ഡല്ഹി:യുപിഎയുടെ രാഷ്ട്രപതി സ്ഥാനാര്ത്ഥിയായി പ്രണബ് മുഖര്ജിയെ ഔദ്യോഗികമായി പ്രഖ്യാപിച്ചു. മമതാ ബാനര്ജിയുടെ ശക്തമായ എതിര്പ്പ് നിലനില്ക്കെയാണ് ഇന്ന് നാല് മണിക്ക് ചേര്ന്ന യുപിഎ യോഗത്തില് അദ്ധ്യക്ഷ സോണിയാ ഗാന്ധി സ്ഥാനാര്ത്ഥിയായി പ്രണബ് മുഖര്ജിയെ ഔദ്യോഗികമായി പ്രഖ്യാപിച്ചത്. എതിര്പ്പുകള്ക്കിടയിലും യുപിഎ യോഗത്തിലുണ്ടായ സമവായത്തിന്റെ അടിസ്ഥാനത്തിലാണ് ഈ തീരുമാനം എന്നറിയുന്നു. രാഷ്ട്രപതി സ്ഥാനാര്ത്ഥിയാകുന്നതിന്റെ ഭാഗമായി പ്രണബ് മുഖര്ജി ഈ മാസം 24 ന് കേന്ദ്ര മന്ത്രി സ്ഥാനം രാജിവെക്കുകയും 25 ന് പത്രിക സമര്പ്പിക്കുകയും ചെയ്യും. സമാജ് വാദി പാര്ട്ടി, ബി. എസ്. പി, ഇടതു പാര്ട്ടികള് എന്നിവരുടെ പിന്തുണയും കോണ്ഗ്രസ് പ്രതീക്ഷിക്കുന്നുണ്ട്. ജയലളിതയുടെ പിന്തുണയോടെ പി. എ. സാംഗ്മയും മല്സരിക്കുമെന്ന നിലപാടില് ഉറച്ചു നില്ക്കുകന്നതോടെ ശക്തമായ ഒരു മല്സരം ഉണ്ടാകുമെന്ന് ഉറപ്പായി. ബി ജെ പി ഇതുവരെ തങ്ങളുടെ സ്ഥാനാര്ഥിയെ പ്രഖ്യാപിച്ചിട്ടില്ല മുന് രാഷ്ട്രപതി അബ്ദുല് കലാമിനെ പരിഗണിക്കുന്നുണ്ട് എങ്കിലും കാര്യമായ പിന്തുണ കിട്ടിയിട്ടില്ല. അതേസമയം തന്റെ സ്ഥാനാര്ഥിത്വത്തെ പറ്റി ഉചിതമായ സമയത്ത് പ്രതികരിക്കുമെന്നാണ് അബ്ദുള് കലാം പറഞ്ഞിരിക്കുന്നത്.
- ന്യൂസ് ഡെസ്ക്
അനുബന്ധ വാര്ത്തകള്
വായിക്കുക: ഇന്ത്യന് രാഷ്ട്രീയം, ഇന്ത്യന് രാഷ്ട്രീയ നേതാക്കള്
