ജൊഹാനസ്ബര്‍ഗ് : ലോക ഫുട്ബോളില്‍ അങ്കം കുറിക്കാന്‍ എത്തിയ ടീമുകളില്‍, കളിപ്രേമി കളോ കളി നിരൂപ കരോ ആരും തന്നെ സെമി ഫൈനല്‍ സാദ്ധ്യത പോലും കല്‍പിച്ചു നല്‍കാത്ത നാല് ടീമുകള്‍ -ദക്ഷിണ കൊറിയ, ഉറുഗ്വെ, ഘാന, അമേരിക്ക- ഇവര്‍ നോക്കൗട്ട് ഘട്ടത്തില്‍ ഏറ്റുമുട്ടിയ പ്പോള്‍ മല്‍സരം ആവേശോജ്ജ്വല മായിരുന്നു. പ്രീ ക്വാര്‍ട്ടറി ലെ ആദ്യ മല്‍സര ങ്ങളില്‍ വിജയം നേടിയ ഘാന യും ഉറുഗ്വെ യും ഇനി ക്വാര്‍ട്ടറില്‍ ഏറ്റുമുട്ടും. തുടര്‍ന്ന് ഒരു ടീം സെമി യിലേക്ക് കടക്കും. ഇക്കൂട്ടത്തില്‍ ഒരു ടീം ഫൈനലിലും എത്തിയേക്കാം.
ആഫ്രിക്കന്‍ മണ്ണില്‍ ആദ്യമായി വിരുന്നെത്തിയ ലോക ഫുട്ബോള് ക്വാര്‍ട്ടറില്‍ ഇരുണ്ട വന്‍കര യുടെ പ്രതിനിധി കളായി ഘാന സ്ഥാനം പിടിച്ചു. അതിജീവന ഫുട്ബോളിന്‍റെ വക്താക്കള്‍ എന്ന് ലോകകപ്പില്‍ പുകള്‍പെറ്റ അമേരിക്കയെ, എക്സ്ട്രാ ടൈമി ലേക്ക് -അതും ഈ ലോകകപ്പിലെ ആദ്യത്തെ എക്സ്ട്രാ ടൈം- നീണ്ട ത്രസിപ്പിക്കുന്ന പോരാട്ട ത്തിലാണ് ഒന്നിനെതിരെ രണ്ടു ഗോളു കള്‍ക്ക് ആതിഥേയ വന്‍കര യിലെ അവശേഷിക്കുന്ന ഏക ടീമായ ഘാന കെട്ടുകെട്ടിച്ചത്. എക്സ്ട്രാ ടൈമിന്‍റെ മൂന്നാം മിനുട്ടില്‍ നിര്‍ണ്ണായക ഗോള്‍ നേടി മത്സരത്തിലെ താരമായത് ഘാനയുടെ മിഡ് ഫീഡര്‍ അസമോ ഗ്യാന്‍.
ഉറുഗ്വെ – കൊറിയ
തൊണ്ണൂറു മിനുട്ട് കളിയില്‍ എണ്ണയിട്ട യന്ത്രം പോലെ പ്രവര്‍ത്തി ച്ചാലും ഒരു നിമിഷത്തെ അശ്രദ്ധ അല്ലെങ്കില്‍ കണക്കു കൂട്ടലിലെ പിഴവ് -സെക്കണ്ടി ന്‍റെ നൂറിലൊരു അംശത്തില്‍ വരുന്ന പിഴവ്- അതില്‍ സര്‍വ്വതും നഷ്ടമാവും. നഷ്ട പ്പെട്ടവര്‍ക്ക്‌ തിരിച്ചു പോകാം. ഇന്നലെ പിഴച്ച താവട്ടെ കൊറിയന്‍ ഗോള്‍ കീപ്പര്‍ക്ക്. നിമിഷാര്‍ദ്ധ ത്തിന്‍റെ സംഭ്രമ ത്തില്‍ ഒരു നാടിന്‍റെ, ഒരു വന്‍കര യുടെ പ്രതീക്ഷ ഒന്നാകെ പൊലിഞ്ഞു പോയി. അതായിരുന്നു അന്തിമ വിധി. കൈവിട്ടത് ഒന്നും തിരിച്ചെ ടുക്കാന്‍ കഴിയാത്ത കളി. ആവേശം അതിരു കടക്കാ തിരുന്ന മല്‍സര ത്തില്‍ കൊറിയ ക്കെതിരെ ഒന്നിനെതിരെ രണ്ടു ഗോളു കള്‍ക്ക് ആധികാരിക വിജയവുമായി ഉറുഗ്വെ ക്വാര്‍ട്ടറിലേക്ക്.
ജീവന്മരണ പ്പോരാട്ടങ്ങള്‍
യൂറോപ്യന്‍ ശക്തികളുടെ പോരാട്ട ത്തില്‍ മുന്‍ ചാമ്പ്യന്മാരായ ജര്‍മ്മനി, താര നിബിഡ മായ ഇംഗ്ലണ്ടു മായി പോരാട്ട ത്തിന് ഇറങ്ങുന്നു. ഗ്ലാമര്‍ ടീമുകളില്‍ ഒന്നിന് ഇന്ന് മടങ്ങാം.
ജര്‍മ്മനി – ഇംഗ്ലണ്ട് ഇന്ത്യന്‍ സമയം വൈകീട്ട് 7:30 ന്
അര്‍ജന്‍റീന – മെക്സിക്കോ രാത്രി 12 ന്
തയ്യാറാക്കിയത്: – ഹുസ്സൈന്‍ ഞാങ്ങാട്ടിരി
- pma
