വംശ വെറി പൂണ്ട ഒരു പറ്റം ചെറുപ്പക്കാരുടെ ആക്രമണത്തിന് ഇരയായി 67 കാരനായ ഒരു ഇന്ത്യന് വംശജന് ലണ്ടനില് കൊല്ലപ്പെട്ടു. എഴുപതുകളില് ബ്രിട്ടനിലേക്ക് കുടിയേറിയ കൊല്ക്കത്ത സ്വദേശി ആയിരുന്ന ഇക്രം ഉല് ഹഖ് ആണ് കൊല്ലപ്പെട്ടത്. റമദാന് ആയതിനാല് വൈകീട്ടത്തെ പ്രാര്ത്ഥനകള് കഴിഞ്ഞ് മൂന്ന് വയസുള്ള തന്റെ ചെറു മകളുമൊത്ത് പള്ളിയില് നിന്നും വീട്ടിലേക്ക് മടങ്ങുന്ന വഴിയിലാണ് ഒരു പ്രകോപനവും ഇല്ലാതെ ഒരു പറ്റം ചെറുപ്പക്കാര് ഇയാളെ ആക്രമിച്ചത്. ഒരു വലിയ സംഘം ചെറുപ്പക്കാര് ഇയാളെ ആക്രമിക്കുകയും പുറകില് നിന്നും തലക്ക് അടിയേറ്റ ഇയാള് ബോധ രഹിതന് ആവുകയും ചെയ്തു. പ്രധാനമായും ഏഷ്യന് വംശജര് താമസിക്കുന്ന പ്രദേശത്തു വെച്ചാണ് ആക്രമണം നടന്നത് എങ്കിലും ഭയം മൂലം ഇതിനെ കുറിച്ച് പ്രദേശ വാസികള് കൂടുതല് സംസാരിക്കാന് തയ്യാറാവുന്നില്ല. അവസാനം ക്ലോസ്ഡ് സര്ക്ക്യൂട്ട് ടിവിയിലെ ചിത്രങ്ങളാണ് ആക്രമണം നടത്തിയ സംഘത്തെ തിരിച്ചറിയാന് പോലീസിനെ സഹായിച്ചത്.
- ജെ.എസ്.
അനുബന്ധ വാര്ത്തകള്
വായിക്കുക: തീവ്രവാദം, മനുഷ്യാവകാശം
