‍: വാഷിംഗ്‌ടണ്‍ ഡി. സിയിലെ സുഡാന്‍ എംബസിയ്‌ക്കു മുന്നില്‍ നടന്ന പ്രതിഷേധ പ്രകടനത്തിനു നേതൃത്വം നല്‍കിയതിയതിനു ഓസ്‌കര്‍ പുരസ്‌കാര ജേതാവായ ഹോളിവുഡ്‌ നടന്‍ ജോര്‍ജ്‌ ക്ലൂണിയെ യുഎസ്‌ പോലീസ്‌ അറസ്‌റ്റു ചെയ്‌തു. കൂടാതെ ക്ലൂണിയ്‌ക്കൊപ്പമുണ്ടായിരുന്ന അദ്ദേഹത്തിന്റെ പിതാവ്‌ നിക്കിനെയും ഒരു കൂട്ടം യു. എസ്‌ നിയമ നിര്‍മ്മാതാക്കളേയും പോലീസ്‌ കസ്‌റ്റഡിയില്‍ എടുത്തിരുന്നു. എന്നാല്‍ കസ്‌റ്റഡിയിലെടുത്തവരെ നൂറു ഡോളറിന്റെ ജാമ്യത്തില്‍ ഉടന്‍തന്നെ വിട്ടയച്ചതായി വാഷിംഗ്‌ടണ്‍ പോലീസ്‌ അറിയിച്ചു. സുഡാനില്‍ നിന്നു ദക്ഷിണ സുഡാന്‍ സ്വാതന്ത്ര്യം നേടിയെങ്കിലും ഇരുരാജ്യങ്ങളും തമ്മിലുള്ള ബന്ധം ഇപ്പോഴും വഷളായ നിലയിലാണ്‌.
- ഫൈസല്‍ ബാവ
അനുബന്ധ വാര്‍ത്തകള്‍
വായിക്കുക: അമേരിക്ക, കുറ്റകൃത്യം, മനുഷ്യാവകാശം
