ന്യൂഡല്ഹി : സൈനിക ശക്തിയും സാംസ്കാരിക വൈവിധ്യവും വിളിച്ചോതി രാജ്യം റിപ്പബ്ലിക് ദിനമാഘോഷിച്ചു. രാഷ്ട്രപതി പ്രണബ് മുഖര്ജി പതാക ഉയര്ത്തിയതോടെയാണ് ആഘോഷങ്ങള്ക്ക് തുടക്കമായത്. അബുദാബി കിരീടാവകാശി ഷെയിഖ് മുഹമ്മദ് ബിന് സായിദ് അല് നഹ്യാന് ചടങ്ങിലെ മുഖ്യാതിഥിയായി.
വിവിധ സംസ്ഥാനങ്ങളുടെ കലാരൂപങ്ങളുടെ കൂടെ കരസേനയും വ്യോമസേനയും നാവികസേനയും അണിനിരന്നു. യു.എ.ഇ സൈന്യത്തിന്റെ വ്യോമസേനാംഗങ്ങളും പരേഡില് പങ്കെടുത്തു.
