പാട്ന: കേന്ദ്ര ഭരണം ട്വിറ്ററിൽ മാത്രം ഒതുങ്ങി നിൽക്കുന്ന ഒന്നാണ് എന്ന് ബീഹാർ മുഖ്യമന്ത്രി നിതീഷ് കുമാർ അഭിപ്രായപ്പെട്ടു. കള്ള പണം തിരികെ കൊണ്ടു വരുന്നതുമായി ബന്ധപ്പെട്ട് ബി.ജെ.പി. സർക്കാർ നടത്തിയ അവകാശ വാദങ്ങളും, കർഷകർക്ക് താങ്ങ് വില നൽകുമെന്ന വാഗ്ദാനവും എന്തായി എന്ന തന്റെ ചോദ്യത്തിന് മറുപടി ഇതു വരെ ലഭിച്ചിട്ടില്ല. ബീഹാറിന് പ്രത്യേക പദവി നൽകാനുള്ള നീക്കവും ഇതു വരെ നടന്നിട്ടില്ല. ഇത്തരം ചോദ്യങ്ങൾക്ക് മറുപടി ട്വിറ്ററിലൂടെ എങ്കിലും ലഭിക്കും എന്നാണ് പ്രതീക്ഷ. ഒടുവിൽ നമുക്കൊരു ട്വിറ്റർ സർക്കാരിനെ ലഭിച്ചിരിക്കുന്നു. ട്വിറ്ററിലൂടെ മാത്രം കേൾക്കുകയും, പ്രവർത്തിക്കുകയും പ്രതികരിക്കുകയും ചെയ്യുന്ന സർക്കാർ – നിതീഷ് കളിയാക്കി.
- ജെ.എസ്.
അനുബന്ധ വാര്‍ത്തകള്‍
വായിക്കുക: ഇന്ത്യന്‍ രാഷ്ട്രീയം, ഇന്ത്യന്‍ രാഷ്ട്രീയ നേതാക്കള്‍
