കൊല്‍ക്കൊത്ത: ഈഡന്‍ ഗാര്‍ഡനില്‍ ഇന്ത്യന്‍ ക്രിക്കറ്റ് ടീം ഇന്നിംഗ്സ് വിജയത്തോടെ വെസ്റ്റ്‌ ഇന്‍ഡീസിനെതിരെയുള്ള ടെസ്റ്റ്‌ പരമ്പര 2-0 ത്തിന്‌ മുന്നിലെത്തി. ഏഴു വിക്കറ്റ്‌ നഷ്ടത്തില്‍ ഇന്ത്യ ഒന്നാം ഇന്നിങ്ങ്സില്‍ നേടിയ 631 റണ്സ് മറി കടക്കാന്‍ ആതിഥേയരായ വിന്‍ഡീസിനു കഴിഞ്ഞില്ല. ഡാരന്‍ ബ്രാവോ 136 റണ്സ് എടുത്ത്‌ ചെറുത്തു നില്ക്കാന്‍ ശ്രമിച്ചെങ്കിലും ഇന്ത്യന്‍ ബൗളിങ്ങിന്റെ മുന്നില്‍ വിന്ഡീസ് അടി പതറുകയായിരുന്നു. മര്‍ലോണ്‍ സാമുവല്‍ 84ഉം ചന്ദര്‍പോള്‍ 47ഉം റണ്സ് എടുത്തു പിന്നെയാരും വിന്ഡീസ് ബാറ്റിംഗ് നിരയില്‍ തിളങ്ങിയില്ല. ഇന്ത്യക്ക് വേണ്ടി പേസ് ബൌളര്‍ ഉമേഷ്‌ യാദവ്‌ നാലു വിക്കറ്റും, ഇഷാന്ത്‌ ശര്‍മ, പ്രഗ്യാന്‍ ഓജ, അശ്വിന്‍ എന്നിവര്‍ രണ്ടു വിക്കറ്റ്‌ വീതവും വീഴ്ത്തി. വി. വി. എസ്. ലക്ഷ്മണ്‍ ആണ് മാന്‍ ഓഫ് ദി മാച്ച്.
- ഫൈസല്‍ ബാവ
അനുബന്ധ വാര്‍ത്തകള്‍
വായിക്കുക: കായികം, ക്രിക്കറ്റ്
