കൊച്ചി: കടുത്ത ഉപാധികളോടെ നടൻ ദിലീപിന് കോടതി ജാമ്യം അനുവദിച്ചു. പാസ്പോർട്ട് കോടതിയിൽ സമർപ്പിക്കണം. അന്വേഷണ ഉദ്യോഗസ്ഥർ ആവശ്യപ്പെടുമ്പോൾ ഹാജരാവണം. സാക്ഷികളെ സ്വാധീനിക്കരുത് എന്നിങ്ങനെ നിരവധി ഉപാധികളാണ് കോടതി മുന്നോട്ട് വെച്ചിട്ടുള്ളത്. നടിയെ ആക്രമിച്ച കേസിൽ പോലീസ് പിടിയിലായ ദിലീപ് കഴിഞ്ഞ 85 ദിവസമായി ജയിലിൽ തടവിൽ ആയിരുന്നു. അന്വേഷണത്തെ സ്വാധീനിക്കുവാൻ സാദ്ധ്യതയുള്ളതിനാൽ മുൻപ് സമർപ്പിച്ച ജാമ്യാപേക്ഷകൾ കോടതി തള്ളുകയായിരുന്നു. എന്നാൽ അന്വേഷണം സമാപന ഘട്ടത്തിൽ എത്തിയത് പരിഗണിച്ചാണ് കടുത്ത ഉപാധികളോടെ ഇന്ന് കോടതി ദിലീപിന് ജാമ്യം അനുവദിച്ചത്.
- ജെ.എസ്.
അനുബന്ധ വാര്‍ത്തകള്‍
വായിക്കുക: കുറ്റകൃത്യം, കോടതി, പീഡനം, സിനിമ
