ന്യൂഡല്‍ഹി : മെഡിക്കല്‍ വിസക്ക് അപേക്ഷ നല്‍കി കാത്തിരിക്കുന്ന പാക്കിസ്ഥാന്‍ സ്വദേശികള്‍ക്ക് വിദേശകാര്യ മന്ത്രി സുഷമാ സ്വരാജിന്റെ സ്വാതന്ത്ര്യദിന സമ്മാനം.ഇന്ത്യയിലെ വിദഗ്ധ ചികിത്സക്കായി മെഡിക്കല്‍ വിസക്ക് അപേക്ഷ നല്‍കിയ എല്ലാവര്‍ക്കും വിസ ഉടന്‍ അനുവദിക്കുമെന്ന് മന്ത്രി ട്വിറ്ററിലൂടെ അറിയിച്ചു.
പാക് സ്വദേശികള്‍ക്ക് വിസ നല്‍കുന്നതിനായി പാക്കിസ്ഥാന്‍ വിദേശകാര്യ മന്ത്രിയുടെ അനുമതി ആവശ്യമാണ്. അതു കിട്ടുന്നതില്‍ വന്ന കാലതാമസമാണ് വിസ വൈകാന്‍ കാരണമെന്നും സുഷമ സ്വരാജ് പറഞ്ഞു. എല്ലാ മാസവും ഏകദേശം അഞ്ഞൂറിലധികം ആളുകളാണ് പാക്കിസ്ഥാനില്‍ നിന്നും ചികിത്സ തേടി ഇന്ത്യയിലെത്താറുള്ളതെന്ന് കണക്കുകള്‍ സൂചിപ്പിക്കുന്നു.
- അവ്നി
അനുബന്ധ വാര്‍ത്തകള്‍
വായിക്കുക: ഇന്ത്യ, ഇന്ത്യന്‍ രാഷ്ട്രീയ നേതാക്കള്‍, പാക്കിസ്ഥാന്‍
