പെരിന്തല്‍ മണ്ണ: പെരിന്തല്‍ മണ്ണയില്‍ കോടികള്‍ വില വരുന്ന ബ്രൌണ്‍ഷുഗര്‍ പോലീസ് പിടിച്ചെടുത്തു. ബ്രൌണ്‍ഷുഗര്‍ കടത്തുമായി ബന്ധപ്പെട്ട് പട്ടാമ്പി സ്വദേശികളായ ഉമ്മര്‍, ഷംസുദ്ദീൻ, കുഞ്ഞി മരയ്ക്കാര്‍ എന്നിവരെ അറസ്റ്റു ചെയ്തു. ഇവരെ കോടതിയില്‍ ഹാജരാക്കും. മലബാറില്‍ മയക്കു മരുന്നിന്റെ വ്യാപാരം നടത്തുന്ന ശൃംഖലയിലെ കണ്ണികളാണ് ഇവര്‍ എന്ന് കരുതുന്നു. രഹസ്യ വിവരത്തെ തുടര്‍ന്ന് പെരിന്തല്‍‌മണ്ണ ബൈപാസില്‍ ഡി. വൈ. എസ്. പി. യുടെ നേതൃത്വത്തില്‍ കാത്തു നിന്ന പോലീസ് സംഘമാണ് ഉമ്മര്‍ ഉള്‍പ്പെടുന്ന സംഘത്തെ പിടികൂടിയത്. മധ്യ പ്രദേശില്‍ നിന്നുമാണ് ബ്രൌണ്‍ ഷുഗര്‍ കൊണ്ടു വന്നതെന്ന് കരുതുന്നു.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: കുറ്റകൃത്യം, പോലീസ്
