കാലിഫോര്ണിയ : പാമോയില്‍ കേസ് പരിഗണിക്കുന്ന തിരുവനന്തപുരം വിജിലന്സ് പ്രത്യേക ജഡ്ജി പി. കെ. ഹനീഫ അധികാര പരിധി ലംഘിക്കുന്നു എന്നാരോപിച്ച് രാഷ്ട്രപതി പ്രതിഭാ പാട്ടീലിന് പരാതി നല്കിയ പി. സി. ജോര്ജിന്റെ നടപടി ഭരണഘടനാ വിരുദ്ധവും ജനാധിപത്യ വിരുദ്ധവുമാണെന്ന് അമേരിക്കന്‍ മലയാളി വെല്‍ഫെയര്‍ അസോസിയേഷന്‍ കാലിഫോര്ണിയ സ്റ്റേറ്റ് കോര്‍ഡിനേറ്റര്‍ ജിജി കരകാട് പ്രസ്താവിച്ചു.
ഭരണ പക്ഷത്ത് ഉത്തരവാദപ്പെട്ട സ്ഥാനങ്ങള്‍ കൈകാര്യം ചെയ്യുന്നവര്‍ ഭരണ ഘടനാ വിരുദ്ധമായ ഇത്തരത്തിലുള്ള പരാതികള്‍ നല്‍കുമ്പോള്‍ യു. ഡി. എഫ്. മായി ആലോചിക്കാതെ ചെയ്തതത് നിര്ഭാഗ്യകരമായി പോയി എന്ന് കാരക്കാട് ആവര്ത്തിച്ചു.
അനുകൂലമല്ലാത്ത വിധികള്‍ കോടതികളില്‍ നിന്ന് ഉണ്ടാകാം. പക്ഷെ അതിനെ നേരിടുവാന്‍ നിയമ മാര്ഗമാണ് സ്വീകരിക്കേണ്ടതെന്നു ജിജി കാരക്കാട് അഭിപ്രായപ്പെട്ടു.
– അയച്ചു തന്നത് : എബി മക്കപ്പുഴ
- ജെ.എസ്.
അനുബന്ധ വാര്‍ത്തകള്‍
വായിക്കുക: പ്രവാസി
