റോഡു മുറിച്ചു കടക്കുകയായിരുന്ന കാട്ടാന കൂട്ടത്തിന്റെ ഇടയില്‍ പെട്ട ബൈക്ക് യാത്രക്കാരനെ ആന ആക്രമിച്ചു. രവീന്ദ്രന്‍ നമ്പ്യര്‍ക്കാണ് ആനയുടെ ആക്രമണത്തില്‍ പരിക്കേറ്റത് . ഇദ്ദേഹത്തെ പെരിന്തല്‍ മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇദ്ദേഹത്തിന്റെ വയറില്‍ കുത്തേറ്റിട്ടുണ്ട്. കൂടാതെ റോഡില്‍ ഉരഞ്ഞ് ശരീരത്തിന്റെ പല ഭാഗങ്ങളിലും പരിക്കുകളുണ്ട്. വഴിക്കടവ് ഗൂഡല്ലൂര്‍ യാത്രക്കിടെ തേന്‍ പാറയ്ക്കു സമീപം വച്ച് കാട്ടാന കൂട്ടത്തിന്റെ ഇടയില്‍ പെട്ട രവീന്ദ്രന്‍ നമ്പ്യാര്‍ക്കു നേരെ ഒരാന ചീറിയടുക്കു കയായിരുന്നു. തുടര്‍ന്ന് ബൈക്ക് അടക്കം തുമ്പി കൊണ്ട് എടുത്ത് എറിഞ്ഞു പിന്നീട് കുത്തുകയായിരുന്നു.
രാവിലെ മുതല്‍ ഈ പ്രദേശത്ത് കാട്ടാന ക്കൂട്ടത്തിന്റെ സാന്നിധ്യം ഉണ്ടായിരുന്നു. ഇതിനിടയില്‍ ബൈക്കില്‍ അതു വഴി വാഹനങ്ങളില്‍ കടന്നു പോയ ചില യുവാക്കള്‍ ആനകളെ പ്രകോപിത രാക്കിയിരുന്നതായും പറയപ്പെടുന്നു.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: ആനക്കാര്യം
