മാഡിസന്‍ സ്ക്വയര്‍: മോഹന്‍ലാ‍ല്‍ പ്രധാനമന്ത്രി നരേന്ദ്രമോദിയെ വീണ്ടും കുഴപ്പത്തിലാക്കി. നേരത്തെ അത് ഇന്ത്യയില്‍ വച്ചായിരുന്നെങ്കില്‍ ഇത്തവണ അത് അമേരിക്കയില്‍ വച്ചാണെന്ന് മാത്രം. മാഡിസന്‍ സ്ക്വയറിലെ ചരിത്രം കുറിച്ച പ്രസംഗത്തിനിടെ മഹാത്മാ ഗാന്ധിയെ പറ്റി പറയുമ്പോള്‍ മോഹന്‍ ദാസ് കരം ചന്ദ് ഗാന്ധിയെന്ന് പറയുന്നതിനു പകരം മോഹന്‍ ലാല്‍ കരം ചന്ദ് ഗാന്ധിയെന്ന് പറഞ്ഞത്. നേരത്തെ 2013 നവംബറില്‍ ജയ്പൂരിലെ ഒരു തിരഞ്ഞെടുപ്പ് യോഗത്തില്‍ പ്രസംഗിക്കുമ്പോളും ഇതു പോലെ മോഹന്‍ ലാല്‍ കരം ചന്ദ് ഗാന്ധിയെന്ന് മോദിക്ക് നാക്ക് പിഴ സംഭവിച്ചിരുന്നു.
മാഡിസന്‍ സ്ക്വയര്‍ പ്രസംഗത്തിനിടെ ഗാന്ധിജി നമുക്ക് സ്വാന്ത്ര്യം നേടിത്തന്നു എന്നാല്‍ നമ്മള്‍ അദ്ദേഹത്തിനു എന്തു കൊടുത്തു എന്ന് ചോദിച്ച മോദിക്ക് നാക്ക് പിഴച്ചു.
മോദിയുടെ നാക്ക് പിഴയെ കോണ്‍ഗ്രസ്സ് നേതാക്കള്‍ പരിഹസിച്ചു. പ്രധാനമന്ത്രി രാഷ്ട്രപിതാവിന്റെ പേരുതെറ്റിച്ചു പറഞ്ഞതിനെ പരിഹസിച്ച് സൊഷ്യല്‍ മീഡിയയിലും നിരവധി പോസ്റ്റുകള്‍ പ്രത്യക്ഷപ്പെട്ടിട്ടുണ്ട്.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: അമേരിക്ക
