ന്യൂഡല്ഹി: മുന് ഐ. പി. എല്. കമ്മീഷണര് ലളിത് മോഡിക്കെതിരെ എന്ഫോഴ്സ്മെന്റ് ഡയറക്ടറേറ്റ് “ബ്ലൂ” നോട്ടീസ് പുറപ്പെടുവിച്ചു. 20 – 20 ക്രിക്കറ്റ് മത്സരവുമായി ബന്ധപ്പെട്ട് നടന്ന അഴിമതിയുടെ അന്വേഷണത്തിന്റെ ഭാഗമാണ് ഇതെന്നാണ് അറിയുന്നത്. ഒരു വ്യക്തിയുടെ സാമ്പത്തിക ഇടപാടുകളുമായി ബന്ധപ്പെട്ട വിവരങ്ങള് ശേഖരിക്കുവാന് അന്താരാഷ്ട്ര തലത്തില് പുറപ്പെടുവിക്കുന്ന നിര്ദ്ദേശത്തെയാണ് “ബ്ലൂ” നോട്ടീസ് എന്ന് പറയുന്നത്. അന്താരാഷ്ട്ര കുറ്റാന്വേഷണ ഏജന്സിയായ ഇന്റര്പോളാണ് ഇത് നടപ്പിലാക്കുക. ഇതിന്റെ പശ്ചാത്തലത്തില് വിവിധ രാജ്യങ്ങളിലെ അന്വേഷണ ഏജന്സികള് ഈ വ്യക്തിയുമായി ബന്ധപ്പെട്ട് തങ്ങള്ക്ക് ലഭ്യമായ വിവരങ്ങള് ഇന്ത്യയെ അറിയിക്കും.
ഐ. പി. എല്. വിവാദവുമായി ബന്ധപ്പെട്ട് ലളിത് മോഡിക്കെതിരെ ആന്വേഷണം നടക്കുകയാണ്. വിവിധ സാമ്പത്തിക ക്രമക്കേടുകള് ഇയാള് നടത്തിയതായി അന്വേഷണത്തില് കണ്ടെത്തിയിട്ടുണ്ട്. ഐ. പി. എല്. ടീമുകളില് മോഡിക്ക് വന് നിക്ഷേപം ഉണ്ടെന്ന ആരോപണവും നിലവിലുണ്ട്.
ന്യൂഡല്ഹി : വിദേശ രാജ്യങ്ങളില് നിന്നും വ്യക്തികള്ക്കും സംഘടനകള്ക്കും ലഭിക്കുന്ന സമ്മാനങ്ങള്ക്കും പണത്തിനും നിയന്ത്രണം ഏര്പ്പെടുത്തുന്ന ഒരു നിയമം പാര്ലമെന്റ് ഇന്നലെ പാസാക്കി. ഭീകര സംഘടനകള്ക്ക് ലഭിക്കുന്ന വിദേശ സഹായങ്ങള് വര്ദ്ധിച്ചു വരുന്ന സാഹചര്യത്തില് രാജ്യ സുരക്ഷയെ മുന് നിര്ത്തിയാണ് ഈ നിയന്ത്രണം നടപ്പിലാക്കുന്നത്.
മുംബൈ : ഇന്ത്യന് ഓഹരി വിപണിയില് ശക്തമായ മുന്നേറ്റം തുടര്ന്നു കൊണ്ടിരിക്കുന്നു. രണ്ടര വര്ഷത്തെ ഇടവേളയ്ക്കു ശേഷം ആദ്യമായി നിഫ്റ്റി 5500 പോയന്റ് മറി കടന്നു. ബി. എസ്. ഇ. സെന്സെക്സ് 18,435 പോയന്റിലും എത്തി. സെന്സെക്സിലെ നാലു ഓഹരികള് ഒഴികെ ബാക്കി ഇരുപത്താറ് ഓഹരികളും മുന്നേറ്റം കാഴ്ച വെച്ചു. എച്ച്. ഡി. എഫ്. സി., ഐ. സി. ഐ. സി. ഐ. ബാങ്ക്, ജിന്ഡാല് സ്റ്റീല്, റിലയന്സ് തുടങ്ങിയവ നേട്ടം ഉണ്ടാക്കിയപ്പോള് ടാറ്റാ മോട്ടോഴ്സും, ഓ. എന്. ജി. സി. യുടേയും ഓഹരി വിലയില് അല്പം ഇടിവുണ്ടായി. യു. ടി. വി. സോഫ്റ്റ് വെയര്, യെസ് ബാങ്ക്, എസ്. ബി. ടി. തുടങ്ങിയ ഷെയറുകളിലും ശ്രദ്ധേയമായ മുന്നേറ്റം ഉണ്ടായി.
ന്യൂഡല്ഹി: ഡോളറും ($), യൂറോയും (€) പോലെ ഇന്ത്യന് രൂപയ്ക്കും ഇനി സ്വന്ത മായി ഒരു ചിഹ്നം. ദേവ നാഗരി ലിപി യിലെ ‘ര’ (र) എന്ന അക്ഷര വും ഇംഗ്ലീ ഷിലെ ‘R‘ എന്ന അക്ഷര വും ചേര്ത്താണ് പുതിയ ചിഹ്നം ഉണ്ടാക്കിയത്.
