ബംഗളൂരു: അഭ്യൂഹങ്ങള്ക്ക് വിരാമമിട്ട് കര്ണാടകത്തിലെ മാണ്ഡ്യ ലോക്സഭ മണ്ഡലത്തില് സ്വതന്ത്രസ്ഥാനാര്ത്ഥിയായി മത്സരിക്കുമെന്ന് അന്തരിച്ച കോണ്ഗ്രസ് എംപി എം.എച്ച്.അംബരീഷിന്റെ ഭാര്യ സുമലതയുടെ പ്രഖ്യാപനം. അംബരീഷിന്റെ പാരമ്പര്യം നിലനിര്ത്താനാണ് താന് ജനവിധി തേടുന്നതെന്നും അവര് പറഞ്ഞു. മാണ്ഡ്യയില് കോണ്ഗ്രസ് സീറ്റ് നിഷേധിച്ചതിനെത്തുടര്ന്നാണ് സ്വതന്ത്രയായി മത്സരിക്കാന് സുമലത തീരുമാനിച്ചത്.
“മാണ്ഡ്യയില് ഞാന് നേരില്ക്കണ്ട ജനങ്ങളെല്ലാം അംബരീഷില് അവര്ക്കുണ്ടായിരുന്ന വിശ്വാസത്തെക്കുറിച്ച് എന്നോട് പറഞ്ഞു. ആ വിശ്വാസം അവര്ക്ക് എന്നോടുമുണ്ട്. അദ്ദേഹത്തിന്റെ ഓര്മ്മയും പാരമ്പര്യവും നിലനിര്ത്താനാണ് എന്റെയീ പോരാട്ടം. എന്റെ തീരുമാനം ആരെയെങ്കിലും വേദനിപ്പിക്കുന്നുവെങ്കില് ഞാന് ക്ഷമ ചോദിക്കുന്നു.” സുമലത പറഞ്ഞു.
