കാനഡ കെ. എം. സി. സി. ക്ക് രാഹുല്‍ ഗാന്ധി യുടെ അഭിനന്ദനം

May 27th, 2020

logo-kmcc-usa-canada-chapter-ePathram
പ്രവാസ ഭൂമിക യിലെ സാമൂഹിക- ജീവ കാരുണ്യ പ്രവര്‍ത്തന രംഗത്തെ ഹരിത നക്ഷത്ര മായ് തിളങ്ങുന്ന കെ. എം. സി. സി. യുടെ യു. എസ്. എ. – കാനഡ ചാപ്റ്റര്‍ ഈ കൊറോണ ക്കാലത്ത് നടത്തിയ പ്രവര്‍ത്തന ങ്ങള്‍ക്ക് രാഹുല്‍ ഗാന്ധി എം. പി. യുടെ അഭി നന്ദനം.

“ഈ മഹാ പകർച്ച വ്യാധി യുടെ സമയ ത്ത് മാനുഷികത ഏറ്റവും നന്നായി ഉയർത്തി പ്പിടിച്ച ഉജ്ജ്വലമായ സേവന ത്തിന് നേതൃത്വം നൽകിയ കേരള മുസ്ലിം കൾച്ചറൽ സെന്റ റിനെ (കെ. എം. സി. സി.) ആത്മാർഥമായി അഭിനന്ദിക്കുന്നു.

ഒരോ സ്ഥല ത്തെയും മുൻ‌ നിര ആരോഗ്യ പ്രവർത്തകരെ സഹായിക്കുന്ന തിനായി നിർണ്ണായക സമയത്തു വൻ തോതിൽ വിഭവ ങ്ങൾ സമാഹരിച്ചു വിതരണം ചെയ്തത് വലിയ പ്രശംസ അർഹിക്കുന്നു. ഏറ്റവും വെല്ലു വിളി നിറഞ്ഞ ഈ പ്രതിസന്ധി സാഹ ചര്യ ങ്ങളിൽ പോലും സേവനം അനുഷ്ഠിക്കുന്ന വ്യക്തികളും സംഘടനയും നമ്മെ വളരെ മുന്നില്‍ എത്തിച്ചിട്ടുണ്ട്.

അത്തരം ശ്രമങ്ങൾ ഏറ്റവും ദുർബ്ബലര്‍ ആയവരിലേക്ക് എത്തിച്ചേർക്കു ന്നതിന്റെ മുന്നിൽ കെ. എം. സി. സി. ആണെന്ന് അറിഞ്ഞതിൽ സന്തോഷി ക്കുന്നു” അഭിനന്ദന സന്ദേശത്തില്‍ രാഹുല്‍ ഗാന്ധി എം. പി. കുറിച്ചിട്ടു.

അദൃശ്യ ശത്രുവിന് എതിരായ ഒരു കൂട്ടായ പോരാട്ട ത്തിന് ജീവിത ത്തി ന്റെ നാനാ തുറ കളില്‍ ഉള്ളവരുടെ പിന്തുണ യും പങ്കാളി ത്തവും ആവശ്യമാണ് എന്ന ഓർമ്മ പ്പെടു ത്ത ലാണ് ഈ മഹാ മാരി തരുന്നത്. ദാന ത്തിന്റെയും ദയ യുടെ യും മനോഭാവത്തെ ഊർജ്ജ്വ സ്വലം ആക്കുന്നത്തിൽ കെ‌. എം‌. സി‌. സി. മാതൃക ആവുന്ന തിൽ അതിയായ സന്തോഷം.

പ്രവർത്തകരുടെ അർത്ഥ വത്തായ സേവന മനോ ഭാവ മാണ് എല്ലാത്തിനും പിന്നിൽ. കെ. എം. സി. സി. യു‌. എസ്‌. എ. – കാനഡ ചാപ്റ്ററിനെ പ്രത്യേകമായി അഭിനന്ദി ക്കുക യാണ് എന്നും രാഹുൽ ഗാന്ധി കൂട്ടി ച്ചേർത്തു.

ലോകമെമ്പാടുമുള്ള ഇസ്‌ലാം മത വിശ്വാസികൾ ഈദുൽ ഫിത്വർ ആഘോഷി ക്കുന്ന വേള യിൽ എല്ലാ സഹോദര ങ്ങൾക്കും പെരുന്നാൾ ആശംസകൾ നേർന്നു കൊണ്ടാണ് രാഹുല്‍ ഗാന്ധി സന്ദേശം അയച്ചത്.

കാനേഡിയൻ പ്രധാനമന്ത്രി ജസ്റ്റിന്‍ ട്രൂഡോ യും കാനഡ യിലെ വിശ്വാസി കൾ ക്ക് ഈദ് സന്ദേശം നൽകി.

– തയ്യാറാക്കിയത് : അബ്ദുല്‍ മുജീബ്  

Tag : K M C C 

 

 

- pma

വായിക്കുക: , , ,

അഭിപ്രായം എഴുതുക »

സ്നേഹഭവനില്‍ ഓണാഘോഷം നടത്തി

September 25th, 2011

snehabhavan-tiruvalla-epathram

ഡാളസ് : അമേരിയിലെ മലയാളി സംഘടനകള്‍ ഓണം പണം ധൂര്‍ത്തടിച്ചു ആഘോഷിച്ചപ്പോള്‍ ദാലസ്സിലുള്ള അമേരിക്കന്‍ മലയാളി വെല്‍ഫെയര്‍ അസോസിയേഷന്‍ തിരുവല്ല ആനപ്രമ്പലിലുള്ള സ്നേഹഭവനിലെ പാവങ്ങളായ അന്തേവാസികളുടെ ഇടയില്‍ ഓണം ആഘോഷിച്ചു മാതൃകയായി.

അനാഥാലയത്തിലുള്ള 150ല്‍ പരം അന്തേവാസികള്‍ക്ക് വിഭവ സമൃദ്ധമായ ഊണും, ഓണക്കോടികളും സമ്മാനിച്ചു. അസോസിയേഷന്‍ സെക്രട്ടറി അജയന്‍ മറ്റെന്മേലിന്റെ കുടുംബാംഗങ്ങള്‍ ഓണാഘോഷ പരിപാടികള്ക്ക് നേതൃത്വം നല്കി.

ഓണത്തപ്പനെ എതിരേല്‍ക്കുവാന്‍ അത്തപ്പൂ ഇടുകയും, അന്തേവാസികളുടെ കസേര കളി, പാട്ട്, മിമിക്രി എന്നീ കലാ പരിപാടികള്‍ നടത്തി ഓണാഘോഷ പരിപാടികള്‍ക്ക്‌ വര്‍ണ്ണക്കൊഴുപ്പ്‌ കൂട്ടി.

വാര്ത്ത അയച്ചത്: എബി മക്കപ്പുഴ

- ജെ.എസ്.

വായിക്കുക: , , ,

അഭിപ്രായം എഴുതുക »

അനുരാധാ കൊയ്‌രാള സി. എന്‍. എന്‍. ഹീറോ ഓഫ് ദ ഇയര്‍

November 25th, 2010

anuradha-koirala-epathram

കാഠ്മണ്ഡു: സി. എന്‍. എന്‍. ഹീറോ ഓഫ് ദ ഇയര്‍ പുരസ്കാരം നേപ്പാളി സ്വദേശിനിയും സാമൂഹ്യ പ്രവര്‍ത്തകയുമായ അനുരാധാ കൊയ്‌രാളയ്ക്ക് ലഭിച്ചു. ലൈംഗിക തൊഴിലാളികളെ പുനരധിവ സിപ്പിക്കുവാന്‍ നടത്തുന്ന പ്രവര്‍ത്തനങ്ങളെ മുന്‍ നിര്‍ത്തിയാണ് അനുരാധ കൊയ്‌രാളയെ തിരഞ്ഞെടുത്തത്. ഒരു ലക്ഷം ഡോളറാണ് സമ്മാ‍നത്തുക.  ഓണ്‍ലൈന്‍ വോട്ടെടുപ്പിലൂടെ ആയിരുന്നു സമ്മാനാര്‍ഹയെ നിശ്ചയിച്ചത്.

മൈഥി നേപ്പാള്‍ എന്ന സംഘടനയുടെ നേതാക്കളില്‍ ഒരാളാണ് അനുരാധാ കൊയ്‌രാള.

പല കാരണങ്ങളാല്‍ വേശ്യാ വൃത്തിയിലേക്ക് എത്തപ്പെടുന്ന ആയിര ക്കണക്കിനു സ്ത്രീകളെ ഇവര്‍ അതില്‍ നിന്നും രക്ഷപ്പെടുത്തി പുനരധിവസിപ്പിച്ചിട്ടുള്ള നേപ്പാളിലെ പ്രധാനപ്പെട്ട എന്‍. ജി. ഓ. കളില്‍ ഒന്നാണ് മൈഥി നേപ്പാള്‍‍.

സി. എന്‍. എന്‍. 2010ലെ ഹീറോ ഓഫ് ദി ഇയര്‍ മല്‍സരത്തില്‍ പങ്കെടുക്കാന്‍ ആഗോള തലത്തില്‍ തെരഞ്ഞെടുക്കപെട്ട പത്തു പേരില്‍ ഇന്ത്യയില്‍ നിന്നും മധുര നിവാസിയായ നാരായണന്‍ കൃഷ്ണനും ഉള്‍പ്പെട്ടിരുന്നു.

- എസ്. കുമാര്‍

വായിക്കുക: , , , ,

അഭിപ്രായം എഴുതുക »

അശരണര്‍ക്ക് സാന്ത്വനമായി നാരായണന്‍

October 25th, 2010

narayanan-krishnan-epathram
മധുര :  നാരായണന്‍ കൃഷ്ണന്റെ ദിവസം ആരംഭിക്കുന്നത് പുലര്‍ച്ചെ 4 മണിക്കാണ്. താന്‍ തന്നെ പാചകം ചെയ്തുണ്ടാക്കുന്ന ചൂട്‌ ഭക്ഷണവുമായി ഇദ്ദേഹവും സഹായികളും തങ്ങള്‍ക്ക് സംഭാവനയായി ലഭിച്ച വാനില്‍ മധുരാ നഗരത്തിലും പ്രാന്ത പ്രദേശങ്ങളിലും സഞ്ചരിക്കുന്നു. റോഡരികിലും, ഓവു ചാലുകളിലും, കലുങ്കുകള്‍ക്കടിയിലും ഇവര്‍ മാനസിക നില തെറ്റിയവരെയും, അശരണരെയും, നിസ്സാഹായ അവസ്ഥയില്‍ കഴിയുന്നവരെയും തെരഞ്ഞു കണ്ടെത്തി അവര്‍ക്ക്‌ സ്വന്തം കൈ കൊണ്ട് ഭക്ഷണം നല്‍കുന്നു. പലപ്പോഴും സ്വന്തമായി ഒന്നും ചെയ്യാന്‍ പോലും കഴിവില്ലാത്ത വണ്ണം തകര്‍ന്നു പോയവര്‍ക്ക്‌ ഭക്ഷണം വാരി കൊടുക്കുന്നു.

narayanan-krishnan-akshaya-trust-epathram

നാരായണന്‍ കൃഷ്ണന്റെ കൈയ്യില്‍ ഇപ്പോഴും ചീര്‍പ്പും, കത്രികയും കത്തിയും ഉണ്ടാവും. ഭക്ഷണം നല്‍കുന്ന കൂട്ടത്തില്‍ ഇവര്‍ക്ക്‌ ഒരു ക്ഷൌരവും കൃഷ്ണന്‍ നല്‍കുന്നു. ചിലപ്പോള്‍ ഇവരെ കുളിപ്പിക്കുകയും ചെയ്യുന്നു. സ്വയം ഇതൊന്നും ചെയ്യാന്‍ കഴിയാത്തവരെ വൃത്തിയും വെടിപ്പുമാക്കി വൃത്തിയുള്ള വസ്ത്രങ്ങളും ധരിപ്പിച്ചേ ഇവര്‍ അടുത്ത ആളെ തേടി നീങ്ങുകയുള്ളൂ.

narayanan-krishnan-hair-cut-epathram

ഒരു പഞ്ച നക്ഷത്ര ഹോട്ടലില്‍ ഷെഫ്‌ ആയിരുന്നു 29 കാരനായ നാരായണന്‍ കൃഷ്ണന്‍. സ്വിട്സര്‍ലാണ്ടിലെ ഒരു മികച്ച ഹോട്ടലില്‍ ജോലി സമ്പാദിച്ച ഇദ്ദേഹം മധുരയിലെ ഒരു ക്ഷേത്രത്തില്‍ സന്ദര്‍ശനം നടത്തവേ മനസ്സിന്റെ താളം തെറ്റിയ ഒരു മനുഷ്യന്‍ വിശപ്പ്‌ സഹിക്കാതെ സ്വന്തം അമേദ്ധ്യം ഭക്ഷിക്കുന്ന കാഴ്ചയാണ് നാരായണന്റെ ജീവിതത്തില്‍ വഴിത്തിരിവായത്‌. അയാള്‍ക്ക്‌ ഉടന്‍ തന്നെ ഭക്ഷണം വാങ്ങി കൊടുത്ത നാരായണന്‍ തന്റെ ജീവിത ദൌത്യം കണ്ടെത്തുകയായിരുന്നു.

narayanan-krishnan-feeding-epathram

അക്ഷയ എന്ന പേരില്‍ നാരായണന്‍ 2003ല്‍ തുടങ്ങിയ ട്രസ്റ്റ്‌ ഇതിനോടകം 12 ലക്ഷം ഭക്ഷണ പൊതികള്‍ വിതരണം ചെയ്തു കഴിഞ്ഞു. നാനൂറോളം പേരെ പ്രതിദിനം ഊട്ടാന്‍ 15000 രൂപയോളമാണ് ചെലവ്. സംഭാവനയായി ഒരു മാസം ട്രസ്റ്റിനു ലഭിക്കുന്ന പണം കൊണ്ട് കേവലം 22 ദിവസം മാത്രമേ ഭക്ഷണം നല്‍കാനാവൂ. ബാക്കി തുക സ്വന്തം വീട് വാടകയ്ക്ക് കൊടുത്ത് കിട്ടുന്ന വാടക കൊണ്ടും മറ്റുമാണ് ഇദ്ദേഹം കണ്ടെത്തുന്നത്. ഇതിനായി ഇദ്ദേഹം താമസം അക്ഷയയുടെ അടുക്കളയിലേക്ക് മാറ്റി.

തന്റെ വിദ്യാഭ്യാസത്തിനായി ഏറെ ചെലവ് ചെയ്ത അച്ഛനമ്മമാര്‍ക്ക് ആദ്യമൊക്കെ താന്‍ ജോലി ഉപേക്ഷിച്ചത്തില്‍ എതിര്‍പ്പായിരുന്നു. എന്നാല്‍ ഒരിക്കല്‍ താന്‍ ഭക്ഷണം നല്‍കുന്നത് നേരില്‍ കണ്ട തന്റെ അമ്മ “നീ ഇത്രയും ആളുകള്‍ക്ക് ഭക്ഷണം നല്‍കി വരുന്നുവെങ്കില്‍ ഞാന്‍ ജീവനോടെ ഇരിക്കുന്നിടത്തോളം കാലം ഞാന്‍ നിനക്ക് ഭക്ഷണം തരും” എന്ന് തന്നോട് പറഞ്ഞതായി ഓര്‍ക്കുന്നു. അന്ന് മുതല്‍ തന്റെ വീട്ടുകാരും തന്റെ ഉദ്യമത്തില്‍ തന്നോട് സഹകരിച്ചു വരുന്നു എന്നും നാരായണന്‍ പറഞ്ഞു.

സി. എന്‍. എന്‍. എന്ന അമേരിക്കന്‍ മാധ്യമ കമ്പനി 2010ലെ ഹീറോ ഓഫ് ദി ഇയര്‍ മല്‍സരത്തില്‍ പങ്കെടുക്കാന്‍ ആഗോള തലത്തില്‍ തെരഞ്ഞെടുക്കപെട്ട പത്തു പേരില്‍ ഒരാളാണ് നാരായണന്‍ കൃഷ്ണന്‍. ഈ ലിസ്റ്റിലേക്ക് തെരഞ്ഞെടുക്കപ്പെട്ട വകയില്‍ 11 ലക്ഷം രൂപ സമ്മാനമായി ഇദ്ദേഹത്തിന് ലഭിക്കും. സി. എന്‍. എന്‍. വെബ് സൈറ്റില്‍ ലഭ്യമായ ഓണ്‍ലൈന്‍ തെരഞ്ഞെടുപ്പിലൂടെയാണ് ഹീറോ ഓഫ് ദി ഇയര്‍ ആയി ഒരാളെ തെരഞ്ഞെടുക്കുന്നത്. ഇദ്ദേഹം ജയിച്ചാല്‍ സമ്മാനമായി ലഭിക്കുന്ന 44 ലക്ഷം രൂപ കൂടി അശരണര്‍ക്ക് സാന്ത്വനമേകാന്‍ ലഭ്യമാകും എന്നതിനാല്‍ ഈ ലിങ്കില്‍ ക്ലിക്ക്‌ ചെയ്ത് നിങ്ങള്‍ക്കും ഈ ഉദ്യമത്തില്‍ പങ്കു ചേരാം.

- ജെ.എസ്.

വായിക്കുക:

1 അഭിപ്രായം »

ലോക കോടീശ്വരന്മാര്‍ സ്വത്തില്‍ പാതി ദാനം ചെയ്യാന്‍ ഒരുങ്ങുന്നു

August 10th, 2010

ബില്‍ഗേറ്റ്സും വാറന്‍ ബുഫറ്റും ഉള്‍പ്പെടെ ലോകത്തെ മുന്‍ നിരയില്‍ ഉള്ള നാല്പത് കോടീശ്വരന്മാര്‍ സ്വത്തിന്റെ പാതി ജീവ കാരുണ്യ പ്രവര്‍ത്തന ങ്ങള്‍ക്കായി ദാനം ചെയ്യാന്‍ ഒരുങ്ങുന്നു.

നിലവില്‍ ലോകത്തെ കോടീശ്വരന്മാരില്‍ രണ്ടാം സ്ഥാനമാണ് മൈക്രോസോഫ്റ്റ്‌ സ്ഥാപകന്‍ ബില്‍ ഗേറ്റ്സിന്. ഓഹരി വിപണിയിലൂടെ സമ്പന്നനായ വാറന്‍ ബുഫറ്റാകട്ടെ മൂന്നാം സ്ഥാനക്കാരനും. ഇവര്‍ ഇരുവരും ചേര്‍ന്നാണ് ഈ പദ്ധതിക്ക് ചുക്കാന്‍ പിടിക്കുന്നത്. “ദി ഗിവിങ് പ്ലെഡ്ജ്” എന്ന വെബ്സൈറ്റില്‍ ഇതില്‍ പങ്കാളിത്തം വഹിക്കുന്ന മറ്റുള്ളവരെ പറ്റിയും പദ്ധതിയെ പറ്റിയും വിശദമാക്കിയിട്ടുണ്ട്.

ന്യൂയോര്‍ക്ക് മേയര്‍ മൈക്കല്‍ ബ്ലൂംബര്‍ഗ്, ഒറാക്കിള്‍ സ്ഥാപകന്‍ ലാറി എലിസണ്‍, മൈക്രോ സോഫ്റ്റിന്റെ സഹ സ്ഥപകന്‍ പോള്‍ അലന്‍, ഹില്‍ട്ടണ്‍ ഹോട്ടല്‍ സ്ഥപകന്‍ കോണ്‍‌റാഡ് ഹില്‍ട്ടന്റെ മകന്‍ ബാരന്‍ ഹില്‍ട്ടന്‍ തുടങ്ങിയവര്‍ ഈ സംരംഭത്തില്‍ സഹകരിക്കുന്നുണ്ട്.

-

വായിക്കുക: ,

അഭിപ്രായം എഴുതുക »


« ബ്രിട്ടനില്‍ സര്‍ദാരിക്കു ചെരിപ്പേര്
സ്വകാര്യത പ്രശ്നമില്ല; പണം മതി എന്ന് ബ്ലാക്ക്ബെറി »



  • മാധ്യമ പ്രവർത്തകർക്ക് സമാധാനത്തിനുള്ള നോബൽ സമ്മാനം
  • സാഹിത്യത്തിനുള്ള നോബൽ സമ്മാനം താൻസാനിയൻ എഴുത്തുകാരന്
  • ഭൗതിക ശാസ്ത്ര നോബല്‍ സമ്മാനം മൂന്നു പേര്‍ക്ക്
  • സർക്കാർ ഉദ്യോഗസ്ഥർക്ക് താലിബാന്‍റെ പൊതു മാപ്പ്
  • താലിബാൻ വീണ്ടും അധികാരത്തിലേക്ക്
  • കൊവിഡ് : മൂന്നാം തരംഗ ത്തിന്റെ പ്രാരംഭ ഘട്ടത്തില്‍
  • തീവ്ര വ്യാപന ശേഷിയുളള ഡെല്‍റ്റ വകഭേദം കൂടുതല്‍ അപകടകാരി : രോഗ ലക്ഷണ ങ്ങളില്‍ മാറ്റം
  • വാക്സിനു പകരം ഗുളിക : പരീക്ഷണവുമായി ഫൈസര്‍
  • പെൺകുട്ടികൾ പാടുന്നതിന് വിലക്ക്
  • അമേരിക്കയില്‍ ജോണ്‍സണ്‍ & ജോണ്‍സണ്‍ ഒറ്റ ഡോസ് വാക്സിന് അനുമതി
  • കടുത്ത രോഗാവസ്ഥയില്‍ നിന്നും രക്ഷ നേടാന്‍ ഓക്സ്ഫോഡ് വാക്സിന്‍
  • ബ്രിട്ടണില്‍ കൊവിഡ്​ വ്യാപനം രൂക്ഷം : ലോക്ക് ഡൗണ്‍ ജൂലായ് 17 വരെ നീട്ടി
  • ജോ ബൈഡനും കമലാ ഹാരിസ്സും അധികാരത്തില്‍
  • കൊവിഡ് വാക്‌സിന്‍ എടുക്കുന്നവര്‍ മദ്യപിക്കരുത് എന്ന് മുന്നറിയിപ്പ്‌
  • സമാധാന പരമായി പ്രതിഷേധി ക്കുവാന്‍ ജന ങ്ങൾക്ക് അവകാശമുണ്ട് എന്ന് ഐക്യരാഷ്ട്ര സഭ
  • വാക്‌സിന്‍ എടുത്തവര്‍ വഴി കൊവിഡ് പകരും എന്ന കാര്യത്തില്‍ വ്യക്തതയില്ല
  • ഫുട്‌ബോള്‍ ഇതിഹാസം ഡീഗോ മറഡോണ വിടവാങ്ങി
  • ഫൈസര്‍ കൊവിഡ് വാക്‌സിന്‍ 90 % ഫലപ്രദം
  • നാളികേരം ഫീസ് : സാമ്പത്തിക പ്രതിസന്ധിക്ക് പുതിയ ഉപാധി  
  • മാലിയിൽ 50 അല്‍ ഖ്വയ്ദ ഭീകരരെ വധിച്ചു



  • വെനീസില്‍ വെള്ളപ്പൊക്കം...
    ഇന്ത്യൻ വംശജനും പത്നിക്കു...
    ഇന്ത്യക്കെതിരെ ആഞ്ഞടിച്ച്...
    ജമ്മു കശ്മീ‍ർ വിഭജനത്തിനെ...
    ജൂലിയന്‍ അസാഞ്ച് ലണ്ടനില്...
    പഴ്‌സ് എടുക്കാന്‍ മറന്ന യ...
    ചൈന ഇന്റർനെറ്റ് നശീകരണത്ത...
    മർഡോക്കിന്റെ കുറ്റസമ്മതം...
    നരേന്ദ്ര മോഡിക്ക് വിസ നൽക...
    ഈമെയിൽ ചോർത്തൽ : മർഡോക്ക്...
    മ്യാന്‍‌മറില്‍ സ്യൂചിക്ക്...
    കൊല്ലപ്പെട്ട അമേരിക്കന്‍ ...
    അഫ്ഗാനിസ്ഥാനിൽ സ്ത്രീകൾക്...
    അമേരിക്കൻ സൈനിക സാന്നിദ്ധ...
    റേഡിയോ പ്രക്ഷേപണത്തിന്റെ ...
    അമേരിക്കന്‍ പോലീസ്‌ മുസ്ല...
    വിറ്റ്‌നി ഹൂസ്‌റ്റന്‍ അന്...
    ഇന്ത്യ ഇറാനോടൊപ്പം...
    ഭൂഗര്‍ഭ നദി പുതിയ ലോകാത്ഭ...
    ഡച്ചുകാരും ബുര്‍ഖ നിരോധിക...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine