അഞ്ചാമത് ഐസിസി അന്താരാഷ്ട്ര ക്രിക്കറ്റ് അവാര്‍ഡുകള്‍ ഇന്ന് ദുബായില്‍ വിതരണം ചെയ്യും. എട്ട് വ്യക്തിഗത പുരസ്ക്കാരങ്ങളും രണ്ട് ടീം അവാര്‍ഡുകളുമാണ് സമ്മാനിക്കുക. ഈ വര്‍ഷത്തെ ടെസ്റ്റ്, ഏകദിന ടീമുകളേയും ഇന്ന് പ്രഖ്യാപിക്കും.
അതേ സമയം മികച്ച ഫോമിലേക്ക് ഉടന്‍ തന്നെ എത്തുമെന്ന് ഇന്ത്യന്‍ ക്രിക്കറ്റ് താരം യുവരാജ് സിംഗ് പറഞ്ഞു. കഴിഞ്ഞ നാല് മാസമായി മോശം ഫോമിലാണെന്നും പരിക്കില്‍ നിന്നും താന്‍ മുക്തനാണെന്നും യുവരാജ് സിംഗ് ദുബായില്‍ മാധ്യമങ്ങളോട് പറഞ്ഞു. ധോണി മികച്ച നായകനാണെന്നും ഏകദിനത്തിലും ട്വൊന്‍റി ട്വൊന്‍റിയിലും ഇന്ത്യയുടെ വിജയം ഇതാണ് തെളിയിക്കുന്നതെന്നും യുവരാജ് സിംഗ് പറഞ്ഞു. മികച്ച ട്വൊന്‍റി ട്വൊന്‍റി കളിക്കാരുടെ നാമനിര്‍ദേശ പട്ടികയില്‍ ഇടം കിട്ടിയത് വലിയ കാര്യമാണെന്നും യുവരാജ് പറഞ്ഞു.
ബൗളിംഗിലാണ് തന്‍റെ ശ്രദ്ധയെന്നും മികച്ച ലൈനിലും ലെങ്തിലും പന്തെറിയാനാണ് എപ്പോഴും ശ്രമിക്കുന്നതെന്നും ഫാസ്റ്റ് ബൗളര്‍ ഇശാന്ത് ശര്‍മ്മ പറഞ്ഞു.
- ജെ.എസ്.
