- ലിജി അരുണ്
വായിക്കുക: എതിര്പ്പുകള്, കുറ്റകൃത്യം, പോലീസ് അതിക്രമം, മതം
തിരുവനന്തപുരം : വാളകം സംഭവം അപകടമാണ് എന്ന് പോലീസ് സ്ഥാപിക്കാന് ശ്രമിച്ചു വരുന്നതിനിടയില് കൃഷ്ണകുമാറിനെ കൈകാര്യം ചെയ്തു എന്ന് ഒരു പ്രസംഗത്തിനിടയില് മന്ത്രി കെ. ബി. ഗണേഷ് കുമാര് പരസ്യമായി പറഞ്ഞത് കേസിന് പുതിയ വഴിത്തിരിവ് ഉണ്ടാക്കി. കൃഷ്ണകുമാറിനെ കൈകാര്യം ചെയ്തതാണ് എന്ന് പറഞ്ഞതിലൂടെ ഇതിന് പിന്നില് പ്രവര്ത്തിച്ചവരെ കുറിച്ച് മന്ത്രിക്ക് വ്യക്തമായി അറിയാം എന്ന് വെളിപ്പെട്ടു. ഗണേഷ് കുമാറിനെതിരെ കേസെടുത്ത് ചോദ്യം ചെയ്താല് കൂടുതല് വിവരങ്ങള് പുറത്ത് വരുമെന്നും ഗണേഷ് കുമാറിനെ മന്ത്രി സഭയില് നിന്ന് പുറത്താക്കണം എന്നും മുന് ധനമന്ത്രി ഡോ. തോമസ് ഐസക് ആവശ്യപ്പെട്ടു.
- ജെ.എസ്.
വായിക്കുക: കുറ്റകൃത്യം, കേരള രാഷ്ട്രീയ നേതാക്കള്, പോലീസ് അതിക്രമം, വിവാദം
തിരുവനന്തപുരം : വിതുരയില് പോലീസ് പിടിച്ചു ലോക്കപ്പില് വെച്ച് മര്ദ്ദിച്ചതിനെ തുടര്ന്ന് മനം നൊന്ത് യുവാവ് ആത്മഹത്യ ചെയ്തതിനെ ചൊല്ലി എല്. ഡി. എഫ്. നിയമ സഭ ബഹിഷ്ക്കരിച്ചു. 26 കാരനായ സിനു വാണ് പോലീസ് മര്ദ്ദനത്തെ തുടര്ന്ന് തൂങ്ങി മരിച്ച നിലയില് കാണപ്പെട്ടത്. യുവാവിനെ മദ്യപിച്ച നിലയിലാണ് പോലീസ് പിടികൂടിയത് എന്ന ആരോപണം തെറ്റാണ് എന്നും കാര്യമായ പ്രകോപനം ഒന്നും കൂടാതെ പോലീസ് യുവാവിനെ മര്ദ്ദിക്കുകയായിരുന്നു എന്നും പ്രമേയം അവതരിപ്പിച്ച കോലിയക്കോട് എന്, കൃഷ്ണന് നായര് സഭയെ അറിയിച്ചു. നഷ്ടപരിഹാരമായി 10 ലക്ഷം രൂപ യുവാവിന്റെ കുടുംബത്തിന് സര്ക്കാര് നല്കണം എന്നും അദ്ദേഹം ആവശ്യപ്പെട്ടു.
എന്നാല് ഇയാളെയും കൂടെ ഉണ്ടായിരുന്ന ആളെയും വൈദ്യ പരിശോധനയ്ക്ക് വിധേയമാക്കിയപ്പോള് ഇവര് മദ്യപിച്ചിരുന്നതായി തെളിഞ്ഞു എന്നാണ് മുഖ്യമന്ത്രി ഉമ്മന് ചാണ്ടി പ്രതികരിച്ചത്. ആരെയും മര്ദ്ദിക്കാന് പോലീസിനെ അനുവദിക്കില്ല. ഒരു ഡി. വൈ. എസ്. പി. യ്ക്ക് യുവാവിന്റെ മരണം അന്വേഷിക്കാനുള്ള ചുമതല നല്കും. യുവാവ് ഒരു സ്ത്രീയെ സംഘം ചേര്ന്ന് ആക്രമിച്ച ഒരു കേസില് പ്രതിയാണ്. ഏതാനും ആഴ്ചകള്ക്ക് മുന്പ് മാത്രമാണ് ഇയാള ജാമ്യത്തില് ഇറങ്ങിയത്. എന്നാലും ഈ വിഷയം ഗൌരവമായി തന്നെ കണ്ട് അന്വേഷിക്കുമെന്നും യുവാവിന്റെ മരണത്തിന് കാരനമായവര്ക്ക് നേരെ കര്ശന നടപടികള് സ്വീകരിക്കും എന്നും അദ്ദേഹം പറഞ്ഞു.
മരിച്ച യുവാവിനെ കുറിച്ചുള്ള മുഖ്യമന്ത്രിയുടെ പരാമര്ശം മദ്യപിച്ചവരെ തല്ലിക്കൊല്ലാന് പോലീസിന് പച്ചക്കൊടി കാണിക്കുന്നതിന് തുല്യമാണ് എന്ന് മുന് ആഭ്യന്തര മന്ത്രി കോടിയേരി ബാലകൃഷ്ണന് പ്രതികരിച്ചു.
- ജെ.എസ്.
വായിക്കുക: പോലീസ് അതിക്രമം
കണ്ണൂര്: യൂണിഫോമില്ലെങ്കില് താനും അസിസ്റ്റന്റ് കമ്മീഷ്ണര് രാധാകൃഷ്ണപിള്ളയുമെല്ലാം സാധാരണക്കാരാണെന്നും അദ്ദേഹത്തെ കണ്ടാല് തല്ലിക്കൊള്ളുവാനും സി.പി.എം. നേതാവ് എം.വി.ജയരാജന് എസ്.എഫ്.ഐ പ്രവര്ത്തകരോട് പരസ്യമായി ആഹ്വാനം ചെയ്തു. നിര്മ്മല് മാധവ് വിഷയവുമായി ബന്ധപ്പെട്ട് കോഴിക്കോട് എസ്.എഫ്.ഐ മാര്ച്ചിനിടെ വെടിവെപ്പ് നടത്തിയതിനെ സംബന്ധിച്ച് സംസാരിക്കുകയായിരുന്നു അദ്ദേഹം.
യൂണിഫോമില്ലാതെ വന്നാല് രാധാകൃഷ്ണപിള്ളയും നമ്മളെപ്പോലെ സാധാരണ പൗരനാണ്. അതിനാല് അദ്ദേഹത്തെ തല്ലുന്നതില് ഭയക്കേണ്ട. കാക്കിയെ ബഹുമാനിക്കണം. കാക്കിക്കുള്ളിലെ ഖദര്ധാരിയായി മാറിയാല് അയാളെ ഉമ്മന്ചാണ്ടിയുടെ അനുയായി ആയി കാണണം. മുഖ്യമന്ത്രി ഉമ്മന്ചാണ്ടിയെ സര് സി.പിയുടെ പ്രേതം പിടി കൂടിയിരിക്കുകയാണ്. പോലീസിനെ തളയ്ക്കേണ്ട ചങ്ങല സര്ക്കാരാണ്. ആ ചങ്ങലയ്ക്കും പേയിളകി. കാക്കിക്കുള്ളിലെ ഖദര്ധാരികളായി പോലിസ് ഉദ്യോഗസ്ഥര് മാറരുത്. നിയമസഭയില് വനിതാ സ്റ്റാഫിനു മുമ്പില് മുണ്ടഴിച്ച മന്ത്രി കെ.പി. മോഹനനെതിരേ നടപടി വേണം എന്ന് ജയരാജന് ആവശ്യപ്പെട്ടു. മോഹനന് മുണ്ടഴിച്ചു വിശ്വരൂപം കാട്ടിയപ്പോള് പി.ടി. ഉഷയുടെ വേഗത്തിലാണു വനിതകള് ഓടിയത്. നിര്മല് മാധവ് മണ്ടനും തിരുമണ്ടനുമാണെന്നും ജയരാജന് പരിഹസിച്ചു.
- എസ്. കുമാര്
വായിക്കുക: കുറ്റകൃത്യം, കേരള രാഷ്ട്രീയ നേതാക്കള്, പോലീസ് അതിക്രമം, മനുഷ്യാവകാശം