 |
 |
 |
 |
 |
 |
 |
 |
 |
 |
 |
 |
 |
 |
ലണ്ടനിലെ സൗത്ത് ബാങ്ക് സെന്ററിലുള്ള റോയൽ ഫെസ്റ്റിവൽ ഹാളിൽ സെപ്റ്റംബർ 17 ന് നടക്കാനിരിക്കുന്ന ദർബാർ ഫെസ്റ്റിവലിൽ പങ്കെടുക്കാനായി ബ്രിട്ടീഷ് വിസക്ക് അപേക്ഷിച്ച സരോദ് മാന്ത്രികനും പ്രശസ്ത സംഗീതജ്ഞനുമായ ഉസ്താദ് അംജദ് അലി ഖാന് ബ്രിട്ടൺ വിസ നിഷേധിച്ചു.
പലതവണ ബ്രിട്ടണിൽ സംഗീത പരിപാടി അവതരിപ്പിച്ച തനിക്ക് ഇത് ആദ്യത്തെ അനുഭവമാണെന്ന് അംജദ് അലി ഖാൻ ട്വിറ്ററിൽ കുറിച്ചു. വിസ റദ്ദാക്കിയതിനുള്ള കാരണം ഇത് വരെ വ്യക്തമാക്കിയിട്ടില്ല. ഡൽഹിയിലെ ബ്രിട്ടീഷ് ഹൈ കമ്മീഷനാണ് വിസ അപേക്ഷ നിരസിച്ചത്.
- അവ്നി
വായിക്കുക: തീവ്രവാദം, ബ്രിട്ടന്‍, മനുഷ്യാവകാശം, സംഗീതം
ബ്രസീൽ: സാംബ നൃത്തത്തിന്റെ താളക്കൊഴുപ്പോടെ 31-ആം ഒളിമ്പിക്സിന് റിയോയിൽ തുടക്കം. ഏറെ കാലിക പ്രസക്തിയുള്ള ആഗോള താപനം എന്ന വിഷയമാണ് ഉദ്ഘാടന വേദിയിൽ അരങ്ങേറിയത്. ബ്രസീലിന് ഫുട്ബോളിനോടുള്ള പ്രണയം മറ്റൊരു വിഷയമായി ഒളിമ്പിക്സ് വേദിയിൽ അവതരിക്കപ്പെട്ടു. പെലെയുടെ അസാന്നിധ്യം ശ്രദ്ധേയമായെങ്കിലും 209 രാജ്യങ്ങളിലെ 11000 കായിക താരങ്ങളെ സാക്ഷി നിർത്തി പ്രസിഡെന്റിന്റെ താൽകാലിക ചുമതലയുള്ള മൈക്കിൾ ടെമർ ഒളിമ്പിക്സിന്റെ ഔപചാരിക ഉദ്ഘാടനം നിർവ്വഹിച്ചു.
ഇന്ത്യയിൽ നിന്നുള്ള 118 കായിക താരങ്ങളിൽ 70 പേർ മാർച്ച് പാസ്റ്റിൽ പങ്കെടുത്തു. അയർലാൻഡുമായി കളി ഉള്ളതിനാൽ ഇന്ത്യൻ ഹോക്കി താരങ്ങൾക്ക് ഉദ്ഘാടന ചടങ്ങുകളിൽ പങ്കെടുക്കാൻ കഴിഞ്ഞില്ല.
- അവ്നി
വായിക്കുക: കായികം
പാരീസ്: ചരിത്രം കുറിച്ചു കൊണ്ട് ഇന്ത്യ അടക്കം 175 രാജ്യങ്ങൾ പാരീസ് കാലാവസ്ഥാ ഉടമ്പടിയിൽ വെള്ളിയാഴ്ച്ച ഒപ്പു വെച്ചു. ആഗോള താപന തോത് വർദ്ധനവ് നേരിടാനായി അടിയന്തിര തുടർ നടപടികൾ ആവശ്യമാണ് എന്ന് ലോക നേതാക്കൾ ഒന്നടങ്കം തദവസരത്തിൽ അഭിപ്രായപ്പെട്ടു.
റിക്കോർഡ് നിലവാരത്തിൽ ഉയരുന്ന ഭൂ താപനിലയും, കടൽ നിരപ്പിന്റെ വർദ്ധനവും ധ്രുവ മഞ്ഞു മലകൾ ഉരുകുന്നതും എല്ലാം ലോക രാഷ്ട്രങ്ങളുടെ മേൽ വൻ സമ്മർദ്ദമാണ് ഈ ഉടമ്പടി ഒപ്പിടുവാൻ വരുത്തി വെച്ചത്.
സമയത്തിനെതിരെ ഉള്ള ഒരു മൽസരത്തിലാണ് ഇപ്പോൾ ഭൂമി എന്നും അനന്തരഫലങ്ങൾ ഇല്ലാത്ത ഉപഭോഗത്തിന്റെ കാലം കഴിഞ്ഞു എന്നും സമ്മേളനം ഉദ്ഘാടനം ചെയ്തു കൊണ്ട് ഐക്യ രാഷ്ട്ര സഭാ സെക്രട്ടറി ജനറൽ ബാൻ കി മൂൺ പറഞ്ഞു.
- ജെ.എസ്.
മ്യാന്മർ: ഭരണഘടനാ ഭേദഗതിയിലൂടെ മ്യാന്മറിൽ ജനാധിപത്യം പുനഃസ്ഥാപിക്കാൻ ആവശ്യമായ ശ്രമങ്ങൾ നടത്തും എന്ന് മ്യാന്മർ സ്റ്റേറ്റ് കൗൺസിലർ ഔങ് സൻ സൂ ചി പ്രസ്താവിച്ചു. ബുദ്ധ മത പുതു വർഷ സന്ദേശം ദേശീയ ടെലിവിഷനിലൂടെ നൽകവെയാണ് സൂ ചി ഈ പ്രസ്താവന നടത്തിയത്. ഒരു ശരിയായ ജനാധിപത്യ ഭരണത്തിന് ഭരണഘടനാ ഭേദഗതി ആവശ്യമാണ് എന്ന് നൊബേൽ സമ്മാന ജേതാവ് കൂടിയായ സൂ ചി പറഞ്ഞു.
2015ലെ തിരഞ്ഞെടുപ്പിൽ സൂ ചി യുടെ കക്ഷി ചരിത്ര വിജയം നേടിയെങ്കിലും ഭരണ ഘടനയിലെ ഒരു സാങ്കേതിക തടസ്സം മൂലം അവർക്ക് പ്രസിഡണ്ട് സ്ഥാനം ലഭിച്ചില്ല. ഇത് മൂലം പുതുതായി ക്രമപ്പെടുത്തിയ പ്രധാനമന്ത്രി പദത്തിന് തുല്യമായ സ്റ്റേറ്റ് കൗൺസിലർ എന്ന സ്ഥാനമാണ് സൂ ചി ഇപ്പോൾ വഹിക്കുന്നത്.
- ജെ.എസ്.
വായിക്കുക: മനുഷ്യാവകാശം, മ്യാന്‍മാര്‍, സ്ത്രീ
ജപ്പാനിലെ കുമാമോട്ടോയിൽ നടന്ന ഇരട്ട ഭൂകമ്പത്തിൽ 29 പേർ കൊല്ലപ്പെട്ടു. വ്യാഴാഴ്ച്ച നടന്ന ആദ്യ ഭൂകമ്പത്തിൽ 19 പേരും ശനിയാഴ്ച്ച നടന്ന രണ്ടാം ഭൂകമ്പത്തിൽ 10 പേരുമാണ് കൊല്ലപ്പെട്ടത്. റിക്ടർ സ്കെയിലിൽ 7.3 രേഖപ്പെടുത്തിയ ശനിയാഴ്ച്ചത്തെ ഭൂകമ്പത്തിൽ തകർന്ന വീടുകൾക്കുള്ളിൽ ഇനിയും ഏറെ പേർ കുടുങ്ങി കിടക്കുന്നതായാണ് സൂചന. മരണപ്പെട്ടവരുടെ കൃത്യമായ കണക്കുകൾ ഇനിയും ലഭ്യമല്ല. രണ്ടു ലക്ഷത്തോളം വീടുകളിൽ വൈദ്യുതി വിച്ഛേദിക്കപ്പെട്ടിരിക്കുകയാണ് എന്ന് റിപ്പോർട്ടുകളുണ്ട്. വൻ നാശ നഷ്ടങ്ങൾ സംഭവിച്ചതായി പ്രധാന മന്ത്രി ഷിൻസോ അബെ പറഞ്ഞു. ക്യുഷുവിലെ സെൻഡായി ആണവ നിലയത്തിന് ഭൂകമ്പത്തെ തുടർന്ന് തകരാറ് സംഭവിച്ചിട്ടില്ല എന്ന് ആണവ നിയന്ത്രണ അതോറിറ്റി അറിയിച്ചു.
- ജെ.എസ്.
ലണ്ടൻ : അന്യായ മായി തന്നെ തടങ്കലിൽ വെക്കു ന്നതിന് എതിരെ ‘വിക്കി ലീക്ക്‌സ്’ സ്ഥാപകൻ ജൂലിയൻ അസാഞ്ച് നല്കിയ പരാതി യിൽ അസാഞ്ചിന് അനു കൂല മായി യു. എൻ. സമിതി യുടെ വിധി.
2010 ലാണ് സ്വീഡനിലെ ലൈംഗിക ആരോപണ വുമായി ബന്ധ പ്പെട്ട് അസാഞ്ചിന് എതിരെ ബ്രിട്ടീഷ് സുപ്രീം കോടതി അറസ്റ്റ് വാറന്‍റ് പുറ പ്പെടു വിക്കുന്നത്. അന്നു മുതൽ അസാഞ്ച് ബ്രിട്ടനിലെ ഇക്വഡോർ സ്ഥാന പതി കാര്യാലയ ത്തിൽ രാഷ്ട്രീയ അഭയം തേടി യിരിക്കുക യായിരുന്നു.
കേസ് കെട്ടിച്ച മച്ച താണ് എന്ന് ജൂലിയൻ അസാഞ്ച് നേരത്തേ പറഞ്ഞിരുന്നു. അറസ്റ്റ് വാറണ്ടി ലൂടെ തന്നെ അന്യായ മായി തടങ്കലിൽ വെച്ചിരി ക്കുക യാണ് എന്നായി രുന്നു അസാഞ്ചിന്റെ വാദം. യു. എൻ. സമിതി ഇന്ന് ഈ വാദം അംഗീ കരി ക്കുക യായിരുന്നു.
അമേരിക്ക യുടെ യുദ്ധ ക്കുറ്റ ങ്ങളു ടെയും അന്താ രാഷ്ട്ര തല ത്തിലെ ചാര വൃത്തി കളുടെയും രേഖ കളും വീഡി യോ കളും ചോർത്തി വിക്കി ലീക്ക്‌സ് പുറത്തു വിട്ടി രുന്നു. യു. എസ്. സർക്കാരിന്റെ രഹസ്യാ ന്വേഷണ രേഖ കൾ വീക്കി ലീക്സ് പുറത്തു വിട്ടതു മുതൽ അമേരിക്ക യുടെ നോട്ട പ്പുള്ളി യാണ് അസാഞ്ച്.
- pma
വായിക്കുക: അമേരിക്ക, ഇന്റര്‍നെറ്റ്‌, കുറ്റകൃത്യം, പ്രതിഷേധം, മനുഷ്യാവകാശം
വാഷിംടണ്‍ : ഇന്ത്യ – അമേരിക്ക ആണവ പദ്ധതി 2016 ല്‍ യാഥാര്‍ത്ഥ്യം ആകും എന്ന് ഇന്ത്യ യിലെ അമേരിക്കന്‍ നയതന്ത്ര പ്രതിനിധി റിച്ചാര്‍ഡ് വര്‍മ്മ.
ത്വരിത ഗതി യില്‍ ഇതിന്റെ ചര്‍ച്ചകള്‍ നടക്കു കയാണ്. എന്‍. പി. സി. ഐ. എല്‍, ആണ വോര്‍ജ്ജ വകുപ്പ്, പ്രധാന മന്ത്രിയുടെ ഓഫീസ് എന്നിവ യുമായി ചര്‍ച്ച കള്‍ നടക്കു ന്നുണ്ട്. എന്നാല്‍ അണവ ബാദ്ധ്യതാ ബില്ലില്‍ പൂര്‍ണ്ണ മായ ധാരണ കൈ വരിച്ചിട്ടില്ലാ എന്നും വര്‍മ്മ വ്യക്ത മാക്കി.
സമയ ത്തിന്റെ അടിസ്ഥാന ത്തില്‍ ആണ വോര്‍ജ്ജ പദ്ധതി വേഗ ത്തില്‍ അല്ല. കാരണം റിയാക്ടറു കളുടെ നിര്‍മ്മാണം അത്ര യേറെ സങ്കീര്‍ണ്ണ മാണ്. അതൊരു നീക്കു പോക്കല്ല യാഥാര്‍ത്ഥ്യ മാണ് എന്നും വര്‍മ്മ പറഞ്ഞു.
- pma
ബെയ്ജിംഗ്: പാരീസ് ആക്രമണത്തിന്റെ പശ്ചാത്തലത്തിൽ ഭീകരതക്ക് എതിരെ ഒരു സംയുക്ത മുന്നണി വേണം എന്ന് റഷ്യയും ചൈനയും ആവശ്യപ്പെട്ടു. ജി-20 ഉച്ചകോടിക്ക് അനുബന്ധമായി നടക്കുന്ന ബ്രിക്സ് (ബ്രസീൽ – റഷ്യ – ഇന്ത്യ – ചൈന – ദക്ഷിണാഫ്രിക്ക) രാഷ്ട്ര തലവന്മാരുടെ സമ്മേളനത്തിലാണ് ഈ ആവശ്യം ഉയർന്നു വന്നത്.
എന്നാൽ ഇത്തരമൊരു മുന്നണി ഭീകരതയുടെ അടിസ്ഥാന കാരണങ്ങൾക്ക് ഊന്നൽ നൽകി കൊണ്ട് നിലകൊള്ളണം എന്നും ഇരട്ടത്താപ്പ് നയങ്ങൾ സ്വീകരിക്കാതിരിക്കാൻ ശ്രദ്ധിക്കണം എന്നും ചൈനീസ് പ്രസിഡണ്ട് ഓർമ്മിപ്പിച്ചു.
- ജെ.എസ്.
ന്യൂഡൽഹി: കേരള തീരത്ത് വെച്ച് മൽസ്യ ബന്ധന തൊഴിലാളികളെ വെടി വെച്ചു കൊന്ന കേസിൽ ഇറ്റലിക്കാരായ മറീനുകൾക്കെതിരെ ഇന്ത്യയുടെ നിയമ നടപ്ടി ചോദ്യം ചെയ്ത് ഇറ്റലി അന്താരാഷ്ട്ര ട്രൈബൂണലിനെ സമീപിച്ച സാഹചര്യത്തിൽ ഇന്ത്യ രണ്ട് വിദേശ അഭിഭാഷകരെ ഇന്ത്യക്ക് വേണ്ടി ഹാജരാവാൻ ഏർപ്പെടുത്തി.
കുറ്റകൃത്യം ഇന്ത്യൻ സമുദ്രാതിർത്തിയിൽ വെച്ച് നടന്നതിനാൽ നിയമനടപടിയിൽ ഇടപെടാൻ അന്താരാഷ്ട്ര ട്രൈബൂണലിന് ആവില്ല എന്നാണ് ഇന്ത്യയുടെ പക്ഷം.
അനേകം അന്താരാഷ്ട്ര നിയമപ്രശ്നങ്ങളിൽ സജീവമായി ഇടപെടുകയും അനേകം വർഷങ്ങളുടെ അനുഭവ സമ്പത്തും ഉള്ള അലൻ പെല്ലെറ്റ്, ആർ. ബണ്ടി എന്നീ വിദേശ അഭിഭാഷകരാണ് ട്രൈബൂണലിന് മുന്നിൽ ഇന്ത്യക്ക് വേണ്ടി ഹാജരാവുക.
2012 ഫെബ്രുവരി 15നാണ് എൻ റിക്കാ ലെക്സി എന്ന ഇറ്റാലിയൻ കപ്പലിൽ ഉണ്ടായിരുന്ന രണ്ട് സൈനികർ ഇന്ത്യൻ മൽസ്യ ബന്ധന തൊഴിലാളികളെ വെടി വെച്ചു കൊന്നത്.
- ജെ.എസ്.
വായിക്കുക: ഇറ്റലി, കുറ്റകൃത്യം, കോടതി
കാഠ്മണ്ഡു: നേപ്പാളിൽ ഇന്നലെ ഉണ്ടായ ഭൂചലനത്തിൽ 1800 ലേറെ പേർ കൊല്ലപ്പെട്ടു. റിക്ടർ സ്കെയിലിൽ 7.8 രേഖപ്പെടുത്തിയ ഭൂചലനം വൻ നാശ നഷ്ടങ്ങളാണ് വരുത്തി വെച്ചത്. വീടുകൾ, കെട്ടിടങ്ങൾ, നൂറ്റാണ്ടുകൾ പഴക്കമുള്ള ആരാധനാലയങ്ങൾ എന്നിവ തകർന്നു നിലംപരിശായി.
ഭൂചലനത്തെ തുടർന്ന് എവറെസ്റ്റ് കൊടുമുടിയിൽ മഞ്ഞിടിച്ചിൽ ഉണ്ടായതിൽ ഒട്ടേറെ ടൂറിസ്റ്റുകളും പർവ്വതാരോഹകരും കുടുങ്ങി പോയി. 18 പേരെങ്കിലും ഇവിടെ മരിച്ചതായി സൂചനയുണ്ട്. അനേകം പേർ പർവ്വത ശിഖരങ്ങളിൽ മഞ്ഞിനടിയിലും മറ്റും പെട്ട് കുടുങ്ങി കിടക്കുകയും ചെയ്യുന്നു. ഇവരെ രക്ഷിക്കാനുള്ള ശ്രമങ്ങൾ ഏറെ ദുഷ്ക്കരമാണ്.
ഇന്ത്യാ ചൈന അതിർത്തി രാജ്യമായ നേപ്പാളിൽ കഴിഞ്ഞ 80 വർഷത്തിനിടയിൽ ഉണ്ടായിട്ടുള്ള ഏറ്റവും ഭീകരമായ ഭൂചലനമാണ് ഇത്തവണത്തേത്.
- ജെ.എസ്.
വാര്‍ത്തകള്‍ കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
