ലാഹോര്‍: പാക്കിസ്ഥാനില്‍ കഴിഞ്ഞ ദിവസങ്ങളില്‍ നടന്ന അഞ്ച് വ്യത്യസ്ത ചാവേര്‍ ആക്രമണങ്ങളില്‍ കൊല്ലപ്പെട്ടവരുടെ എണ്ണം ആറായി. രണ്ട് ദിവസം മുന്‍പ് രാജ്യത്തെ ഞെട്ടിച്ച ചാവേര്‍ ആക്രമണങ്ങളുടെ ആഘാതം വിട്ട് മാറുന്നതിന്‌ മുന്‍പാണ് പേഷാവറിലും ഗോത്ര വര്‍ഗ്ഗ പ്രദേശങ്ങളിലുമായി മൂന്ന് ആക്രമണങ്ങള്‍ കൂടി നടന്നത്. പേഷാവറില്‍ ജഡ്ജിമാര്‍ സഞ്ചരിച്ച വാനിലേക്ക് മോട്ടോര്‍ സൈക്കിളില്‍ വന്ന ചാവേര്‍ ഇടിച്ചതിനെ തുടര്‍ന്ന് വാന്‍ ഡ്രൈവര്‍ കൊല്ലപ്പെടുകയും അനേകം ജഡ്ജിമാര്‍ക്ക് പരിക്കേല്‍ക്കുകയും ചെയ്തു. ഇന്നലെ നടന്ന മറ്റൊരു ആക്രമണത്തില്‍ മൂന്ന് സായുധ ഭടന്മാരും രണ്ട് സിവിലിയന്മാരും കൊല്ലപ്പെട്ടിരുന്നു. താലിബാനില്‍ നിന്നും വേര്‍പെട്ട ജമാ അത് ഉല്‍ അഹ് റാര്‍ എന്ന സംഘം ആക്രമണത്തിന്റെ ഉത്തരവാദിത്തം ഏറ്റെടുത്തിട്ടുണ്ട്.
- ജെ.എസ്.
അനുബന്ധ വാര്‍ത്തകള്‍
വായിക്കുക: തീവ്രവാദം, പാക്കിസ്ഥാന്‍
