തിരുവനന്തപുരം : തടി പിടിക്കാന് എത്തിയ കൊല്ലം നെടുമങ്കാവ് ശ്രീധര്മ്മ ശാസ്ത ക്ഷേത്രം വക മണികണ്ഠന് എന്ന ആന ഇടഞ്ഞു. കല്ലേലി നടുവത്തുമൂഴി റേഞ്ചിലെ തടി പിടിക്കുവാന് കൊണ്ടു വന്നതായിരുന്നു മണികണ്ഠനെ. ചൊവ്വാഴ്ച വൈകീട്ട് പാപ്പന്മാരോട് ഇടഞ്ഞ് അച്ഛന് കോവിലാറിന്റെ തീരത്ത് നിലയുറപ്പിച്ചു. അനുനയിപ്പിക്കുവാന് ചെന്ന പാപ്പന്മാരെ സമീപത്തേക്ക് അടുപ്പിച്ചില്ല. രാത്രി വൈകിയും പാപ്പാന്മാര് പരിശ്രമം തുടര്ന്നു.
പിറ്റേന്ന് പഴയ പാപ്പാന് എത്തി ആനയെ അനുനയിപ്പിച്ചെങ്കിലും ജനക്കൂട്ടത്തിന്റെ ആരവം കേട്ട് അവന് വീണ്ടും പിണങ്ങി. ആറു നീന്തി മറുകര എത്തിയ ആനയെ എലിഫെന്റ് സ്ക്വാഡ് എത്തി വടം കൊണ്ട് കുരുക്കിട്ട് പിടിച്ചു. പിന്നീട് സുരക്ഷിത സ്ഥാനത്ത് തളച്ചു.
- എസ്. കുമാര്
അനുബന്ധ വാര്ത്തകള്
വായിക്കുക: ആനക്കാര്യം
