ന്യൂദല്ഹി: ഉത്തരേന്ത്യയില് അതിശൈത്യവും ശീതക്കാറ്റും മൂലം മരിച്ചവരുടെ എണ്ണം 26 ആയി. 2.2 ഡിഗ്രി സെല്ഷ്യസ് രേഖപ്പെടുത്തിയ മീററ്റാണ് ഏറ്റവും തണുപ്പേറിയ സ്ഥലം. ഉത്തര്പ്രദേശിലാണ് കൂടുതല് മരണങ്ങള് റിപോര്ട്ട് ചെയ്തിരിക്കുന്നത്. ഇവിടെ ഞായറാഴ്ച രാത്രി മാത്രം ആറു പേര് മരിച്ചു. ഡല്ഹിയിലും അതിശൈത്യമാണ് അനുഭവപ്പെടുന്നത്. കനത്ത മൂടല്മഞ്ഞ് മൂലം മിക്കയിടങ്ങളിലും റെയില് വ്യോമ ഗതാഗതം തടസ്സപ്പെട്ടിരിക്കയാണ്. പഞ്ചാബ്, ഹരിയാന തുടങ്ങിയ സംസ്ഥാനങ്ങളിലും കടുത്ത അതിശൈത്യമാണ്. ഇവിടെ രേഖപ്പെടുത്തിയ താപനില അഞ്ചു ഡിഗ്ര സെല്ഷ്യസ് ആണ്. മരണ സംഖ്യ ഇനിയും കൂടാന് സാധ്യതയുണ്ട് എന്നാണ് റിപ്പോര്ട്ടുകള്
-
