ആലപ്പുഴ: സോളാര്‍ തട്ടിപ്പ് കേസില്‍ ഒന്നാം പ്രതിയായ ബിജു രാധാകൃഷ്ണനു വേണ്ടി കോടതിയില്‍ ഹാജരായത് ആലപ്പുഴ ഡി.സി.സി അംഗമായ ഗുല്‍‌സാര്‍. തൊഴിലിന്റെ ഭാഗമായാണ് താന്‍ കേസില്‍ ഹാജരായതെന്ന് അഡ്വ.ഗുല്‍‌സാര്‍ പറഞ്ഞു. സോളാര്‍ തട്ടിപ്പ് കേസില്‍ പ്രതിയായ ബിജു രാധാകൃഷ്ണന് മുഖ്യമന്ത്രി ശുപാര്‍ശക്കത്തുകള്‍ നല്‍ക്യെന്നും ഇത് സരിത വഴിയാണ് സംഘടിപ്പിച്ചതെന്നും ബിജുവിന്റെ മറ്റൊരു അഭിഭാഷകനായ ബി.എന്‍.ഹസ്കര്‍ വെളിപ്പെടുത്തിയിരുന്നു. ബിജുവിന്റെ അഭിഭാഷകന്‍ ബി.എന്‍ ഹസ്കര്‍ സി.പി.എം അനുഭാവിയാണെന്നും കേസിലെ കൂട്ടുപ്രതിയാണെന്നും നേരത്തെ ആഭ്യന്തര മന്ത്രി തിരുവഞ്ചൂര്‍ പറഞ്ഞിരുന്നു. എന്നാല്‍ ഇപ്പോള്‍ ബിജുവിനു വേണ്ടി കോടതിയില്‍ ഹാജരായത് കോണ്‍ഗ്രസ്സ് നേതാവ് കൂടിയായ അഡ്വ.ഗുല്‍‌സാര്‍ ആണ്. കോടതിയില്‍ ഹാജരാക്കിയ ബിജു രാധാകൃഷ്ണനെതിരെ ഡി.വൈ.എഫ്.ഐ പ്രവര്‍ത്തകര്‍ ഉള്‍പ്പെടെ കോടതി പരിസര്‍ത്ത് തടിച്ചു കൂടിയ ആളുകള്‍ മുദ്രാവാക്യം വിളിച്ചു.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: കേരള രാഷ്ട്രീയം, കോടതി, വിവാദം
