ബീജാപൂര്‍: കര്‍ണ്ണാടകയിലെ ബീജാപ്പൂരില്‍ പുതുവര്‍ഷത്തില്‍ പാക്കിസ്ഥാന്റെ ദേശീയ പതാക ഉയര്‍ത്തി. ബീജാപ്പൂര്‍ ജില്ലയിലെ സിന്ദ്ഗി തഹസില്‍ദാര്‍ ഓഫീസിനു മുമ്പിലാണ് പാക്കിസ്ഥാന്റെ ദേശീയ പതാക ഉയര്‍ത്തിയ നിലയില്‍ കണ്ടെത്തിയത്. ഇതേ തുടര്‍ന്ന് പ്രദേശത്ത് സംഘര്‍ഷാവസ്ഥ ഉടലെടുത്തു. പോലീസും അധികാരികളും സ്ഥലത്തെത്തി പാക്കിസ്ഥാന്റെ ദേശീയ പതാക അഴിച്ചു മാറ്റി. പാക്കിസ്ഥാന്റെ പതാക ഉയര്‍ത്തിയതില്‍ പ്രതിഷേധിച്ച ജനക്കൂട്ടത്തെ പോലീസ് ബലം പ്രയോഗിച്ച് പിരിച്ചു വിട്ടു. പ്രതിഷേധക്കാര്‍ പ്രദേശത്ത് ഹര്‍ത്താല്‍ പ്രഖ്യാപിച്ചു. ബീജാപൂര്‍ എസ്. പിയുടെ നേതൃത്വത്തില്‍ സംഭവത്തെ കുറിച്ച് അന്വേഷണം ആരംഭിച്ചിട്ടുണ്ട്.സംഭവവുമായി ബന്ധപ്പെട്ട് ചിലരെ കസ്റ്റഡിയില്‍ എടുത്തതായി സൂ‍ചനയുണ്ട്.
- എസ്. കുമാര്‍
അനുബന്ധ വാര്‍ത്തകള്‍
വായിക്കുക: കുറ്റകൃത്യം, പോലീസ്, പ്രതിഷേധം
