വൈപ്പിന്‍: സമ്പത്ത്‌ കസ്‌റ്റഡി മരണകേസ്‌ അന്വേവഷിച്ചിരുന്ന സിബിഐ സംഘത്തിന്റെ ചുമതലയുണ്ടായിരുന്ന അഡീഷണല്‍ എസ് പി പി. ജി. ഹരിദത്ത്‌ ജീവനൊടുക്കിയതിന് പിന്നാലെ മാതാവും മരണമടഞ്ഞു. മാതാവ്‌ നായരമ്പലം പടിഞ്ഞാറെകൂറ്റ്‌ പരേതനായ ഗോപാലന്റെ ഭാര്യ നിരുപമ(അമ്മിണി-83)യാണ്‌ മരിച്ചത്‌. വാര്‍ദ്ധക്യ സഹജമായ അസുഖത്തെ തുടര്‍ന്ന്‌ മാസങ്ങളായി ചികിത്സയിലായിരുന്ന ഇവര്‍ പുലര്‍ച്ചെ 2.40 നാണ്‌ മരണമടഞ്ഞത്‌. രോഗം കഴിഞ്ഞ രണ്ട്‌ മൂന്ന്‌ ദിവസങ്ങളായി മൂര്‍ഛിച്ചിരുന്നതിനാല്‍ മകന്‍ഹരിദത്തിന്റെ മരണം മാതാവ്‌ അറിഞ്ഞിരുന്നില്ലെന്ന്‌ ബന്ധുക്കള്‍ പറഞ്ഞു. ഇരുവരുടേയും മൃതദേഹങ്ങള്‍ ഒന്നിച്ച്‌ ഒരുസമയത്ത്‌ തറവാട്ട്‌ വീട്ടുവളപ്പില്‍ സംസ്‌കരിക്കാമാണ്‌ തീരുമാനിച്ചിരുന്നത്. ഹരിദത്തിന്റെ മൃതദേഹം എത്താന്‍ വൈകിയതിനെ തുടര്‍ന്ന്‌ അമ്മയുടെ മൃതദേഹം ഹരിദത്ത്‌ താമസിച്ചിരുന്ന തറവാട്‌ വീട്ടുവളപ്പില്‍ വൈകിട്ട്‌ മൂന്ന്‌ മണിയോടെ സംസ്‌കരിച്ചു.
- ന്യൂസ് ഡെസ്ക്
