കോപ്പൻഹേഗൻ : ഡെന്മാർക്കിലെ മൃഗശാലയിൽ പുലിയുടെ കടിയേറ്റ് യുവാവ് കൊല്ലപ്പെട്ടു. അഫ്ഗാൻ സ്വദേശിയായ 21 കാരൻ എന്തിനാണ് പുലി മടയിൽ കയറിയത് എന്ന് ഇനിയും വ്യക്തമായിട്ടില്ല. ഇയാളുടെ കഴുത്തിനും നെഞ്ചത്തും കടിയേറ്റ നിലയിൽ രാവിലെ മൃഗശാലാ സൂക്ഷിപ്പുകാരാണ് ജഡം കണ്ടെത്തിയത്. ഇയാളുടെ ചുറ്റും മൂന്ന് പുലികൾ ഉണ്ടായിരുന്നു.
അഫ്ഗാൻ വംശജനായ ഇയാൾക്ക് കഴിഞ്ഞ മാസമാണ് ഡെന്മാർക്ക് പൌരത്വം ലഭിച്ചത്. ഇയാൾ പുലി മടയിൽ കയറിയത് ആത്മഹത്യ ചെയ്യാനുള്ള ഉദ്ദേശത്തോടെയാവാം എന്ന് പോലീസ് കരുതുന്നു. മൃതശരീരം ബന്ധുക്കൾ തിരിച്ചറിഞ്ഞിട്ടുണ്ട്.
- ജെ.എസ്.
