തിരൂര്: ഇരുപതോളം വിദ്യാര്ത്ഥികളെ നിരന്തരം പീഡിപ്പിച്ച സംഭവവുമായി ബന്ധപ്പെട്ട് ബി. പി. അങ്ങാടി ജി. എം. യു. പി സ്കൂളിലെ പ്രധാന അധ്യാപകന് സെയ്തലവിയെ (48) പോലീസ് അറസ്റ്റ് ചെയ്തു.
തിരൂര്: ഇരുപതോളം വിദ്യാര്ത്ഥികളെ നിരന്തരം പീഡിപ്പിച്ച സംഭവവുമായി ബന്ധപ്പെട്ട് ബി. പി. അങ്ങാടി ജി. എം. യു. പി സ്കൂളിലെ പ്രധാന അധ്യാപകന് സെയ്തലവിയെ (48) പോലീസ് അറസ്റ്റ് ചെയ്തു.
-
വായിക്കുക: കുട്ടികള്, പീഡനം, വിദ്യാഭ്യാസം, വിവാദം
നീലേശ്വരം : സി. പി. എം. മുന് കണ്ണൂര് ജില്ലാ സെക്രട്ടറിയും അന്തരിച്ച മുന് മുഖ്യമന്ത്രി നായനാരുടെ പൊളിറ്റിക്കല് സെക്രട്ടറി യുമായിരുന്ന പി. ശശിയ്ക്കെതിരെ സ്ത്രീ പീഡന ക്കേസില് അന്വേഷണം ആവശ്യപ്പെട്ട് “ക്രൈം“ എഡിറ്റര് നന്ദകുമാര് പരാതി നല്കി. നീലേശ്വരം സി. ഐ. ഉള്പ്പെടെ വിവിധ പോലീസ് അധികാരികള്ക്കാണ് പരാതി നല്കിയിരിക്കുന്നത്. പരാതി റെജിസ്റ്റേര്ഡ് തപാലില് അയക്കുക യായിരുന്നു. നന്ദകുമാറിന്റെ പരാതിയുടെ അടിസ്ഥാനത്തില് നീലേശ്വരം പോലീസ് അന്വേഷണം തുടങ്ങിയതായാണ് റിപ്പോര്ട്ടുകള്.
നീലേശ്വരത്തെ ഒരു പ്രകൃതി ചികിത്സാ കേന്ദ്രത്തില് വച്ച് ഡി. വൈ. എഫ്. ഐ. നേതാവിന്റെ ഭാര്യയായ യുവതിയോട് ശശി അപമര്യാദയായി പെരുമാറിയെന്ന് പരാതി ഉയര്ന്നിരുന്നു. ഇതു സംബന്ധിച്ച് യുവതി പാര്ട്ടിക്ക് പരാതി നല്കുകയും തുടര്ന്ന് പാര്ട്ടി തലത്തില് അന്വേഷണം നടത്തുകയും ചെയ്തിരുന്നു. അന്വേഷണ റിപ്പോര്ട്ടിന്റെ അടിസ്ഥാനത്തില് ശശിയെ പിന്നീട് ജില്ലാ സെക്രട്ടറി സ്ഥാനത്തു നിന്നും ബ്രാഞ്ച് തലത്തിലേക്ക് തരം താഴ്ത്തുകയും ചെയ്തു.
-
വായിക്കുക: കേരള രാഷ്ട്രീയ നേതാക്കള്, പീഡനം, പോലീസ്, സ്ത്രീ
കുമ്പള : കാസര്ഗോഡ് ജില്ലയിലെ കുമ്പളയില് സ്ക്കൂള് വിദ്യാര്ഥിനികളായ 20 പെണ്കുട്ടികളെ സ്ക്കൂളിന് അടുത്തുള്ള ലോട്ടറി കടയുടമ പീഡിപ്പിച്ചതായി കണ്ടെത്തി. മിഠായിയും മധുര പലഹാരങ്ങളും കൊടുത്താണ് ഇയാള ദരിദ്ര കുടുംബങ്ങളിലെ പെണ്കുട്ടികളെ തന്റെ കടയിലേക്ക് ആകര്ഷിച്ചത്. 5, 6, 7 ക്ലാസുകളിലെ കുട്ടികളാണ് ഇയാളുടെ പീഡനത്തിന് ഇരയായത്.
കുട്ടികളുടെ കയ്യില് പണം കണ്ട അദ്ധ്യാപകര് വിവരം കൊടുത്തത് പ്രകാരം അന്വേഷണം നടത്തിയ ചൈല്ഡ് ലൈന് പ്രവര്ത്തകരാണ് പീഡനത്തിന് പുറകില് 55 കാരനായ ലോട്ടറി കടയുടമ നരസിംഹ നായക് ആണെന്ന് കണ്ടെത്തിയത്. ഇവര് നല്കിയ പരാതി അനുസരിച്ച് പോലീസ് കേസെടുത്തെങ്കിലും ഇയാള് സംഭവം പുറത്തായത് അറിഞ്ഞ് ഒളിവില് പോയി. വിവരമറിഞ്ഞ് കുപിതരായ നാട്ടുകാര് ലോട്ടറിക്കട ആക്രമിച്ചു. സംഭവം റിപ്പോര്ട്ട് ചെയ്യാനെത്തിയ മാധ്യമ പ്രവര്ത്തകരെ പോലീസ് മര്ദ്ദിച്ചു. ഇതിനെതിരെ മാധ്യമ പ്രവര്ത്തകര് പോലീസ് സ്റ്റേഷന് മുന്പില് പ്രതിഷേധ യോഗം ചേര്ന്നു.
- ജെ.എസ്.
വായിക്കുക: കുട്ടികള്, പീഡനം, മാധ്യമങ്ങള്, വിദ്യാഭ്യാസം
പെരുമ്പാവൂര് : യുവതിയെയും ഭര്ത്താവിനെയും പറ്റി അപവാദ പരമായ വാര്ത്ത പ്രസിദ്ധീകരിക്കുകയും ഭീഷണി പ്പെടുത്തി പണം തട്ടിയെടുക്കുവാന് ശ്രമിക്കുകയും ചെയ്ത പാസ്റ്റര് അറസ്റ്റില്. പെന്തക്കോസ്ത് വിഭാഗം പാസ്റ്ററായ പെരുമ്പാവൂര് തുരുത്തിപ്പിള്ളി ആനന്ദ് ഭവനില് ടി. എസ്. ബാലനെ (54) ആണ് പോലീസ് അറസ്റ്റ് ചെയ്തത്. ഇയാളുടെ മകന് അനീഷ് ഒളിവിലാണ്. ഇയാളുടെ സുഹൃത്തും സഹപ്രവര്ത്ത കനുമായ തോമസ് കുട്ടിയുടെ പരാതിയെ തുടര്ന്നാണ് അറസ്റ്റ്. പാസ്റ്റര് ബാലനും മകനും നടത്തുന്ന “ദി ഡിഫെന്റര്“ എന്ന മാസികയില് തോമസ് കുട്ടിക്കും ഭാര്യക്കും എതിരെ അപകീര്ത്തി കരമായ വാര്ത്ത കഴിഞ്ഞ വര്ഷം ഡിസംബറില് പ്രസിദ്ധീകരിച്ചിരുന്നു. ഇത് ഇന്റര്നെറ്റിലും വന്നു. താന് ഇനിയും വാര്ത്തകളും ചിത്രങ്ങളും പ്രസിദ്ധീകരി ക്കുമെന്നും പ്രസിദ്ധീകരി ക്കാതിരിക്ക ണമെങ്കില് പണം നല്കണമെന്നും പാസ്റ്റര് ബാലന് ആവശ്യപ്പെട്ടതായി പരാതിയില് പറയുന്നു. മതം മാറി പാസ്റ്ററായ ബാലനെതിരെ മുന്പും അപകീര്ത്തി കരമായ വിവരങ്ങള് ഇന്റര്നെറ്റില് പ്രസിദ്ധീകരിച്ചതിനു കേസുണ്ടായിട്ടുണ്ട്.
പരാതിയെ തുടര്ന്ന് പാസ്റ്റര് ബാലനും മകനും ഒളിവിലായിരുന്നു. എന്നാല് കഴിഞ്ഞ ദിവസം ഇയാള് വീട്ടില് എത്തിയതായുള്ള വിവരം ലഭിച്ചതിനെ തുടര്ന്നായിരുന്നു അറസ്റ്റ്. പാസ്റ്റര് ബാലന്റെ അറസ്റ്റു വൈകുന്നതില് നാട്ടുകാരും പ്രതിഷേധിച്ചിരുന്നു. ഇയാളുടെ വീട്ടില് നിന്നും കമ്പ്യൂട്ടര് അടക്കമുള്ള ഉപകരണങ്ങള് പോലീസ് കസ്റ്റഡിയില് എടുത്തു.
- എസ്. കുമാര്
വായിക്കുക: തട്ടിപ്പ്, പീഡനം, പോലീസ്, മനുഷ്യാവകാശം, വിവാദം, സ്ത്രീ
ഷൊര്ണ്ണൂര്: ഓടിക്കൊണ്ടിരിക്കുന്ന ടെയിനില് നിന്നു തള്ളിയിട്ട് പീഡനത്തിന് ഇരയായ സൌമ്യയുടെ മരണത്തില് ദുഃഖം രേഖപ്പെടുത്തുവാന് ഇന്ന് ഷൊര്ണ്ണൂര് നഗര സഭാ പരിധിയില് ഹര്ത്താല് ആചരിക്കുന്നു.
യുവതിയെ തള്ളിയിട്ട് മാനഭംഗം നടത്തിയ സംഭവത്തില് പോലീസ് ഗോവിന്ദ ചാമി എന്ന യുവാവിനെ പിടി കൂടിയിട്ടുണ്ട്. പീഡന ശേഷം യുവതിയെ നഗ്നയായി ട്രാക്കിന്റെ വശത്ത് ഉപേക്ഷിച്ച ഇയാള് യുവതിയുടെ പണവും ആഭരണങ്ങളും മോഷ്ടിക്കുകയും ചെയ്തു. തമിഴ്നാട് സ്വദേശിയാണ് ഗോവിന്ദ ചാമി.
ചൊവ്വാഴ്ച രാത്രി വള്ളത്തോള് നഗര് സ്റ്റേഷനും ഷൊര്ണ്ണൂര് സ്റ്റേഷനും ഇടയില് വച്ച് കൊച്ചി ഷൊര്ണ്ണൂര് പാസഞ്ചര് ട്രെയിനിലാണ് സംഭവം നടന്നത്. വനിതാ കമ്പാര്ട്ട്മെന്റില് അതിക്രമിച്ചു കടന്ന് യുവതിയെ പീഡിപ്പിക്കുവാന് ശ്രമിക്കുകയായിരുന്നു. ബഹളം വെച്ചെങ്കിലും ആരും സഹായ ത്തിനെത്തിയില്ല. ഷൊര്ണ്ണൂര് സ്റ്റേഷന് അധികം ദൂരത്തല്ലാത്തതിനാല് ട്രെയിന് സാവധാനത്തിലായിരുന്നു നീങ്ങി ക്കൊണ്ടിരുന്നത്. ഇതിനിടയില് യുവതിയെ പുറത്തേക്ക് തള്ളിയിട്ട് ഇയാള് പുറത്തേക്ക് ചാടി. തുടര്ന്ന് അവരെ പീഡിപ്പിച്ചു. ട്രെയിനില് നിന്നും വീണ് യുവതിക്ക് ഗുരുതരമായ പരിക്കേറ്റിട്ടുണ്ട്.
ട്രെയിനില് നിന്നും രണ്ടു പേര് താഴെ വീണതായി ഗാര്ഡ് റിപ്പോര്ട്ട് ചെയ്തതിനെ തുടര്ന്ന് നടത്തിയ അന്വേഷണത്തിലാണ് അവശയായ യുവതിയെ കണ്ടെത്തിയത്. അവരെ പിന്നീട് അതു വഴി പോകുകയായിരുന്ന മന്ത്രി രാജേന്ദ്രന്റെ എസ്കോര്ട്ട് വാഹനത്തില് ആശുപത്രിയില് എത്തിച്ചുവെങ്കിലും വീഴ്ചയുടെ ആഘാതത്തില് തലയ്ക്ക് ഗുരുതരമായി പരിക്കേറ്റ യുവതി തൃശൂര് മെഡിക്കല് കോളേജ് ആശുപത്രിയില് ഇന്നലെ മരിക്കുകയായിരുന്നു.
ഷൊര്ണ്ണൂര് മഞ്ഞക്കാട് സ്വദേശിനിയായ സൌമ്യ (23) ജോലി കഴിഞ്ഞു തിരികെ വരുമ്പോഴാണ് ഈ ദുരന്തത്തിനു ഇരയായത്.
- എസ്. കുമാര്
വായിക്കുക: എതിര്പ്പുകള്, കുറ്റകൃത്യം, പീഡനം, സ്ത്രീ