ആലപ്പുഴ: മാരാരിക്കുളത്ത് പൂപ്പള്ളിക്കാവിനു സമീപത്തെ എസ്. എല്. പുരത്തുള്ള ആളില്ലാത്ത ലെവല് ക്രോസില് ട്രെയിന് കാറില് ഇടിച്ചതിനെ തുടര്ന്ന് വിദേശികളടക്കം നാലു പേര് മരിച്ചു. മാന്ഫ്രഡ് റുഡോള്ഫ്, ഭാര്യ കാതറിന് സൂസന്ന എന്നീ ജര്മ്മന് പൌരന്മാരും മാരാരിക്കുളത്തെ സ്വകാര്യ റിസോര്ട്ടിലെ ജോലിക്കാരി ഷാനിയും (22), മാരാരിക്കുളം സ്വദേശിയായ കാര് ഡ്രൈവര് സെബാസ്റ്റ്യനുമാണ് മരിച്ചത്.
രാവിലെ 10.30 ഓടെ ചെന്നൈ – ആലപ്പുഴ എക്സ്പ്രസ്സാണ് ലെവല് ക്രോസില് വച്ച് കാറിനെ ഇടിച്ച് തെറിപ്പിച്ചത്. ഇടിയുടെ ആഘാതത്തില് തെറിച്ചു പോയ കാറില് ഉണ്ടായിരുന്നവരില് മൂന്നു പേര് സംഭവ സ്ഥലത്തു വെച്ചു തന്നെ മരിച്ചു. ഷാനി പിന്നീട് ആസ്പത്രിയില് വെച്ച് മരിക്കുക യായിരുന്നു. ഇടിയുടെ ആഘാതത്തില് കാര് പൂര്ണമായും തകര്ന്നു.
റിസോര്ട്ടില് താമസിക്കു കയായിരുന്ന വിദേശികള് ആശുപത്രിയിലേക്ക് പോകുമ്പോള് ആണ് അപകടമുണ്ടായതെന്ന് പറയുന്നു. വിദേശികള്ക്കൊപ്പം അവരുടെ വളര്ത്തു മക്കള് റിസോര്ട്ടില് ഉണ്ടായിരുന്നെങ്കിലും അവരെ ഒപ്പം കൂട്ടിയിരുന്നില്ല. ഇവരുടെ മൃതശരീരം ആലപ്പുഴ ജനറല് ആശുപത്രിയില് സൂക്ഷിച്ചിരിക്കുന്നു. പോസ്റ്റു മോര്ട്ടത്തിനു ശേഷം സ്വദേശത്ത് എത്തിക്കുവാന് ഉള്ള നടപടികള് നടന്നു കൊണ്ടിരിക്കുന്നു.
-
അനുബന്ധ വാര്ത്തകള്
വായിക്കുക: അപകടം
