മലപ്പുറം: കരിപ്പൂര് വിമാനത്താവളത്തില് ഇറങ്ങിയ യാത്രക്കാരന്റെ ബാഗില്നിന്ന് സിബ്ബ് കുത്തിത്തുറന്ന് സാധനങ്ങള് മോഷ്ടിച്ചു. . അബുദാബിയില് നിന്നും വന്ന ഇത്തിഹാദ് എയര്വെയ്സില് യാത്രചെയ്ത ചെമ്മലശ്ശേരി സ്വദേശി നെല്ലിശ്ശേരി ഷമീറിന്റെ ബാഗില്നിന്നാണ് മൊബൈല് ഫോണ്, വാച്ച്, കൂളിങ് ഗ്ളാസ് തുടങ്ങിയവ നഷ്ടപ്പെട്ടത്. ബാഗിന്റെ സിബും ലോക്കും തുറക്കാതെ പേനയുടെ മുന ഉപയോഗിച്ച് സിബ് അടര്ത്തി സാധനങ്ങള് മോഷ്ടിച്ചതായാണ് സംശയം. തിരക്ക്മൂലം ഏതാനും യാത്രക്കാരുടെ ഹാന്ഡ്ബാഗേജുകള് അടുത്ത ദിവസത്തെ ഫ്ലൈറ്റില് വിടാം എന്ന് പറഞ്ഞ് അധികൃതര് വാങ്ങുകയായിരുന്നു. വ്യാഴാഴ്ച ബാഗേജ് കരിപ്പൂരില് എത്തിയതായി വിവരം കിട്ടിയതനുസരിച്ച് ചെന്നതായിരുന്നു. വിമാനത്താവളത്തില് തന്നെ പരിശോധിച്ച് മുഴുവന് സാധനങ്ങളും ഉണ്ടെന്ന് ഉറപ്പ് വരുത്തി എങ്കിലും വീട്ടിലെത്തിയതിനു ശേഷമാണ് ബാഗിനുള്ളില് സാധനങ്ങളുടെ കാലിക്കൂടുകള് മാത്രമാണെന്ന് മനസ്സിലായത്. വിലപിടിപ്പുള്ള സാധനങ്ങള് എടുത്ത് പെട്ടികള് അടച്ച നിലയിലായിരുന്നു. എന്നാല് ബാഗ് കൈപ്പറ്റുന്ന സമയത്ത് പരാതിപ്പെടാത്തതിനാല് പിന്നീട് പരാതി നല്കാന് കഴിയില്ല. മൊബൈല് ഫോണ് നഷ്ടപ്പെട്ടതായി സൈബര്സെല്ലിന് പരാതി നല്കി. സമാന സംഭവങ്ങള് അടുത്തിടെ പലതവണ നടന്നിട്ടുണ്ട്.
-
അനുബന്ധ വാര്ത്തകള്
വായിക്കുക: തട്ടിപ്പ്, വിമാന സര്വീസ്
