കൊച്ചി: ശനിയാഴ്ച അന്തരിച്ച പ്രശസ്ത ചലച്ചിത്ര നടന് ജോസ് പ്രകാശിനു കലാകേരളത്തിന്റെ വിട. പൂര്ണ്ണ ഔദ്യോഗിക ബഹുമതികളോടെയാണ് അദ്ദേഹത്തിന്റെ മൃതദേഹം സംസ്കരിച്ചത്. എറണാകുളം സെന്റ് മേരീസ് ബസേലിക്കയില് നടന്ന ചടങ്ങില് ആയിരക്കണക്കിനു പേര് പങ്കെടുത്തു. രാവിലെ ടൌണ് ഹാളില് പൊതു ദര്ശനത്തിനു വച്ച മൃതദേഹത്തില് സാമൂഹിക-സാംസ്കാരിക-കലാ രംഗത്തെ നിരവധി പ്രമുഖര് അന്തിമോപചാരമര്പ്പിക്കുവാന് എത്തിയിരുന്നു. സംസ്ഥാന സര്ക്കാരിനെ പ്രതിനിധീകരിച്ച് സംസ്കാര ചടങ്ങില് മന്ത്രിമാരായ തിരുവഞ്ചൂര് രാധാകൃഷ്ണന്, വി. കെ. ഇബ്രാഹിം കുഞ്ഞ്, കെ. സി. ജോസഫ് എന്നിവര് പങ്കെടുത്തു.
- എസ്. കുമാര്
അനുബന്ധ വാര്ത്തകള്
വായിക്കുക: കേരള സാംസ്കാരിക വ്യക്തിത്വം, ചരമം
