ഫ്ലോറിഡ : പ്രശസ്ത ഗോള്‍ഫ് താരം ടൈഗര്‍ വുഡ്സ് വിവാഹ മോചിതനായി. പരസ്പര സമ്മതത്തോടെ ഫ്ലോറിഡയിലെ കോടതി മുഖേനയാണ് വിവാഹ മോചനം നടത്തിയത്. കരാര്‍ പ്രകാരം വുഡ്സ് ഭാര്യ എലീനും മക്കള്‍ക്കും നൂറ് മില്യന്‍ അമേരിക്കന്‍ ഡോളര്‍ നഷ്ട പരിഹാരം നല്‍കണം. 2004-ല്‍ ആണ് ഇവര്‍ വിവാഹിതരായത്. വുഡ്സിനു പല സ്ത്രീകളുമായി ലൈംഗിക ബന്ധം ഉണ്ടെന്ന വെളിപ്പെടു ത്തലുകളെയും വാര്‍ത്തകളേയും തുടര്‍ന്നാണ് ഭാര്യ എലിന്‍ നോര്‍ഡെ ഗ്രീനുമായുള്ള വിവാഹ ബന്ധത്തില്‍ വിള്ളല്‍ ഉണ്ടായത്. നിരവധി സ്ത്രീകള്‍ തങ്ങള്‍ക്ക് വുഡ്സുമായുള്ള ബന്ധത്തെ പറ്റി അടുത്ത കാലത്ത് വെളിപ്പെടുത്തിയിരുന്നു. ഇതു സംബന്ധിച്ച് ഭാര്യയോട് വുഡ്സ് മാപ്പു പറഞ്ഞി രുന്നെങ്കിലും ബന്ധം വേര്‍പ്പെടുത്തുവാന്‍ അവര്‍ തീരുമാനി ക്കുകയായിരുന്നു.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: relationships, കായികം
