ലണ്ടൻ : 20 പൌണ്ടിന് നിങ്ങൾക്ക് ആവോളം ഭക്ഷണം കഴിക്കാം. എന്നാൽ നിങ്ങൾ പ്ലേറ്റിൽ എടുത്തു വെച്ച ഭക്ഷണം കഴിക്കാതെ ബാക്കി വെച്ചാൽ അതിന് നിങ്ങൾ പിഴ അടക്കേണ്ടി വന്നാലോ? ലണ്ടനിലെ ഒരു ചൈനീസ് ഭോജന ശാലയിലാണ് ഈ കൌതുകകരമായ രീതി നടപ്പിലാക്കിയത്. ഭക്ഷണം പാഴാക്കാതിരിക്കാൻ ഇത് സഹായിക്കുമെങ്കിലും പ്ലേറ്റിൽ ഭക്ഷണം ബാക്കി വെച്ച ഒട്ടേറെ പേർ ഈ പുതിയ നിയമം മൂലം വെട്ടിലായി. പലരും ഇതിൽ പ്രതിഷേധിക്കുകയും ഹോട്ടൽ തൊഴിലാളികളുമായി തർക്കിക്കുകയും ചെയ്തു. എന്നാൽ ഹോട്ടൽ അധികൃതർ തങ്ങളുടെ തീരുമാനത്തിൽ ഉറച്ചു നിൽക്കുക തന്നെ ചെയ്തു. പ്ലേറ്റിൽ ബാക്കി വെച്ച ആഹാരം പലരും ആരും കാണാതെ കടലാസിൽ പൊതിഞ്ഞ് ബാഗിലാക്കി വീട്ടിലേക്ക് കൊണ്ടു പോവുകയാണ് ഉണ്ടായത്.
- ജെ.എസ്.
അനുബന്ധ വാര്‍ത്തകള്‍
വായിക്കുക: കൌതുകം
