സിനിമ സീരിയല്‍ നടി കൃപ വിവാഹിതയാകുന്നു. അന്തരിച്ച പ്രശസ്ത കവിയും ഗാനരചയിതാവുമായ മുല്ലനേഴിയുടെ മകന്‍ പ്രദീപന്‍ മുല്ലനെഴിയാണ് വരന്‍.സിനിമ സീരിയല്‍ രംഗത്തെ ജോലിക്കിടയില്‍ പരിചയം പ്രണയമായി മാറുകയായിരുന്നു. വരുന്ന ഓണത്തോടനുബന്ധിച്ചായിരിക്കും വിവാഹം. മുല്ലനേഴി മഷ്ടെ വിയോഗം കാരണം വിവാഹ ചടങ്ങുകള്‍ ലളിതമാക്കാനാണ് ഉദ്ദേശിക്കുന്നത്.
സിനിമയില്‍ അസിസ്റ്റന്റ് ഡയറക്ടര്‍ ആയി പ്രവര്‍ത്തിക്കുകയാണ് പ്രദീപന്‍. സൂഫി പറഞ്ഞ കഥ, പുലിജന്മം തുടങ്ങിയ ചിത്രങ്ങളില്‍ അസിസ്റ്റന്റായി പ്രവര്‍ത്തിച്ചിട്ടുണ്ട്. നടി രമാദേവിയുടെ മകളായ കൃപ ചിന്താവിഷ്ടയായ ശ്യാമളയിലൂടെ ബാലതാരമായാണ് സിനിമയില്‍ എത്തിയത്. ചിത്രത്തില്‍ കൃപ അവതരിപ്പിച്ച കഥാ‍പാത്രത്തിന്റെ അയ്യോ അച്ഛാ പോകല്ലേ എന്ന ഡയലോഗ് ഏറെ ശ്രദ്ധിക്കപ്പെട്ടു. ബാലതാരമായും തുടര്‍ന്ന് നായികയായും നിരവധി ചിത്രങ്ങളില്‍ കൃപ അഭിനയിച്ചിട്ടുണ്ട്
- ലിജി അരുണ്‍
