പീഡനം തുടരുന്നു

January 7th, 2013

violence-against-women-epathram

ഹണി സിങ്ങിന്റെ പുതുവൽസര പരിപാടി ഇത്തവണ റദ്ദ് ചെയ്തത് സോഷ്യൽ മീഡിയയുടെ സമ്മർദ്ദം മൂലമാണ്. സ്ത്രീകളെ മോശമായി ചിത്രീകരിക്കുകയും സ്ത്രീകളെ പീഡിപ്പിക്കുന്നതും ആക്രമിക്കുന്നതും ആഘോഷമാക്കി മാറ്റുകയും ചെയ്യുന്നതാണ് ഹണി സിങ്ങിന്റെ ഗാനങ്ങൾക്ക് എതിർപ്പ് നേരിടേണ്ടി വന്നതിന്റെ കാരണം. എന്നാൽ ഇത്തരം ഗാനങ്ങളെ ഇന്ത്യൻ യുവത്വം ആരവത്തോടെ എതിരേൽക്കുന്നത് നമ്മെ ചിന്തിപ്പിക്കുന്നു. ബോളിവുഡിലെ ഏറ്റവും വിലപിടിപ്പുള്ള പാട്ടുകാരനായത് ഇത്തരം പാട്ടുകൾ കൊണ്ടാണ്. നസിറുദ്ദീൻ ഷായും മകനും അഭിനയിക്കുന്ന ഏറ്റവും പുതിയ സിനിമയായ മസ്താനിലെ ഒരൊറ്റ ഗാനത്തിന് ഹണി സിങ്ങിന് ലഭിച്ചത് 70 ലക്ഷം രൂപയാണ്. സോനു നിഗമിന് 12 ലക്ഷവും ശ്രേയാ ഘോഷാലിന് 5 ലക്ഷവും ലഭിക്കുന്നിടത്താണിത്.

അശ്ലീലമല്ല തെറി തന്നെയാണ് ഇദ്ദേഹത്തിന്റെ ഗാനങ്ങളിൽ. ഇതിന്റെ വിവരണം ഈ പത്രത്തിൽ എഴുതാവുന്നതുമല്ല. പെണ്ണിനെ മാനഭംഗപ്പെടുത്തി അവളെ പാഠം പഠിപ്പിക്കും ഞാൻ എന്ന് തുടങ്ങി ആക്രമിക്കുന്നതിന്റെ കൂടുതൽ വിവരണങ്ങളിലൂടെ ശ്രോതാക്കളെ രസിപ്പിക്കുകയാണ് ഇയാൾ.

ഇതിനെ പൊലിപ്പിച്ച് കാട്ടാനും ഹണി സിങ്ങിനെ യുവത്വത്തിന്റെ പ്രതീകമായി ഉയർത്തി കാട്ടാനും നമ്മുടെ രാഷ്ട്രീയക്കാരും മടിക്കുന്നില്ല. ഡൽഹി മുഖ്യമന്ത്രി ഷീലാ ദീക്ഷിത് ഹണി സിങ്ങിന്റെ ഗാനത്തിനൊപ്പം ചുവടു വെയ്ക്കുന്ന വീഡിയോയാണിത്.

സ്ത്രീത്വത്തെ അമ്മയായി കണ്ടു ആദരിക്കുന്നതാണ് ഭാരതീയ സംസ്കാരം എന്ന പൊള്ളത്തരത്തിനു പുറകിൽ സൌകര്യപൂരവ്വം ഒളിച്ചിരിക്കുകയാണ് ഇന്ത്യയിലെ അക്രമ സംസ്കാരം. രാജ്യത്തെ പോലും ഭാരത് മാതാ എന്നു വിളിക്കുന്നിടത്ത് സ്ത്രീകൾ ബഹുമാനിക്കപ്പെടുന്നു എന്ന മിഥ്യാ ബോധം. എന്നാൽ വാസ്തവത്തിൽ ഇവിടെ പെൺകുട്ടികളെ വളർത്തുന്നത് നല്ല ഭാര്യയാവാനും നല്ല വീട്ടു ജോലിക്കാരിയാവാനും ഒക്കെ തന്നെയാണ്. പെൺകുട്ടികൾക്ക് സ്വന്തമായ ഒരു വ്യക്തിത്വം എന്നത് ചിന്തിക്കാൻ പോലും അനുവാദമില്ല. സ്ത്രീകൾ ആദരിക്കപ്പെടുന്നത് അവരുടെ തനത് വ്യക്തിത്വം കൊണ്ടല്ല, മറിച്ച് അവർ സന്താനോല്പ്പാദനം നടത്തുന്നത് കൊണ്ടും പരമ്പരയ്ക്ക് തുടർച്ച നൽകുന്നതും കൊണ്ട് മാത്രമാണ്.

സ്ത്രീകൾ അടക്കവും ഒതുക്കവും ഉള്ളവരാകണം. ഇതാണ് കുടുംബ മഹിമയുടെ ലക്ഷണം. പെൺകുട്ടികൾ വിവാഹം കഴിക്കുന്നത് വരെ അച്ഛന്റെ സ്വകാര്യ സ്വത്താണ്. വിവാഹ ശേഷം ഭർത്താവിന്റേയും. പെൺകുട്ടികൾ കുടുംബത്തിന് മാനഹാനി ഉണ്ടാക്കുമോ എന്നാണ് എപ്പോഴും ഭയം. ഇതിന് പലപ്പോഴും പരിഹാരം അവരുടെ സമ്മതം പോലും നോക്കാതെ എത്രയും പെട്ടെന്ന് വിവാഹം ചെയ്ത് കൊടുക്കുകയാണ്. ചില ഘട്ടങ്ങളിൽ സ്വന്തം പെൺമക്കളെ കൊന്ന് കുടുംബത്തിന്റെ മാനം കാക്കുകയും ആവാം. എന്നാൽ ആൺകുട്ടികളുടെ കാര്യത്തിൽ നിലപാട് തികച്ചും വ്യത്യസ്തമാണ്. പെൺകുട്ടികൾക്ക് സ്വാതന്ത്ര്യം നൽകുന്നത് കൊണ്ടാണ് ആൺകുട്ടികൾ തെറ്റുകളിൽ ചെന്ന് വീഴുന്നത് എന്നാണ് കാഴ്ച്ചപ്പാട്.

ഇന്ത്യൻ ജനപ്രിയ സിനിമകളും ഇതേ കാഴ്ച്ചപ്പാട് മുന്നോട്ട് വെയ്ക്കുന്നു. ഒരു പെൺകുട്ടിയെ ശല്യം ചെയ്യുന്നതിൽ നിന്നാണ് പ്രണയം തുടങ്ങുന്നത്. എത്ര കൂടുതൽ ശല്യം ചെയ്യുന്നോ അത്രയും തീവ്രമാവും പിന്നീടുള്ള പ്രണയം. ഇതാണ് സിനിമകൾ യുവാക്കൾക്ക് നൽകുന്ന സന്ദേശം. നൂറ് കണക്കിന് ബലാൽസംഗ രംഗങ്ങളാണ് ടി. ജി. രവിയും മറ്റും ചെയ്തിട്ടുള്ളത്. തങ്ങൾ ബന്ധം പുലർത്തിയ സ്ത്രീകളുടെ എണ്ണം പറഞ്ഞ് ആഘോഷിക്കുന്ന സൂപ്പർ താരങ്ങളുടെ നാടാണിത്. എത്ര വിസമ്മതിച്ചാലും ശരി പെൺകുട്ടിയുടെ പുറകെ നടന്നു ശല്യം ചെയ്താൽ അവസാനം അവൾ “വളയും” എന്ന് സങ്കോചമില്ലാതെ വിളിച്ചോതുന്ന പ്രമേയമാണ് സിനിമകളിൽ ഭൂരിഭാഗവും.

ഡൽഹിയിൽ നടന്നത് ഒരു ഒറ്റപ്പെട്ട സംഭവമല്ല. ദിനം പ്രതി പത്രങ്ങളിൽ റിപ്പോർട്ട് ചെയ്യപ്പെടുന്ന പീഡന വാർത്തകളുടെ ബാഹുല്യം ഒരു സൂചനയാണ്. സ്ത്രീകളുടെ നേരെയുള്ള ആക്രമണം സംസ്കാര ച്യുതിയുടെ ലക്ഷണമാണ്. സംസ്കാരമാണ് ഒരു രാജ്യത്തെ നിയമങ്ങൾക്ക് നിദാനമാകുന്നത്. സംസ്കാരമാണ് സമൂഹത്തിൽ അക്രമത്തെ വളർത്തുന്നതും നിരുൽസാഹപ്പെടുത്തുന്നതും. ലോകമെങ്ങും സ്ത്രീകൾ ആക്രമിക്കപ്പെടുന്നുണ്ട്. ഇന്ത്യയിൽ തങ്ങൾക്ക് നേരെയുള്ള ആക്രമണങ്ങൾ റിപ്പോർട്ട് ചെയ്യാൻ സ്ത്രീകൾ കൂടുതലായി മുന്നോട്ട് വന്നു തുടങ്ങിയിട്ടുണ്ട്. എന്നാൽ ഇതോടൊപ്പം തന്നെ സ്ത്രീകൾ ഇത്തരത്തിൽ പ്രതികരിക്കുവാൻ തയ്യാറാവുന്നതിൽ വല്ലാത്തൊരു അസഹിഷ്ണുതയും എതിർപ്പുമാണ് പുരുഷന്മാരുടെ ഭാഗത്തു നിന്നും ഉയരുന്നത്. ഇത് സ്ത്രീകളെ ശിക്ഷിക്കുവാൻ മാനസികമായി അവരെ പ്രേരിപ്പിക്കുകയും ചെയ്യുന്നിടത്താണ് പ്രശ്നം ഗൌരവമാകുന്നത്. ഭാരതത്തിന്റെ ചരിത്രത്തിൽ തിളങ്ങി നില്ക്കുന്ന ഒട്ടേറെ വനിതകളുണ്ട്. എന്നാൽ ഇവരൊക്കെ തന്നെയും സാംസ്കാരികമായ വിലക്കുകളും പരിമിതികളും അതിജീവിച്ചു ഉയർന്നു വന്നവരാണ്. അല്ലാതെ സാംസ്കാരിക പശ്ചാത്തലം അവരെ സ്വതന്ത്രമായി ഉയർന്നു വരാൻ സഹായിച്ചതല്ല. അടിസ്ഥാന ചിന്താഗതിയിൽ മാറ്റം വന്നാലെ ഈ സ്ഥിതി വിശേഷം അവസാനിക്കൂ.

- ജെ.എസ്.

വായിക്കുക: , ,

അഭിപ്രായം എഴുതുക »

ജുവനൈൽ പ്രായപരിധി കുറയ്ക്കാൻ ശുപാർശ

January 5th, 2013

juvenile-rape-epathram

ന്യൂഡൽഹി : ക്രിമിനൽ ശിക്ഷാ നിയമം പ്രകാരം ശിക്ഷിക്കാനുള്ള കുറഞ്ഞ പ്രായ പരിധി 16 ആക്കാൻ വിവിധ സംസ്ഥാനങ്ങളുടെ പ്രതിനിധികൾ സമ്മതിച്ചു. അഭ്യന്തര മന്ത്രി സുശീൽ കുമാർ ഷിൻഡെയുടെ ആഭിമുഖ്യത്തിൽ വിളിച്ചു ചേർത്ത മുതിർന്ന ഉദ്യോഗസ്ഥരുടെ യോഗത്തിലാണ് സംസ്ഥാനങ്ങൾ തങ്ങളുടെ സമ്മതം അറിയിച്ചത്. ലൈംഗിക കുറ്റകൃത്യങ്ങൾക്ക് വധ ശിക്ഷ നല്കുന്ന കാര്യത്തിലും കുറ്റക്കാർക്ക് പരോൾ അനുവദിക്കുന്ന കാര്യത്തിലും അഭിപ്രായ ഐക്യം ഉണ്ടായില്ലെങ്കിലും ജുവനൈൽ പ്രായപരിധി കുറയ്ക്കുന്ന കാര്യത്തിൽ ആർക്കും എതിരഭിപ്രായം ഉണ്ടായില്ല.

ലോകത്തെ നടുക്കിയ ഡൽഹി പീഡന കേസിലെ ഒരു പ്രതി തന്റെ പ്രായം തെളിയിക്കാൻ സ്ക്കൂൾ സർട്ടിഫിക്കറ്റ് ഹാജരാക്കിയതാണ് ഈ പുനർ വിചിന്തനത്തിന് കാരണമായത്. പ്രസ്തുത സംഭവത്തിൽ ഏറ്റവും അധികം ക്രൂരത കാണിച്ചത് ഈ “ബാലൻ” ആയിരുന്നു. ബസ് കാത്തു നിന്ന പെൺകുട്ടിയേയും സുഹൃത്തിനേയും എവിടേയ്ക്കാണ് പോകേണ്ടത് എന്ന് വിളിച്ചു ചോദിച്ച് തങ്ങൾ ആ വഴിക്കാണെന്ന് പറഞ്ഞ് ബസിൽ വിളിച്ചു കയറ്റിയത് ഈ “ബാലൻ” തന്നെ. തുടർന്ന് രാത്രി ഒരു ആണിനോടൊപ്പം എവിടെ പോയി വരികയാണ് എന്നൊക്കെ അശ്ലീല ചുവയുള്ള ചോദ്യങ്ങൾ “ബാലൻ” പെൺകുട്ടിയോട് ചോദിച്ചു. പെൺകുട്ടിയുടെ രക്ഷയ്ക്കെത്തിയ സുഹൃത്തിനെ “ബാലൻ” ഇരുമ്പ് ദണ്ഡ് കൊണ്ട് ക്രൂരമായി മർദ്ദിച്ചു. സുഹൃത്തിനെ രക്ഷിക്കാൻ പെൺകുട്ടി ശ്രമിച്ചതോടെ “ബാലൻ” പെൺകുട്ടിയേയും ഇരുമ്പ് ദണ്ഡ് കൊണ്ട് അതി ക്രൂരമായി മർദ്ദിച്ചു. ഈ ക്രൂര മർദ്ദനത്തിന്റെ ഫലമായാണ് പെൺകുട്ടിയുടെ ആന്തരികാവയവങ്ങൾക്ക് തകരാർ സംഭവിച്ചതും കുടൽ നീക്കം ചെയ്യേണ്ടി വന്നതും. തുടർന്ന് “ബാലനും” മറ്റ് പ്രതികളും പെൺകുട്ടിയെ മാറി മാറി ബലാൽസംഗം ചെയ്തു. “ബാലൻ” രണ്ടു തവണ പെൺകുട്ടിയെ ബലാൽസംഗം ചെയ്തു എന്നാണ് പോലീസ് പറയുന്നത്. പെൺകുട്ടി ബോധരഹിതയായ ശേഷമായിരുന്നു രണ്ടാമത്തെ ആക്രമണം.

തനിക്ക് പ്രായപൂർത്തി ആയില്ലെന്ന് തെളിയിക്കാൻ സ്ക്കൂൾ സർട്ടിഫിക്കറ്റ് ഹാജരാക്കിയ “ബാലനെ” ഇനി ക്രിമിനൽ ശിക്ഷാ നിയമ പ്രകാരം വിചാരണ ചെയ്യാനോ ശിക്ഷിക്കാനോ ആവില്ല. ജുവനൈൽ കോടതിയിൽ വിചാരണ ചെയ്ത് ഇയാൾക്ക് പരമാവധി രണ്ടോ മൂന്നോ വർഷത്തെ ദുർഗ്ഗുണ പാഠശാല മാത്രമേ വിധിക്കാനാവൂ. ഇവിടെ നിന്ന് “ബാലന്” പരോൾ ലഭിക്കുകയും ചെയ്യും. ഈ സാഹചര്യത്തിലാണ് രാജ്യത്തെ ശിക്ഷാ നിയമങ്ങൾ കാലോചിതമായി പരിഷ്ക്കരിക്കേണ്ടതിന്റെ ആവശ്യകത അധികൃതർ ഗൌരവമായി ചർച്ച ചെയ്യുന്നത്. ജുവനൈൽ പ്രായപരിധി കുറച്ച് 16 വയസിന് മുകളിലുള്ള പ്രതികളെ ഇന്ത്യൻ ശിക്ഷാ നിയമത്തിന്റെ കീഴിൽ കൊണ്ടു വരുന്ന കാര്യത്തിൽ എല്ലാ സംസ്ഥാനങ്ങളും തങ്ങളുടെ സമ്മതം പ്രകടിപ്പിച്ചത് നിയമം പരിഷ്കരിക്കുന്നതിന് സഹായകരമാവും.

സ്ക്കൂൾ സർട്ടിഫിക്കറ്റ് വ്യാജമാണോ എന്ന് കണ്ടു പിടിക്കാൻ പോലീസ് പ്രത്യേക സംഘത്തെ നിയോഗിച്ചിട്ടുണ്ട്. തന്റെ മകളെ ഏറ്റവും ക്രൂരമായി പീഡിപ്പിച്ച ഈ പ്രതിയേയും തൂക്കിലേറ്റണമെന്നാണ് പെൺകുട്ടിയുടെ പിതാവിന്റെ അഭ്യർത്ഥന. പതിനേഴാം വയസിൽ ഇതാണ് സ്ഥിതിയെങ്കിൽ കുറച്ചു കഴിഞ്ഞാൽ എന്തായിരിക്കും ഇയാളുടെ ക്രൂരത എന്നാണ് പിതാവിന്റെ ചോദ്യം.

- ജെ.എസ്.

വായിക്കുക: , , , , ,

അഭിപ്രായം എഴുതുക »

പെൺകുട്ടിയുടെ ശവസംസ്കാരം അതീവ രഹസ്യമായി

December 30th, 2012

wreath-epathram

ന്യൂഡൽഹി : ഡൽഹിയിൽ ഓടുന്ന ബസിൽ വെച്ച് ആക്രമിക്കപ്പെട്ടതിനെ തുടർന്ന് മരണമടഞ്ഞ പെൺകുട്ടിയുടെ ശവ സംസ്കാരം അതീവ രഹസ്യമായി ഡൽഹിയിൽ നടത്തി. സിംഗപ്പൂരിൽ വെച്ചു മരണമടഞ്ഞ പെൺകുട്ടിയുടെ മൃതശരീരം പ്രത്യേക വിമാനത്തിൽ ഇന്ദിരാ ഗാന്ധി അന്താരാഷ്ട്ര വിമാനത്താവളത്തിൽ രാവിലെ എത്തിയപ്പോൾ സ്വീകരിക്കാൻ പ്രധാന മന്ത്രി മന്മോഹൻ സിങ്ങും കോൺഗ്രസ് അദ്ധ്യക്ഷ സോണിയാ ഗാന്ധിയും സന്നിഹിതരായിരുന്നു. ഇവർ പെൺകുട്ടിയുടെ ബന്ധുക്കളോട് സംസാരിക്കുകയും അവരെ ആശ്വസിപ്പിക്കുകയും ചെയ്തു.

പെൺകുട്ടിയുടെ താമസ സ്ഥലത്തിന് അടുത്തുള്ള മഹാവീർ എൻക്ലേവിന് സമീപത്തുള്ള ശ്മശാനത്തിൽ ആയിരുന്നു ശവ സംസ്കാരം. മാദ്ധ്യമങ്ങൾക്ക് പ്രവേശനം നിഷേധിച്ച ചടങ്ങിൽ ഡൽഹി മുഖ്യമന്ത്രി ഷീലാ ദീക്ഷിത്, അഭ്യന്തര സഹമന്ത്രി അർ. പി. എൻ. സിങ്ങ്, എം. പി. മഹാബൽ മിശ്ര, ഡൽഹി ബി. ജെ. പി. നേതാവ് വിജേന്ദ്ര ഗുപ്ത തുടങ്ങിയവരും പങ്കെടുത്തു.

- ജെ.എസ്.

വായിക്കുക: , , ,

അഭിപ്രായം എഴുതുക »

പീഢനക്കാർക്ക് ശിക്ഷ ഷണ്ഡത്വം

December 30th, 2012

castrated-rapist-epathram

ന്യൂഡൽഹി : ഡൽഹിയിൽ നടന്ന ക്രൂരമായ സ്ത്രീ പീഡനത്തെ തുടർന്ന് കോൺഗ്രസ് ശിക്ഷാ നിയമത്തിൽ കൊണ്ടു വരാൻ ഉദ്ദേശിക്കുന്ന ഭേദഗതികളിൽ പ്രതികളെ ബലപൂർവ്വം ഷണ്ഡവൽക്കരിക്കുന്നതും ഉൾപ്പെടുന്നതായി റിപ്പോർട്ടുകൾ സൂചിപ്പിക്കുന്നു. വിവരാവകാശ നിയമം പോലുള്ള സുപ്രധാന നിയമ നിർമ്മാണ നടപടികൾക്ക് ചുക്കാൻ പിടിച്ച സോണിയാ ഗാന്ധി നയിക്കുന്ന ദേശീയ ഉപദേശക സമിതിയാണ് കോൺഗ്രസിന് വേണ്ടി ഈ വിഷയം കൈകാര്യം ചെയ്യുന്നത്. ബന്ധപ്പെട്ട അധികാരികളുമായി വെള്ളിയാഴ്ച്ച സ്ത്രീ – ശിശു വികസന വകുപ്പ് മന്ത്രിയുടെ നേതൃത്വത്തിൽ നടന്ന യോഗത്തിൽ നിരവധി നിർദ്ദേശങ്ങളാണ് ഉയർന്നു വന്നത്. ഇതിൽ അപൂർവ്വങ്ങളിൽ അപൂർവ്വം കേസുകളിൽ പ്രതിയെ രാസ പ്രയോഗത്തിലൂടെ നിരവ്വീര്യനാക്കി ഷണ്ഡത്വം അടിച്ചേൽപ്പിക്കുക എന്ന നിർദ്ദേശവും അടങ്ങുന്നു. എല്ലാ നിർദ്ദേശങ്ങളും സംഗ്രഹിച്ച് സ്ത്രീകൾക്ക് എതിരെയുള്ള അക്രമങ്ങൾ നിയന്ത്രിക്കുവാൻ നിലവിലെ നിയമങ്ങൾ പരിഷ്ക്കരിക്കുന്നതിനായി അവലോകനം നടത്താൻ ഏർപ്പെടുത്തിയ ജസ്റ്റിസ് വർമ്മ നയിക്കുന്ന മൂന്നംഗ സമിതിക്ക് സമർപ്പിക്കും. കേസുകളിൽ 3 മാസത്തിനകം തീർപ്പ് കൽപ്പിക്കുക, 30 വർഷം വരെ തടവ് തുടങ്ങിയ നിർദ്ദേശങ്ങളും ഇതിൽ പെടും.

- ജെ.എസ്.

വായിക്കുക: , , , ,

അഭിപ്രായം എഴുതുക »

പെൺകുട്ടി മരിച്ചു

December 29th, 2012

delhi-rape-victim-profile-pic-epathram

ന്യൂഡൽഹി : ബസിൽ വെച്ച് ആക്രമിക്കപ്പെടുകയും കൂട്ടമാനഭംഗത്തിന് ഇരയാവുകയും ചെയ്ത പെൺകുട്ടി ഇന്ന് രാവിലെ സിംഗപ്പൂരിലെ ആശുപത്രിയിൽ വെച്ച് മരണമടഞ്ഞു. സംഭവത്തെ തുടർന്ന് സർക്കാരിനെതിരെ തലസ്ഥാന നഗരമായ ഡെൽഹിയിൽ അഭൂതപൂർവ്വമായ പ്രതിഷേധമാണ് യുവാക്കൾ ഉയർത്തിയത്. പ്രതിഷേധ കൊടുങ്കാറ്റാൽ ജനസാന്ദ്രമായ ഡൽഹിയിലെ തെരുവുകളും രാഷ്ട്രപതി ഭവന്റെ കവാടവും ഒരു രാഷ്ട്രത്തിന്റെ മുഴുവൻ വികാരങ്ങളും ഉൾക്കൊണ്ടപ്പോൾ സർക്കാരും അധികാര വർഗ്ഗവും സ്വീകരിച്ച തണുത്ത പ്രതികരണം വൻ ചർച്ചാ വിഷയമായി. പാരാമെഡിക്കൽ വിദ്യാർത്ഥിനിയായ 23കാരിയാണ് മാനഭംഗപ്പെട്ടത്. ക്രൂരമായി മർദ്ദനമേറ്റ വിദ്യാർത്ഥിനി ആശുപത്രിയിൽ മരണത്തോട് മല്ലടിച്ച് കഴിയുമ്പോഴും തന്നെ ആക്രമിച്ചവരെ പിടികൂടിയോ എന്നൊക്കെ ആരായുന്നുണ്ടായിരുന്നു. പ്രതിഷേധം ശക്തമായതോടെ ഇനിയും പ്രശ്നം അവഗണിക്കാൻ ആവില്ലെന്ന് അധികൃതർ മനസ്സിലാക്കുകയും അക്രമികളെ പിടികൂടുകയും ചെയ്തു. മാനഭംഗത്തിന് വധശിക്ഷ നൽകണം എന്ന ആവശ്യം പ്രതിഷേധക്കാരോടൊപ്പം രാഷ്ട്രീയ പ്രമുഖരും ആവശ്യപ്പെട്ടതിനെ തുടർന്ന് നിയമ ഭേദഗതി നടത്താനും സർക്കാർ തയ്യാറായി. ഇതിനിടെയാണ് പെൺകുട്ടിയെ വിദഗ്ദ്ധ ചികിൽസയ്ക്കായി സിംഗപ്പൂരിലേക്ക് കൊണ്ടു പോയത്. എന്നാൽ പെൺകുട്ടി മരണപ്പെട്ടാൽ ഉണ്ടാകാവുന്ന ഭവിഷ്യത്തുകൾ മുന്നറിയിപ്പ് നൽകിയ ഇന്റലിജൻസ് റിപ്പോർട്ടുകൾ കണക്കിലെടുത്താണ് ഇത്ര തിടുക്കത്തിൽ ചികിൽസിക്കുന്ന ഡോക്ടർമാരുടെ സമ്മതത്തിന് പോലും കാത്തു നിൽക്കാതെ പെൺകുട്ടിയെ സിംഗപ്പൂരിലേക്ക് കൊണ്ടു പോയത് എന്ന് ഇതിനിടെ ആരോപണം ഉയർന്നു.

ഏതായാലും തന്നെ പറ്റിയുള്ള വിവാദങ്ങൾ കെട്ടടങ്ങാൻ കാത്തു നിൽക്കാതെ പെൺകുട്ടി ഇന്ന് രാവിലെ ഇന്ത്യൻ സമയം 2:15ന് ഇഹലോക വാസം വെടിഞ്ഞു. സ്വസ്ഥമായായിരുന്നു മരണം എന്ന് ആശുപത്രിയിൽ നിന്നുമുള്ള കുറിപ്പ് വ്യക്തമാക്കുന്നു. കുടുംബാംഗങ്ങളും ഇന്ത്യൻ ഹൈക്കമ്മീഷൻ ഉദ്യോഗസ്ഥരും മരണ സമയത്ത് കൂടെയുണ്ടായിരുന്നു എന്നും പെൺകുട്ടിയെ ചികിൽസിച്ച സിംഗപ്പൂരിലെ മൌണ്ട് എലിസബത്ത് ആശുപത്രിയിലെ ചീഫ് എക്സിക്യൂട്ടിവ് ഓഫീസർ കെവിൻ ലോഹ് അറിയിച്ചു.

പ്രത്യേക വിമാനത്തിൽ പെൺകുട്ടിയുടെ മൃതദേഹം ഇന്ന് ഇന്ത്യയിൽ എത്തിക്കും.

- ജെ.എസ്.

വായിക്കുക: , , ,

1 അഭിപ്രായം »


« Previous Page« Previous « ഗുജറാത്തില്‍ നരേന്ദ്ര മോഡി മുഖ്യമന്ത്രിയായി സത്യപ്രതിജ്ഞ ചെയ്തു
Next »Next Page » പീഢനക്കാർക്ക് ശിക്ഷ ഷണ്ഡത്വം »



  • ആ ഗുണ്ടകള്‍ക്ക് കടുത്ത ശിക്ഷ നല്‍കണം; ജെ.എന്‍.യു ആക്രമണത്തില്‍ ഗംഭീര്‍
  • കൊമേഴ്സ്, ആർട്‌സ്, ഹ്യുമാനിറ്റീസ് വിദ്യാര്‍ത്ഥി കള്‍ക്കും ബി. എസ്‌സി. നഴ്സിംഗിന് അവസരം
  • ഡിഗ്രി യോഗ്യത പോലും കാണിക്കാന്‍ കഴിയാത്ത പ്രധാന മന്ത്രി പൗരന്മാരോട് തെളിവ് ചോദിക്കുന്നു : സീതാറാം യെച്ചൂരി
  • ജാര്‍ഖണ്ഡിലെ തോല്‍വി; ബിജെപി പ്രതിരോധത്തില്‍
  • ജാമിയ മിലിയ സര്‍വകലാശാലയിൽ പൊലീസ് വെടിവയ്പ്, മൂന്ന് ബസുകള്‍ കത്തിച്ചു
  • പൗരത്വ ഭേദഗതി ബില്‍: ബംഗാളിലെ ജനങ്ങളെ തൊടാന്‍ ആരെയും അനുവദിക്കില്ല: മമതാ ബാനര്‍ജി
  • ശിവാംഗി.. നാവികസേനയുടെ ആദ്യ വനിതാ പൈലറ്റ്‌
  • മഹാ രാഷ്ട്ര മുഖ്യ മന്ത്രി യായി ഉദ്ധവ് താക്കറെ
  • സുപ്രീം കോടതി ചീഫ് ജസ്റ്റിസ്സ് എസ്. എ. ബോബ്ഡെ സത്യപ്രതിജ്ഞ ചെയ്തു
  • ഒരു രാജ്യം – ഒരു ശമ്പള ദിനം : പുതിയ നിയമം കൊണ്ടു വരുന്നു
  • എയര്‍ ഇന്ത്യയും ഭാരത് പെട്രോളി യവും വില്‍ക്കും : നിര്‍മ്മലാ സീതാ രാമന്‍
  • ശബരിമല : പുന: പരിശോധനാ ഹര്‍ജി കള്‍ ഏഴംഗ ഭരണ ഘടനാ ബഞ്ചിന്
  • വായു മലിനീകരണം : ഡൽഹിയിൽ നിയന്ത്രണം തുടരുന്നു
  • വിവരാവകാശ നിയമ ത്തിന്റെ പരിധി യില്‍ ചീഫ് ജസ്റ്റിസിന്റെ ഓഫീസും ഉള്‍പ്പെടും
  • രാഷ്ട്രപതി ഭരണം കുതിര ക്കച്ചവട ത്തിന് വഴി വെക്കും : ശിവസേന
  • മഹാരാഷ്ട്ര യില്‍ രാഷ്ട്ര പതി ഭരണ ത്തിന് ഗവര്‍ണ്ണ റുടെ ശുപാര്‍ശ
  • ടി. എൻ. ശേഷൻ അന്തരിച്ചു
  • രാജ്യത്ത് ഭീകരാക്രമണ സാദ്ധ്യത എന്ന് ഇന്റലിജന്‍സ് റിപ്പോര്‍ട്ട്
  • അയോധ്യ കേസിൽ സുപ്രീം കോടതി വിധി പ്രഖ്യാപിച്ചു
  • സുപ്രീംകോടതി വിധിയെ സ്വാഗതം ചെയ്ത് അമിത് ഷാ



  • സ്വവര്‍ഗ്ഗ രതിയെ നിയമ വിധ...
    മോഡിയ്ക്കെതിരെ അമിക്കസ് ക...
    ചിദംബരം പ്രതിയായില്ല...
    ഐ.എസ്.ആര്‍.ഒ മുന്‍ ചെയര്‍...
    മായാവതിയുടെ പ്രതിമകള്‍ മൂ...
    മിസ്ഡ്‌ കോളുകളുടെ ഇന്ത്യ...
    സോഷ്യല്‍ നെറ്റുവര്‍ക്ക് ...
    ക്രിക്കറ്റ് സ്‌റ്റേഡിയം ക...
    മായാവതി ഉത്തര്‍പ്രദേശ്‌ വ...
    ന്യൂമോണിയ : ശിശു മരണങ്ങള്...
    ഡോ. ഭൂപെന്‍ ഹസാരിക അന്തരി...
    162 എം.പിമാര്‍ ക്രിമിനല്‍...
    ഇറോം ശര്‍മിളയുടെ നിരാഹാരം...
    ഭക്ഷ്യവില കുതിക്കുന്നു, ജ...
    പോഷകാഹാരക്കുറവ് മൂലം വന്‍...
    ടീം അണ്ണ ഒറ്റക്കെട്ട് : ‘...
    വേണ്ടാത്ത പെണ്‍കുട്ടികളുട...
    ഗസല്‍ ചക്രവര്‍ത്തി ജഗ്ജിത...
    ഏറ്റവും വില കുറഞ്ഞ ടാബ്ലറ...
    മോഡിക്കെതിരെ മൊഴി നല്‍കിയ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine