ന്യൂഡൽഹി : ഇന്ത്യൻ അതിർത്തി മാനിക്കാതെ ചൈനീസ് സൈന്യം ഇടക്കിടെ നടത്തുന്ന നുഴഞ്ഞു കയറ്റങ്ങൾക്ക് എതിരെ ശക്തമായ ഭാഷയിൽ ഇന്ത്യ പ്രതികരിച്ചു. ഇന്ത്യ സന്ദർശിക്കുന്ന ചൈനീസ് പ്രധാന മന്ത്രിയെ ഈ കാര്യം ഇന്ത്യൻ പ്രധാന മന്ത്രി മൻമോഹൻ സിങ്ങ് അസന്ദിഗ്ദ്ധമായി തന്നെ അറിയിച്ചു. ഒരു മണിക്കൂറോളം നീണ്ടു നിന്ന ചർച്ചയിൽ ഇത്തരം സംഭവങ്ങൾ ഇന്ത്യയും ചൈനയുമായുള്ള ഉഭയ കക്ഷി ബന്ധങ്ങളെ തന്നെ ബാധിക്കും എന്ന് ഇന്ത്യൻ പ്രധാനമന്ത്രി വ്യക്തമാക്കി.
രണ്ടു മാസം മുൻപ് സ്ഥാനമേറ്റ ചൈനീസ് പ്രധാനമന്ത്രി ലി കെഖ്യാങ്ങ് ആദ്യമായി നടത്തുന്ന വിദേശ പര്യടനത്തിന്റെ ഭാഗമായാണ് ഇന്ത്യയിൽ എത്തിയത്.
- ജെ.എസ്.
