കോട്ടയം: നടനും സംവിധായകനുമായ ഹക്കീം റാവുത്തര്‍ അന്തരിച്ചു. കോട്ടയം മെഡിക്കല്‍ കോളേജില്‍ ചികിത്സയില്‍ ആയിരുന്നു. കലാഭവന്‍ മണി നായകനായ “ദി ഗാര്‍ഡ്” എന്ന സിനിമ സംവിധാനം ചെയ്തിട്ടുള്ള ഹക്കീം കലാഭവന്റെ ആദ്യകാല പ്രവര്‍ത്തകന്‍ ആയിരുന്നു. ജയരാജ് സംവിധാന ചെയ്ത് മമ്മൂട്ടി നായകനായ ജോണിവാക്കര്‍ എന്ന സിനിമയിലെ മാഫിയ സംഘംഗാംഗത്തെ അവതരിപ്പിച്ച ഹക്കീം ഏറെ ശ്രദ്ധിക്കപ്പെട്ടിരുന്നു. മൂക്കില്ലാ രാജ്യത്ത് എന്ന ചിത്രത്തിലെ മാനസിക രോഗിയുടെ വേഷവും ശ്രദ്ധിക്കപ്പെട്ടു.തിളക്കം, പൈതൃകം, മന്ത്ര മോതിരം, പട്ടണത്തില്‍ സുന്ദരന്‍, കാഴ്ച, രസികന്‍, നായിക, വെട്ടം തുടങ്ങി നിരവധി ചിത്രങ്ങളില്‍ അഭിനയിച്ചിട്ടുണ്ട്. ഗസല്‍ ഗായികയും എഴുത്തുകാരിയുമായ ദേവി മേനോന്‍ ആണ് ഭാര്യ.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: filmmakers, obituary
