ചാവക്കാട് : കേരളത്തില് കൊവിഡ്-19 വൈറസ് ബാധയേറ്റ നാലാമത്തെ മരണം കൂടി റിപ്പോര്ട്ട് ചെയ്തു. കടപ്പുറം അഞ്ചങ്ങാടി കെട്ടുങ്ങല് പരേതനായ മുഹമ്മദിന്റെ ഭാര്യ പോക്കാക്കില്ലത്ത് കദീജക്കുട്ടി യാണ് (73) ബുധനാഴ്ച ചാവക്കാട് താലൂക്ക് ആശുപത്രി യിൽ വെച്ച് മരിച്ചത്.
മുംബൈയില് മകളുടെ കൂടെ ആയിരുന്ന കദീജക്കുട്ടി കഴിഞ്ഞ തിങ്കളാഴ്ച യാണ് കേരളത്തില് എത്തിയത്. ലോക്ക് ഡൗണ് കാരണം യാത്ര മുടങ്ങിയ തോടെ മുംബൈ യിലെ വസതിയില് കുടുങ്ങിയ ഇവര് സ്വകാര്യ വാഹന ത്തി ലാണ് നാട്ടിലേക്ക് എത്തിയത്.
കടപ്പുറം പഞ്ചായത്തിലെ അടിത്തിരുത്തി ജുമാ മസ്ജിദ് ഖബര് സ്ഥാനില് കൊവിഡ് പ്രോട്ടാക്കോള് പാലിച്ച് സംസ്കാര ചടങ്ങുകള് നടന്നു.
മുസ്ലീം യൂത്ത് ലീഗ് പ്രവര്ത്തക രുടെ നേതൃത്വത്തില്, സന്നദ്ധ സംഘടന യായ വൈറ്റ് ഗാര്ഡ് പ്രവര്ത്തകര് ചേർന്നാ ണ് കബറടക്കം നടത്തിയത്. ഇതിനായി ഇവര്ക്ക് ആരോഗ്യ വകുപ്പ് പ്രത്യേക പരിശീലനം നല്കി യിരുന്നു.
ഉയര്ന്ന രക്ത സമ്മര്ദ്ദവും പ്രമേഹവും ശ്വാസ തടസ്സ വും ഉണ്ടായിരുന്ന ഇവര് ചികിത്സയില് ആയിരുന്നു. കദീജ ക്കുട്ടിയെ ആശുപത്രി യില് പ്രവേശിപ്പിച്ച മകനും ഡ്രൈവറും അടക്കം ഇവരുമായി സമ്പര്ക്കം പുലര്ത്തിയ അഞ്ചു പേര് നിരീക്ഷണ ത്തിലാണ്.
- pma
അനുബന്ധ വാര്ത്തകള്
വായിക്കുക: covid-19, covid-19-death, ആരോഗ്യം, ചരമം, പ്രവാസി, മതം, സാമൂഹികം, സാമൂഹ്യ പ്രവര്ത്തനം
