മോസ്‌കോ: ബാങ്കോക്കില്‍ നിന്നും റഷ്യയിലെ സൈബീരിയയിലേക്ക്‌ വന്ന ബോയിംഗ്‌ 757 വിമാനത്തിന്റെ പൈലറ്റ്‌ യാത്രക്കിടെ ഹൃദയാഘാതത്തെ തുടര്‍ന്ന് മരിച്ചു. ചൊവ്വാഴ്‌ചയായിരുന്നു സംഭവം. വിമാനത്തിലെ റിസര്‍വ്‌ പൈലറ്റായിരുന്ന സെര്‍ജി ഗൊലേവ്‌ (44) വിമാനം നിയന്ത്രിക്കുമ്പോഴാണ്‌ ഹൃദയാഘാതം അനുഭവപ്പെട്ടത്‌. ജീവന്‍ രക്ഷിക്കാന്‍ വിമാനജീവനക്കാര്‍ ശ്രമിച്ചെങ്കിലും ഫലം കണ്ടില്ല. ചൈനീസ്‌ വ്യോമമേഖലയിലൂടെ പറന്നുകൊണ്ടിരിക്കെയായിരുന്നു സംഭവം. എന്നാല്‍, സെര്‍ജി പൈലറ്റ്‌ ആണെങ്കിലും സാധാരണ യാത്രക്കാരനായി സഞ്ചരിക്കുമ്പോഴാണ്‌ മരിച്ചതെന്നും റിപ്പോര്‍ട്ടുകളുണ്ട്‌.
- ന്യൂസ് ഡെസ്ക്
