കെയ്റോ: ഈജിപ്ത് മുന്‍ പ്രസിഡന്റ് ഹോസ്നി മുബാറക്കിന്റെ നില ഗുരുതരമായി തുടരുന്നു. അദ്ദേഹം കുറച്ചു ദിവസമായി അബോധാവസ്ഥയില്‍ ആണെന്ന് അദ്ദേഹത്തിന്റെ അഭിഭാഷകനാണ് വെളിപ്പെടുത്തിയത്. ഹോസ്നി മുബാറക്കിന് ആശുപത്രിയില്‍ വച്ച് പക്ഷാഘാതമുണ്ടായെന്നും തുടര്‍ന്ന് അബോധാവസ്ഥയിലായി എന്നും അഭിഭാഷകന്‍ പറഞ്ഞതായി വന്ന വാര്‍ത്ത ആശുപത്രി അധികൃതര്‍ നിഷേധിച്ചു. ഹൃദയാഘാതത്തെ തുടര്‍ന്ന് ഏപ്രിലിലാണ് ഹോസ്നി മുബാറക്കിനെ ഷരം എല്‍ ഷേക്കിലെ ആശുപത്രിയില്‍ പ്രവേശിപ്പിച്ചത്. അടുത്ത മാസം മുബാറക്ക് വിചാരണ നേരിടാനിരിക്കുകയാണ്. ഫെബ്രുവരിയിലാണ് ജനകീയ പ്രക്ഷോഭത്തെ തുടര്‍ന്ന് മുബാറക്കിന് അധികാരം ഒഴിയേണ്ടി വന്നത്.
-
