മുംബൈ : സോമാലിയൻ കടൽ കൊള്ളക്കാർ പിടിച്ചെടുത്ത എം. ടി. എൻറികൊ എന്ന കപ്പൽ വിട്ടയച്ചതോടെ ഇതിൽ തടവിൽ ആയിരുന്ന 7 ഇന്ത്യാക്കാർ അടക്കം 18 കപ്പൽ ജീവനക്കാർ മോചിതരായി. കഴിഞ്ഞ വർഷം ഡിസംബർ 27നായിരുന്നു കപ്പൽ കടൽ കൊള്ളക്കാർ പിടിച്ചെടുത്തത്. കപ്പൽ അടുത്ത സുരക്ഷിതമായ താവളത്തിലേക്ക് തിരിച്ചിട്ടുണ്ട് എന്ന് ഇന്ത്യയിലെ ഡയറക്ടർ ജനറൽ ഓഫ് ഷിപ്പിംഗ് അറിയിച്ചു. കപ്പൽ ജീവനക്കാരെ സ്വന്തം മാതൃ രാജ്യങ്ങളിലേക്ക് എത്തിക്കുമെന്നും അറിയിപ്പിൽ പറയുന്നു. യു. എ. ഇ. യിൽ നിന്നും കോസ്റ്റിൿ സോഡ കയറ്റി മദ്ധ്യധരണ്യാഴിയിലേക്ക് യാത്രയായതായിരുന്നു കപ്പൽ.
- ജെ.എസ്.
അനുബന്ധ വാര്ത്തകള്
വായിക്കുക: കുറ്റകൃത്യം, സോമാലിയ
