 |
 |
 |
 |
 |
 |
 |
 |
 |
 |
 |
 |
 |
 |
സുപ്രീം കോടതി ചീഫ് ജസ്റ്റിസിനെതിരെ പ്രതിഷേധവുമായി മുതിർന്ന ജഡ്ജിമാർ രംഗത്തെത്തി. ചരിത്രത്തിൽ ആദ്യമായാണ് ഇത്തരമൊരു സംഭവം. കോടതി നടപടികൾ നിർത്തി വെച്ചാണ് സുപ്രീം കോടതി ജസ്റ്റിസുമാരായ ജസ്റ്റിസ് ജെ ചെലമേശ്വര്‍. ജസ്റ്റിസ് കുര്യന്‍ ജോസഫ്, ജസ്റ്റിസ് മദന്‍ ബി ലോകൂര്‍, ജസ്റ്റിസ് രഞ്ജന്‍ ഗൊഗോയ് എന്നിവർ രംഗത്ത് വന്നിരിക്കുന്നത്.
ചീഫ് ജസ്റ്റിസിനെ ഇംപീച്ച് ചെയ്യണമോ എന്ന കാര്യം രാജ്യം തീരുമാനിക്കട്ടെ എന്ന് ജഡ്ജിമാർ പറഞ്ഞു.
സംഭവവുമായി ബന്ധപ്പെട്ട് പ്രധാനമന്ത്രി നിയമമന്ത്രിയുമായി ചർച്ച് നടത്തി.
- ജെ.എസ്.
മുംബൈ : എടിഎം ഇടപാട് നിരക്ക് ബാങ്കുകൾ ഉയർത്തിയേക്കുമെന്ന് സൂചന. പരിപാലന ചെലവും ഇന്റർബാങ്ക് ഇടപാട് ചെലവും വർധിച്ചതിനെ തുടർന്നാണിത്. സേവന നിരക്ക് വർധിപ്പിക്കാൻ അനുവദിക്കണമെന്ന് ബാങ്കുകൾ ആർബിഐയോട് ആവശ്യപ്പെട്ടതായാണ് സൂചന.
പൊതുമേഖലയിലെയും സ്വകാര്യമേഖലയിലെയും ബാങ്കുകളുമായി ചർച്ച ചെയ്ത പേയ്മെന്റ് കോർപ്പറേഷൻ ഓഫ് ഇന്ത്യയാണ് നിരക്ക് വർധിപ്പിക്കണമെന്ന ആവശ്യവുമായി ആർബിഐയെ സമീപിച്ചത്. സ്വകാര്യബാങ്കുകളിൽ നിന്നാണ് ഈ ആവശ്യം ആദ്യമുയർന്നത്. അതേസമയം പൊതുമേഖല ബാങ്കുകൾ ഇതിനെതിരെ രംഗത്തെത്തിയിരിക്കുകയാണ്. ഇത് കനത്ത ബാധ്യത വരുത്തുമെന്നാണ് ഇവരുടെ വിലയിരുത്തൽ.
- അവ്നി
വായിക്കുക: ഇന്ത്യ, റിസർവ്വ്ബാങ്ക്
ന്യൂഡൽഹി : ടു ജി സ്പെക്ട്രം കേസിൽ എ.രാജ, കനിമൊഴി എന്നിവരുൾപ്പെട്ട എല്ലാ പ്രതികളെയും ദില്ലി സിബിഐ കോടതി വെറുതെ വിട്ടു. കേസിൽ സിബിഐ സമർപ്പിച്ച രണ്ടു കുറ്റപത്രവും കോടതി റദ്ദാക്കി. പ്രതികൾക്കെതിരെ തെളിവുകൾ നിരത്തുന്നതിന് പ്രോസിക്യൂഷൻ പരാജയപ്പെട്ടുവെന്ന് സിബിഐ കോടതി ജഡ്ജി ഒ.പി സൈനി വ്യക്തമാക്കി.
തിങ്ങി നിറഞ്ഞ പ്രത്യേക കോടതി മുറിയിൽ ഒറ്റവരിയിലൊതുക്കിയുള്ള വിധി പ്രസ്താവനയാണ് ഒ.പി സൈനി നടത്തിയത്. ചട്ടങ്ങൾ മറികടന്ന് 2008 ൽ 2 ജി സ്പെക്ട്രം ലൈസൻസുകൾ 2001 ലെ വിലക്ക് വിറ്റതിലൂടെ പൊതുഖജനാവിന് 1.76 ലക്ഷം രൂപയുടെ നഷ്ടമുണ്ടായി എന്നാണ് സി.എ.ജി കണ്ടെത്തിയത്. ആറു വർഷത്തോളം നീണ്ടു നിന്ന വിചാരണക്കൊടുവിൽ 2000 ത്തിലധികം പേജുള്ള വിധിയാണ് സിബിഐ കോടതി തയ്യാറാക്കിയത്.
- അവ്നി
വായിക്കുക: ഇന്ത്യന്‍ രാഷ്ട്രീയം, ഇന്ത്യന്‍ രാഷ്ട്രീയ നേതാക്കള്‍, കോടതി, വിവാദം
ന്യൂഡൽഹി : ബാങ്ക് അക്കൗണ്ടുകൾ ആധാറുമായി ബന്ധിപ്പിക്കേണ്ട അവസാന തീയ്യതി കേന്ദ്ര സർക്കാർ മാർച്ച് 31 വരെ നീട്ടി. നേരത്തെ ഇത് ഡിസംബർ 31 ആയിരുന്നു. നാളെ സുപ്രീം കോടതി ആധാറുമായി ബന്ധപ്പെട്ട ഹർജി പരിഗണിക്കുന്നുണ്ട്. ഇതിനു മുന്നോടിയായി ഇറങ്ങിയ വിഞ്ജാപനത്തിൽ നീട്ടിയ തീയ്യതി വ്യക്തമാക്കിയിരുന്നില്ല. ഇതിനു പിന്നാലെ ഇറക്കിയ പത്രക്കുറിപ്പിലാണ് അവസാന തീയ്യതി മാർച്ച് 31 ആണെന്ന് അറിയിച്ചിരിക്കുന്നത്.
കള്ളപ്പണം തടയുന്നതിന് കൊണ്ടുവന്ന നിയമത്തിന്റെ ഭാഗമായാണ് ആധാർ ലിങ്ക് ചെയ്യുന്നത് നിർബന്ധമാക്കിയത്.
- അവ്നി
വായിക്കുക: ഇന്ത്യ, കോടതി, സാമ്പത്തികം
അഹമ്മദാബാദ് : ഗുജറാത്ത് നിയമസഭയിലേക്കുള്ള ആദ്യഘട്ട വോട്ടെടുപ്പ് ആരംഭിച്ചു. തെക്കൻ ഗുജറാത്തിലേയും സൗരാഷ്ട്രയിലേയും 89 മണ്ഡലങ്ങളാണ് പോളിങ്ങ് ബൂത്തിലേക്ക് പോകുന്നത്. രാവിലെ എട്ടു മണി മുതൽ വൈകിട്ട് അഞ്ചു മണി വരേയാണ് പോളിങ്ങ്. പട്ടേൽ വോട്ടർമാർക്ക് സ്വാധീനം കൂടുതലുള്ള മണ്ഡലങ്ങൾ ഈ ഘട്ടത്തിലാണ്.
ആദ്യ ഘട്ടത്തിൽ മുഖ്യമന്ത്രി വിജയ് രൂപാനി, ഉപ മുഖ്യമന്ത്രി നിതിൻ പട്ടീൽ തുടങ്ങിയവർ മൽസരിക്കുന്നുണ്ട്. പരസ്യ പ്രചാരണം ഇന്നലെ വൈകിട്ട് സമാപിച്ചിരുന്നു. രണ്ടാം ഘട്ട വോട്ടെടുപ്പ് 14 നു നടക്കും.18 ന് ഗുജറാത്തിലെയും ഹിമാചൽ പ്രദേശിലെയും ഫലപ്രഖ്യാപനം ഒരുമിച്ച് നടത്തും.
- അവ്നി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
