നാസൊ : ബഹാമാസ് ദ്വീപുകളിൽ ആഞ്ഞടിക്കുന്ന സാൻഡി ചുഴലിക്കാറ്റിന്റെ ആക്രമണത്തിൽ 21 പേർ കൊല്ലപ്പെട്ടു. ഒരാഴ്ച്ചയ്ക്കകം ചുഴലിക്കാറ്റിന്റെ സ്വരൂപത്തിൽ കാര്യമായ പരിണാമം വരും എന്നാണ് കാലാവസ്ഥാ നിരീക്ഷകരുടെ വിലയിരുത്തൽ. ഉത്തര ധ്രുവ കാറ്റിനൊപ്പം ചേരുന്ന പക്ഷം സാൻഡിയുടെ സംഹാര ശേഷി പതിന്മടങ്ങാവും. ഇത് അമേരിക്കയുടെ കിഴക്കൻ തീരങ്ങളിൽ വൻ നാശ നഷ്ടം വരുത്തി വെയ്ക്കും എന്നാണ് പ്രവചനം. ഇന്നലെ വൈകുന്നേരത്തോടെ ഒരൽപ്പം ശക്തി ക്ഷയിച്ച സാൻഡി ജന സാന്ദ്രത കുറഞ്ഞ തെക്കു കിഴക്കൻ ദ്വീപുകളിൽ നാശം വിതച്ചു കടന്നു പോയി. സാൻഡി മൂലം ഉണ്ടായ പേമാരിയിലും കൊടുങ്കാറ്റിലും 21 പേരാണ് കൊല്ലപ്പെട്ടത്.
- ജെ.എസ്.
