തിരുവനന്തപുരം : തദ്ദേശ സ്വയം ഭരണ സ്ഥാപനങ്ങളി ലേക്കുള്ള പൊതു തെരഞ്ഞെടുപ്പിന് മുന്നോടിയായി 2025 സെപ്റ്റംബർ 29 മുതൽ വോട്ടര് പട്ടികയില് പേരു ചേര്ക്കാനും വോട്ടര് പട്ടിക പുതുക്കാനും അവസരം.
ഈ വര്ഷം ജനുവരി ഒന്നിനു മുന്പായി 18 വയസ്സു തികഞ്ഞവര്ക്ക് ഒക്ടോബര് 14 വരെ ഓണ് ലൈനായി അപേക്ഷ സമര്പ്പിക്കാം. അന്തിമ വോട്ടര് പട്ടിക ഒക്ടോബര് 25 ന് പ്രസിദ്ധീകരിക്കും.
കരട് വോട്ടര് പട്ടിക എല്ലാ തദ്ദേശ സ്ഥാപനങ്ങളിലും വില്ലേജ്, താലൂക്ക് ഓഫീസുകളിലും സംസ്ഥാന തെരഞ്ഞെടുപ്പ് കമ്മീഷന്റെ വെബ് സൈറ്റിലും പരിശോധനയ്ക്ക് ലഭിക്കും. ഉള്ക്കുറിപ്പുകള് തിരുത്തുന്നതിനും സ്ഥാന മാറ്റം വരുത്തുന്നതിനും പേര് ഒഴിവാക്കുന്നതിനും അപേക്ഷ സമര്പ്പിക്കാം.
പുതുതായി പേരു ചേര്ക്കുന്നതിനും (ഫാറം 4), ഉള്ക്കുറിപ്പുകള് തിരുത്തുന്നതിനും (ഫാറം 6), സ്ഥാന മാറ്റം വരുത്തുന്നതിനും (ഫാറം 7) സംസ്ഥാന തെരഞ്ഞെടുപ്പ് കമ്മീഷന്റെ വെബ് സൈറ്റില് ഓണ് ലൈനായി അപേക്ഷിക്കണം. ഹിയറിംഗിനുള്ള കമ്പ്യൂട്ടര് ജനറേറ്റഡ് നോട്ടീസ് ലഭിക്കും. നോട്ടീസില് പറഞ്ഞിട്ടുള്ള തീയതി യില് ആവശ്യമായ രേഖകള് സഹിതം ഹിയറിംഗിന് നേരിട്ട് ഹാജരാകണം.
വോട്ടര് പട്ടികയില് പേര് ഒഴിവാക്കുന്നത് സംബന്ധിച്ച ആക്ഷേപങ്ങള് (ഫാറം 5) ഓണ് ലൈനായി രജിസ്റ്റര് ചെയ്ത്, അതിന്റെ പ്രിന്റൗട്ടില് അപേക്ഷകനും ആ വാര്ഡിലെ ഒരു വോട്ടറും ഒപ്പിട്ട് നേരിട്ടോ തപാലി ലൂടെയോ ഇലക്ടറല് രജിസ്ട്രേഷന് ഓഫീസര്ക്ക് സമര്പ്പിക്കണം.
ഇലക്ടറല് രജിസ്ട്രേഷന് ഓഫീസര്ക്ക് നേരിട്ടു അപേക്ഷ സമര്പ്പിക്കാവുന്നതാണ്.
- pma
അനുബന്ധ വാര്ത്തകള്
വായിക്കുക: കേരള രാഷ്ട്രീയം, തിരഞ്ഞെടുപ്പ്, മനുഷ്യാവകാശം, സാമൂഹികം, സാമൂഹ്യ പ്രവര്ത്തനം
