തിരുവനന്തപുരം: പ്രമുഖ ചലച്ചിത്ര നടിയും മോഡലുമായ ധന്യ മേരി വര്‍ഗ്ഗീസ് വിവാഹിതയായി. നടനും നര്‍ത്തകനും ബിസിനസ്സു കാരനുമായ ജോണ്‍ ആണ് വരന്‍. തിരുവനന്തപുരം പാളയം എല്‍. എം. എസ്. പള്ളിയില്‍ വെച്ചായിരുന്നു വിവാഹ ചടങ്ങ്. അടുത്ത ബന്ധുക്കളും സുഹൃത്തുക്കളും മാത്രമേ ചടങ്ങില്‍ പങ്കെടുത്തിരുന്നത്. കൂത്താട്ടുകുളം ഇടയാര്‍ വര്‍ഗ്ഗീസിന്റേയും ഷീബയുടെയും മകളാണ് ധന്യ. തലപ്പാവ്, വൈരം, കേരള കഫേ തുടങ്ങിയ സിനിമകളില്‍ ധന്യ മേരി വര്‍ഗ്ഗീസ് ശ്രദ്ധേയമായ വേഷങ്ങള്‍ ചെയ്തിട്ടുണ്ട്. കണ്ണിമറ്റം ജേക്കബ് സാംസണിന്റേയും ലളിതയുടെയും മകനായ ജോണ്‍ കെട്ടിട നിര്‍മ്മാണ കമ്പനി നടത്തുകയാണ്. അമൃത ചാലനിലെ സൂപ്പര്‍ ഡാന്‍സര്‍ പരിപാടിയിലൂടെ ശ്രദ്ധിക്കപ്പെട്ട ജോണ്‍ ടൂര്‍ണ്ണമെന്റ് എന്ന സിനിമയിലും അഭിനയിച്ചിട്ടുണ്ട്.
