രണ്ടാം വയസ്സിലേക്ക് കടക്കുന്ന സൊലെസ് വാര്‍ഷിക ആഘോഷങ്ങള്‍ നവംബര്‍ 29 ഞായറാഴ്‌ച്ച തൃശ്ശൂര്‍ ടൌണ്‍ ഹാളില്‍ വെച്ചു നടക്കും. രോഗാതുരരായ കുട്ടികളിലേയ്ക്കും, നിസ്സഹായരായ അവരുടെ മാതാ പിതാക്കളിലേയ്ക്കും തങ്ങളുടെ കണ്ണും മനസ്സും കൊടുക്കാന്‍ തയ്യാറായ ഒരു പറ്റം ആളുകളുടെ കൂട്ടായ്മയാണ് സൊലെസ്.
വനം വകുപ്പ് മന്ത്രി ബിനോയ് വിശ്വം, പ്രശസ്ത എഴുത്തു കാരന്‍ ആനന്ദ്, മേയര്‍ പ്രൊഫ. ആര്‍ ബിന്ദു, ജില്ലാ കലക്ടര്‍ ഡോ. വി. കെ. ബേബി, മെഡിക്കല്‍ കോളജ് സൂപ്രണ്ട് ഡോ. കെ. മോഹനന്‍ തുടങ്ങിയവര്‍ പങ്കെടുക്കുന്നു.
പരിപാടിയോട് അനുബന്ധിച്ച് സുപ്രസിദ്ധ ഗായകരായ ഷഹബാസ് അമന്‍, ഗായത്രി എന്നിവര്‍ ചേര്‍ന്ന് ഒരുക്കുന്ന സംഗീത വിരുന്നും ഉണ്ടായിരിക്കും.
- ജെ.എസ്.
