സൗദിയില്‍ ഇനി സ്‌ത്രീകള്‍ക്ക്‌ വോട്ടവകാശം

September 27th, 2011

saudi-king-epathram

റിയാദ്‌: സൗദി അറേബ്യയില്‍ മുനിസിപ്പല്‍ തെരഞ്ഞെടുപ്പില്‍ സ്‌ത്രീകള്‍ക്ക്‌ വോട്ട്‌ ചെയ്യാന്‍ രാജാവ്‌ അബ്‌ദുള്ള അനുമതി നല്‍കും. ഇതോടെ സ്‌ത്രീകള്‍ക്ക്‌ തെരഞ്ഞെടുപ്പില്‍ മത്സരിക്കാനും അവസരമൊരുങ്ങും. ഷൂറാ കൗണ്‍സിലില്‍ ചേരാനും സ്ത്രീകള്‍ക്ക് അനുമതിയുണ്ടായിരിക്കും. അടുത്ത ഘട്ടത്തില്‍ നടക്കുന്ന മുനിസിപ്പല്‍ തെരഞ്ഞെടുപ്പുകളിലാണ് സ്ത്രീകള്‍ക്ക് വോട്ടവകാശവും മത്സര സ്വാതന്ത്രവും നല്‍കുക. നാമനിര്‍ദ്ദേശ പത്രികാ സമര്‍പ്പണം പൂര്‍ത്തിയായ വ്യാഴാഴ്ച നടക്കുന്ന മുനിസിപ്പില്‍ തെരഞ്ഞെടുപ്പില്‍ പുരുഷന്‍മാര്‍ മാത്രമേ മത്സരിക്കൂ. 2015ലെ മുനിസിപ്പല്‍ തെരഞ്ഞെടുപ്പു മുതല്‍ സ്ത്രീകള്‍ക്കു വോട്ടുചെയ്യാന്‍ അവസരമുണ്ടാവും. രാജ്യത്തിന്‍റെ ചരിത്രത്തില്‍ ഇതാദ്യമായാണ് സ്ത്രീകള്‍ക്കു ഭരണകാര്യങ്ങളില്‍ പ്രാതിനിധ്യം നല്‍കുന്നത്. സാമൂഹിക ജീവിതത്തില്‍ സ്ത്രീകളുടെ പ്രാധാന്യം മനസിലാക്കിയാണു തീരുമാനമെന്നു രാജാവ് പറഞ്ഞു.

- ജെ.എസ്.

വായിക്കുക: ,

അഭിപ്രായം എഴുതുക »

ദുബായില്‍ പ്ലാസ്റ്റിക്‌, കീടനാശിനി ഉപയോഗങ്ങള്‍ക്ക് നിയന്ത്രണം

September 18th, 2011

RASHID-BIN-FAHAD-epathram

ദുബായി: കീടനാശിനികളുടെ അനധികൃത ഉപയോഗം നിയന്ത്രിക്കുമെന്നു പരിസ്ഥിതി ജല മന്ത്രി ഡോ. റാഷിദ് അഹമ്മദ് ബിന്‍ ഫഹദ്‌. കാര്‍ഷിക ആവശ്യങ്ങള്‍ക്കും വീടുകളില്‍ പ്രാണി ശല്യം ഇല്ലാതാക്കുന്നതിനും കീടനാശിനികള്‍ ഉപയോഗിക്കുന്നതിനു കര്‍ശന നിയന്ത്രണം ഏര്‍പ്പെടുത്തും. ഇതോടൊപ്പം എമിറേറ്റില്‍ പ്ലാസ്റ്റിക്‌ സഞ്ചികളുടെ ഉപയോഗം നിയന്ത്രിക്കാനുള്ള നടപടികളും ശക്തമാക്കുമെന്ന് അദ്ധേഹം പറഞ്ഞു. ഈ വിഷയത്തില്‍ ജനങ്ങളെ ബോധവല്‍ക്കരിക്കുന്നതിന് മാധ്യമങ്ങളുടെ പങ്കു വലുതാണ്‌. ദുബായിലെ പരിസ്ഥിതി സംരക്ഷണ പ്രവര്‍ത്തനങ്ങള്‍ക്ക് പ്ലാസ്റ്റിക്‌ ഉപയോഗം ഒരു തടസ്സമാണ്. പ്ലാസ്റ്റിക് ക്യാരി ബാഗുകളുടെ ഉപയോഗം പരമാവധി കുറയ്ക്കുവാന്‍ അദ്ധേഹം ജനങ്ങളെ ആഹ്വാനം ചെയ്തു. പരിസ്ഥിതി സംരക്ഷണ പ്രവര്‍ത്തനങ്ങള്‍ക്കായി യു.എ.ഇ. ഏര്‍പ്പെടുത്തിയിരിക്കുന്ന 10 ലക്ഷം ദിര്‍ഹത്തിന്റെ എമിരേറ്റ്സ് പരിസ്ഥിതി സംരക്ഷണ പ്രോത്സാഹന അവാര്‍ഡ്‌ പ്രഖ്യാപന വേളയിലാണ് മന്ത്രി ഇക്കാര്യം വെളിപ്പെടുത്തിയത്

- ജെ.എസ്.

വായിക്കുക: , ,

അഭിപ്രായം എഴുതുക »

കെ.എം.സി.സി ഹാളില്‍ ഇഫ്താര്‍ സംഗമം

August 29th, 2011

shj kmcc iftar-epathram

ഷാര്‍ജ : കെ.എം.സി.സി ഷാര്‍ജ കോഴിക്കോട്‌ ജില്ലാ കമ്മിറ്റി കെ.എം.സി.സി ഹാളില്‍ ഇഫ്താര്‍ സംഗമം സംഘടിപ്പിച്ചു. സംഗമത്തോടനുബന്ധിച്ച് നടന്ന ചടങ്ങില്‍ ആക്ടിംഗ് പ്രസിഡന്റ്‌ ടി.ഹാഷിം അദ്ധ്യക്ഷത വഹിച്ചു. ശുഐബ് തങ്ങള്‍ പ്രഭാഷണം നടത്തി. ഓര്ഗ.സെക്രട്ടറി നിസാര്‍ വെള്ളികുളങ്ങര സ്വാഗതം പറഞ്ഞു. സൂപ്പി തിരുവള്ളൂര്‍, ഇബ്രാഹിം നടുവണ്ണൂര്‍, മുസ്തഫ പൂക്കാട്, സുബൈര്‍ തിരുവങ്ങൂര്‍, സി.കെ കുഞ്ഞബ്ദുള്ള, അഷ്‌റഫ്‌ അത്തോളി, സുബൈര്‍ വള്ളിക്കാട് എന്നിവര്‍ സംഗമത്തിന് നേതൃത്വം നല്‍കി.

- ജെ.എസ്.

വായിക്കുക: , , ,

1 അഭിപ്രായം »

എം. എഫ്.ഹുസൈന്റെ നിര്യാണത്തില്‍ ആര്‍ട്ടിസ്റ്റ ആര്‍ട്ട് ഗ്രൂപ്പ്‌ അനുശോചനം രേഖപ്പെടുത്തി

June 11th, 2011

mf-hussain-artista-epathram

ഷാര്‍ജ്ജ: വിഖ്യാത ചിത്രകാരന്‍ എം. എഫ്.ഹുസൈന്റെ നിര്യാണത്തില്‍ യു. എ. ഇ. യിലെ ചിത്രകാരന്മാരുടെ കൂട്ടായ്മയായ ആര്‍ട്ടിസ്റ്റ ആര്‍ട്ട് ഗ്രൂപ്പ്‌ അനുശോചനം രേഖപ്പെടുത്തി. അനുശോചന യോഗത്തില്‍, ‍ആര്‍ട്ടിസ്റ്റ കേന്ദ്രസമിതി കോര്‍ഡിനേറ്റര്‍ ഇ. ജെ. റോയിച്ചന്‍ അദ്ധ്യക്ഷത വഹിച്ചു. പ്രമുഖ ചിത്രകാരി പ്രിയ ദിലീപ്കുമാര്‍ അനുശോചനപ്രമേയം അവതരിപ്പിച്ചു. ആര്‍ട്ടിസ്റ്റ കേന്ദ്രസമിതി അംഗങ്ങളായ ശശിന്‍സ് സാ, ഹരീഷ് തചോടി, രഞ്ജിത്ത് രാമചന്ദ്രന്‍, ഷാഹുല്‍ കൊല്ലങ്കോട്, അനില്‍ താമരശ്ശേരി, അജി രാധാകൃഷ്‌ണന്‍ എന്നിവര്‍ പ്രസംഗിച്ചു.

- ജെ.എസ്.

വായിക്കുക: , , , ,

അഭിപ്രായം എഴുതുക »

സിറിയന്‍ പ്രക്ഷോഭം പടരുന്നു

March 27th, 2011

syrian protests-epathram

ദേരാ: തന്റെ 11 വര്‍ഷത്തെ ഭരണത്തിനിടയില്‍ ഇത്രയും സങ്കീര്‍ണ്ണമായ പ്രശ്നങ്ങള്‍ തനിക്ക്‌ നേരിടേണ്ടി വന്നിട്ടില്ല എന്ന് സിറിയന്‍ പ്രസിഡന്റ്‌ ബഷാര്‍ അല്‍ ആസാദ്‌. വെള്ളിയാഴ്ച സിറിയയുടെ തെക്കന്‍ പട്ടണമായ ദേരയില്‍ സര്‍ക്കാര്‍ വിരുദ്ധ പ്രക്ഷോഭകരും സുരക്ഷാ സേനയും തമ്മിലുണ്ടായ ഏറ്റുമുട്ടലിനൊടുവില്‍ 260 തടവുകാരെ വിട്ടയക്കേണ്ടി വന്നു.

എന്നിട്ടും തീരാത്ത പ്രക്ഷോഭം ഇപ്പോള്‍ രാജ്യമെമ്പാടും വ്യാപിക്കുകയാണ്. ജോര്‍ദാന്‍ അതിര്‍ത്തിക്കു സമീപമുള്ള സിറിയന്‍ പട്ടണമായ ദേരായിലെ ഒമാരി മോസ്‌കിനു സമീപമുണ്‌ടായ വെടിവയ്‌പ്പില്‍ ഒമ്പതു പേര്‍ കൊല്ലപ്പെട്ടു. ഇവരില്‍ ഒരു കുട്ടിയും സ്‌ത്രീയും രണ്‌ടു സുരക്ഷാ ഉദ്യോഗസ്ഥരും ഉള്‍പ്പെടും. ഏറ്റുമുട്ടലില്‍ മരിച്ചവരുടെ സംസ്‌കാര ചടങ്ങുകള്‍ നടക്കുന്നതിനിടെ ഉണ്ടായ വെടിവയ്‌പ്പില്‍ ആറു പേര്‍ മരിച്ചതായി മനുഷ്യാവകാശ പ്രവര്‍ത്തകര്‍ വെളിപ്പെടുത്തി. സംഭവത്തില്‍ 13 പേര്‍ക്കു ഗുരുതരമായി പരിക്കേറ്റു. സുരക്ഷാ ഉദ്യോഗസ്ഥര്‍ തങ്ങള്‍ക്കു നേരെ വെടി വെയ്ക്കുകയായിരുന്നെന്നു പ്രക്ഷോഭകര്‍. എന്നാല്‍ ഇതു സൈന്യം നിഷേധിച്ചു. അജ്ഞാതരാണു വെടി വെച്ചതെന്നാണ് അവരുടെ വാദം. സിറിയന്‍ സുരക്ഷാസേനയുടെ നടപടിയെ യൂറോപ്യന്‍ യൂണിയനും അമേരിക്കയും അപലപിച്ചു.

- ജെ.എസ്.

വായിക്കുക:

അഭിപ്രായം എഴുതുക »

Page 1 of 212

« Previous « ജിമ്മി ജോര്‍ജ്ജ്‌ സ്മാരക വോളിബോള്‍ ടൂര്‍ണമെന്‍റ് : എന്‍. എം. സി. ജേതാക്കള്‍
Next Page » ഒമാന്‍ ഇന്ത്യന്‍ സ്ക്കൂള്‍ ഡയറക്ടര്‍മാരായി 5 അംഗങ്ങളെ തെരഞ്ഞെടുത്തു »



ജലീല്‍ രാമന്തളിക്കും ബി. ...
സുരക്ഷക്കും സമാധാന ത്തിനു...
തടവുകാരെ കൈമാറാന്‍ ഇന്ത്യ...
വ്യാജ മൊബൈലിനെതിരെ കര്‍ശ...
ബോയിംഗിന് ഇത് ചരിത്ര മുഹൂ...
ദുബായ് എയര്ഷോ ആരംഭിച്ചു...
മലയാളി സമാജം ആര്‍. സി. സി...
പ്രവാസി സാമ്പത്തിക അച്ചടക...
ഇന്ത്യന്‍ വിസ ഇനി ഓണ്‍ലൈന...
ദുബായ് ആനപ്രേമി സംഘം മാടമ...
സൌദിയില്‍ 8 ബംഗ്ലാദേശ് സ്...
കേരളീയ വിദ്യാഭ്യാസ രംഗം മ...
തിരുനെല്ലൂര്‍ കരുണാകരന്‍ ...
ബഹറിനില്‍ പ്രക്ഷോഭകാരികളെ...
വാഹനം ഓടിച്ചതിന് സൗദി വനി...
സൗദിയില്‍ ഇനി സ്‌ത്രീകള്‍...
ദുബായില്‍ പ്ലാസ്റ്റിക്‌, ...
ദുബായ്‌ മെട്രോ ഗ്രീന്‍ ലൈ...
പ്രവാസി മലയാളികള്‍ ഓണ ലഹര...
സൃഷ്ടാവിന്റെ മഹത്വം ബോദ്ധ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine